2017年6月18日星期日

英倫“游”。Day 9 ~ 大開眼界 ※北愛爾蘭一日遊※

因為唔想明天(最後一日)嘅行程太辛苦,所以選擇一來到都柏林就即時去北愛爾蘭一天"游"。這天6:30am就要去到集合地點參加北愛爾蘭一天團,可憐海豚兒和Mr. Dolphin之前一晚一時多才睡,中途又多次被樓下酒吧客人吵醒,大概只睡了4、5小時,更甚的是我倆這天太早出動啦,酒店提供的免費早餐還未開始,海豚兒就這樣錯過了茄汁焗豆啦,嗚嗚!還好,這天來回車程加起來約七小時,海豚兒和Mr. Dolphin在車上大部分時間也是大頭幹菌上腦中渡過zzzZZZ。

大鄉里的我倆一直以為愛爾蘭共和國(Republic of Ireland -下簡稱愛爾蘭)和北愛爾蘭(Northern Ireland - 下簡稱北愛)就是同一個國家嘛,直到這天在途上聽導遊講解才知道她們是兩個國家來的,怪不得兩地使用的貨幣也不一樣啦,愛爾蘭是用歐元而北愛是用磅。雖説是兩個國家,但她們是不設關卡的,所以穿越兩地亦無需要帶上護照。

大概兩個多小時車程,旅遊巴便來到北愛的Belfast。這個名字海豚兒其實一點認識也沒有,只是從導遊口中得知原來Titanic是在這裡誕生的。旅行團在這城停了大半小時加接其他團友,可是時間尚早,商店還未開始營業,我倆就只簡單地隨處拍拍照、吃點東西便繼續上路咯。




離開Belfast後的第一個景點就是怪樹群咯>>無文化的我倆對於不懂、又怪形怪相的事物都喜歡幫他們安個無聊名,哈哈!XD 這兒叫做The Dark Hedges,其實是Game of Thrones的一個著名場景,不過嘛,因為近年有太多遊人來觀賞,這兒有些居民對於這裡長期塞車情況就變得很不耐煩啦。^^"





下一站就是Dunluce Castle這個影相景點。據導遊講,這個建在崖邊的古堡當年在一個晚上設宴,剛巧遇上橫風橫雨雷電交加,古堡主人因為等了很久卻未等到甜品上枱於是便去廚房看看,方發現靠近崖邊的廚房整個掉到海裡去了。@_@!



接下來,我們就去這個英倫“游”繼Harry Potter,Stongehenge和Bath後的第三個大景點>>>Giant's Causeway啦! 看到下面UNESCO的石碑時,海豚兒忽然想起一位blog友,因為她和她的丈夫很喜歡參觀有世界文化遺產標簽形式的景點呢。:)



來到Giant's Causeway的核心外圍可以選擇步行約廿分鐘去核心內圍又或者像懶人一號、懶人二號(排名不分前後左右 XD),每人乖乖的付上£2.50坐shuttle bus直接殺入核心內圍。



一來到這兒就忍不住要四處怒影啦!






這些石的形成大致有兩個説法,第一個就是因著大自然力量演變而成。



第二個說法就像下面所寫是巨人建造成的咯。你又會相信那個呢?;P



這裡風很大,許多次刮起大風時,站在高處的遊人也要彎低身及停止步行,因為真的怕會被吹跌啦!



看看這些浪花大概便會明白風有多大。還有就是我倆盡量也不張開口,避免飛沙風中轉,轉到入口裡面啦!




這個景點真的很值得到此一“游”,全靠Mr. Dolphin好介紹呢!

嘆完這個值得為此舟車勞頓一來的景點,旅遊巴就載團友們去下一個叫Carrick-a-Rede的地方啦。



來這兒的目的是為了影加行以下這條吊橋,可惜我們進場時風大,初期吊橋是沒有開放的。



下車後,我倆行了一大段路。



眼看前面還有很長的路才行到去吊橋,而海豚兒之前在Giant's Causeway已經頂硬上行了很多高低不平的石級,再加上腳患未好,這次真的不能再行啦,唯有辛苦Mr. Dolphin獨自上路啦!



至於海豚兒就襯等Mr. Dolphin回來的時候隨意拍拍照咯!有看到對面影得懞懞地的島嗎?其實就是蘇格蘭啦!




等Mr. Dolphin完成這個拍吊橋任務後,我倆便到小食部吃了個不好吃的下午茶,順便抖一抖。



之後旅遊車就載我們去參觀一個小村落,來這兒的目的好像是參觀一個鐘乳石洞,但Mr. Dolphin怕海豚兒腳痛加劇,提議在附近隨意逛下等團友回來便算。:)




終於完成了這天所有行程,海豚兒和Mr. Dolphin一上車便大昏迷,直至去到Belfast才醒來及下車鬆一鬆,之後一上車又昏睡到都柏林市內啦!

