2017年6月21日星期三

英倫“游”。Day 10 ~ 都柏林市內遊、貪心早餐、超值晚餐

登登登凳,海豚兒期待已久的茄汁豆終於出場啦!海豚兒一開始把“另上”的茄汁豆放在中間影了張早餐大合照,又覺得自己好貪心筆咁大碟豆好似有點難為情,然後就把碟豆移到旁邊,自我感覺當堂良好一點,哈哈!



吃飽飽返上房執齊眼耳口鼻就開始這天的都柏林市內“游”啦!在酒店門外拍拍照,看見這“一柱擎天”又影下,但碌柱太高要斬件上。。。XD



沿途又四圍影下。




看見正進行裝修加滿圍板,甚麽也看不到的Bank of Ireland也影下。




之後就去行商店街,等名店百貨公司開門,就即時去潮聖。謝謝Mr. Dolphin送的禮物啊^3^,海豚兒在這行程又添了件心頭好!一大早就有收獲,這趟旅行真的了無遺憾咯,嘩咔咔!





行完街街就繼續這天的輕便觀光,包括Dublin Castle。






還有Ha'penny Bridge和旁邊的Millennium Bridge。





一場來到,當然要去Butlers Chocolate Café朝聖啦,味道雖不及海豚兒至愛Pierre Macolini,但既然來到又不況一試,順便也買了些古古力當手信。



聽對上一日嘅導遊講才知道蘇格蘭Whisky串法跟愛爾蘭Whiskey串法是不同的呢。



之後就去行其他百貨公司,難得Mr. Dolphin也有收獲呀!



行到晚飯時間,我倆就到先前預訂的餐廳開餐啦!其實呢,這間餐廳並不是海豚兒的首三位選擇啦,不過因為長週末加上好幾間心水餐廳也是星期一休息,所以海豚兒唯有退而求其次,不過嘛,這餐飯竟然又帶給我倆滿滿的驚喜喎!



服務非常好之餘,食物方面重質亦重量,不論是頭盤、主菜、或甜品,我倆也吃得十分滿意,加上這是pre-theatre menu時段,價錢也很相宜啦,3 course晚餐才€32,正好為這個充滿快樂的英倫“游”劃上一個完美的句號啦!







飽餐一頓後,我倆就打的回酒店,順便收拾行裝咯!

22 則留言:

  1. Mr.Dolpin 好識做啦~~
    個晚餐真係好抵

    回覆刪除
    回覆
    1. 諗返都幾搞笑,佢好快就拍版話買,但我仲要大牌到話要諗下先。;P

      對,個晚餐真係堅抵,話哂仲要係酒店內嘅餐廳。

      刪除
  2. 係喎,其實你哋有無儲齊三大銀行的銀紙?你哋去哂IRELAND, SCOTLAND, ENGLAND?

    回覆刪除
    回覆
    1. 妳都知錢最好唔過我手架啦,莫講話儲,我連啲紙幣、銀仔嘅樣都未識分XD,不過某人話我跣咗佢,喺Edinburgh搭少程tram,令佢散銀仔行動失咗預算,所以剩咗啲coins囉!

      刪除
  3. 回覆
    1. 而且仲大件夾抵食,超滿足到我嘅C9心態!

      刪除
  4. 晚餐的食物好靚啊,生蠔都好肥大咁,又靚又好食 ^^
    海豚兒今次買左多唔多野啊?

    回覆刪除
    回覆
    1. 對於呢個晚餐真係好滿意呀,而且甜品仲好好味添!

      古古力呀、餅呀就買咗唔少,衣服就唔算多,都係三幾件,但就買咗兩個手袋,嘻嘻!

      刪除
  5. pre-theatre menu都有生蠔,甜品又靚,好抵呀!

    回覆刪除
    回覆
    1. 呢餐真係好扺食,而且有咁正嘅甜品作結,真係了無遺憾架!餐飯平咗,所以最後仲有餘錢剩打的返酒店,哈哈,講笑啦,其實係因為某人被北愛團友惹病咗而我又腳痛,都廢事行太多路啦。

      刪除
  6. 回覆
    1. 對,大大碟茄汁豆由我獨享,真係食得特別開心滋味!:)

      刪除
  7. 細細聲話你知:茄汁豆其實好多糖 :D 不過你唔係成日食,唔怕啦!

    都柏林 - 開頭以為你指的是 Berlin,今日終於知道原來是 Dublin。(之前我仲諗,一日個 day tour 點可能又遊 Ireland 又飛埋去德國呢...? ^^")

    回覆刪除
    回覆
    1. 平時我都唔敢食架,只限於旅行至會咁放肆,而且可能我心理作用啦,去到歐洲食嘅茄汁豆早餐好似比北美嘅好味啲咁,哈哈!

      老實講,我都係今次寫遊記問偉大嘅高高先生(Mr. Google)至知Dublin中文係都柏林,其實我都有擔心會好易混淆咗。^^"

      刪除
  8. 回覆
    1. Sorry,今次真係揾唔番,連email同spam都無添。Blogspot呢樣野有時真係激C人呀!

      刪除
    2. oh....no big deal...

      其實我好似只係寫「終於晴天,見到藍天白雲,心情都好啲,同埋想話Dublin啲建築物都ok喎。」

      刪除
    3. Thanks Ceci!:)

      對呀,呢日好好天,四圍行嘅感覺都自在啲,而且喺北美住咗咁耐,每次去歐、亞洲,都會特別appreciate可以喺市內行來行去唔駛下下揸車揾路揾位咁麻煩。

      刪除
  9. Top priority of picking a hotel for Mr & Mrs Dolphin -- free baked beanssssssssss

    回覆刪除
    回覆
    1. 哈哈,其實去歐洲住酒店真係幾鍾意包埋早餐,貪佢食物比北美酒店多選擇好多,但我呢啲cheap底嘅,當然唔會捨得加好多錢去包早餐啦,所以每逢遇到包早餐又有埋豆食,就特別開心!

      刪除
  10. 好似晚晚都要訂位先得WO, 成個歐洲都係咁架?
    肥人大鄉里, 未去過歐洲呢~

    回覆刪除
    回覆
    1. Welcome back! :)

      如果去倫敦嘅星店或名氣店就大多要預先訂位,但感覺上我地去Edinburgh同Dublin嘅餐廳就算walk in一般都ok,不過我鍾意預先安排好哂再跟住個時間表做人,所以訂位會令我安心啲。

      刪除