原本打算這夜的晚餐就在酒店附近的酒吧解決,笨笨的我倆沒有想到原來這兒的酒吧在長週末會全院滿座,在沒有訂位的情況下,只好退而求其次隨便找間尚未滿座的餐廳啦,至於食物水準嘛。。。算罷啦!





填肚後就趕快回酒店房間梳洗、休息咯!在外吹了一整天風,如今最想就是沖個靚涼休息下咯!

18 則留言:

  1. 那堆怪樹, Giant Causeway 和吊橋都好美啊!不過來回車程要七個小時?@.@ 當是看到這幾個字已經覺得很累 ^-^

    回覆刪除
    回覆
    1. 其實安排行程時,我地都有因為去北愛嘅車程長而諗過縮沙架,但好在最終都堅持照報團去咗,亦都證明不枉此行,同埋我地太攰,喺架車到狂瞓,所以時間都過得快啲!

      刪除
  2. 呢個團幾好,去的地方都多,已經很經典。如果我再去呢,都會參加,唔使自駕咁辛苦。

    回覆刪除
    回覆
    1. 呢個團cover嘅景點真係唔錯,而且跟團只需要守時,唔駛擔心其他,一上旅遊車就可以休息,真係幾爽。如果個團喺Belfast上落客嘅時間可以安排得好啲會更好!

      刪除
  3. 難得去到,當然要週圍行吓

    回覆刪除
    回覆
    1. 呢個團好盡興啦,仲名乎其實早出晚歸添呀!:)

      刪除
  4. 雖然聽上去都覺得眼瞓+辛苦,但D景真係好靚呀!
    而且同一個國家,不設關卡又不同貨幣,真係好有趣,希望有機會去體驗下~~~

    回覆刪除
    回覆
    1. 已經好難得我地嗰日喺車咁瞓得,一來可以補眠,二來瞓咗啲時間都過得快啲!

      如果去愛爾蘭玩,我覺得呢日嘅行程,特別係Giant's Causeway真係不容錯過,所以我就算手腳咁唔協調,都要手腳並用咁爬上啲石到感受一下。

      刪除
  5. 你年紀小,所以可能無聽過Belfast,其實貝爾法斯特喺我仲小朋友時,差不多個個星期都出現喺無線新聞架,因為7/80年代北愛基督徒與天主教徒互相之間嘅恐怖襲擊非常密集,差不多個個星期 Belfast都有爆炸架,好出名嘅Blood Sunday都係喺Belfast發生,導遊無提?唔通因為太敏感?

    回覆刪除
    回覆
    1. 導遊都有講到以前北愛同愛爾蘭嘅衝突(唔知係咪未講到Belfast我又瞓咗呢XD),我地喺佢講解時都有印象好似妳咁講,80年代無線新聞會經常睇到關於呢兩個地方好亂嘅報導,不過可能嗰陣仲細,對Belfast呢個名even中文都無咩印象。導遊仲話嗰年代,愛爾蘭人係差不多唔敢去北愛,因為真係會驚命仔不保。

      刪除
  6. 個懸崖景, 我想起 Etretat
    做咩俾我見到兜巴星D杯 T-T

    回覆刪除
    回覆
    1. 我即時google Etretat嘅相黎睇,又確係有啲似喎!

      原來妳有儲佢啲杯嘅習慣架?我平時都唔會專登影,但當時覺得應該唔會再有機會黎玩,所以就想影低留念。:)

      刪除
  7. d 石好靚呀:)
    嘻...我覺得係巨人....一定係...除非唔係...嘻嘻...:)))

    回覆刪除
    回覆
    1. 啲石真係好特別,平時嘅我一定唔會咁神心爬上去睇,但今次就算腳痛都忍唔住要爬上去睇下。

      哈哈,無錯,“一定係...除非唔係” XD

      刪除
  8. 好要力的旅程,但風景美妙值得辛苦!

    回覆刪除
    回覆
    1. 真係值得一去!最爆笑係導遊好鼓勵團友帶食物去賞石時順便野餐,好在我地無俾佢老點咋,唔係連三文治都吹走,如果飲湯,望住碗湯有一點點黑色浮面,可能連係沙石定胡椒粒都唔識分。

      刪除
  9. 靠近崖邊的廚房整個掉到海裡去了 <-- what the what?!

    I heard nothing but good things about game of thrones, but I don't need to watch it since I live it every day at work...

    回覆刪除
    回覆
    1. 還有在廚房工作的員工無啦啦要去bungee jump^^”

      我一隻都未睇過,講起黎,妳呢排返工一定好忙,要保重啊!

      刪除