2017年6月27日星期二

英倫“游” 。Day 11 ~ 最終回、VAT退稅實錄

這天是英倫“游”的最後一天,是日乘坐12:25pm的直航機回多倫多,所以這早上我倆也沒有安排任何行程,只想預留多一點的時間在機場處理退稅(VAT)手續>>>來歐洲購物的其中一個樂趣當然是可以領回部分退稅啦!

梳洗過後當然要去酒店大堂嘆番個茄汁豆早餐啦。



之後回房收拾好行李便乘機場巴士前往都柏林機場。



在機場辦妥登機手續後便過海關,然後就去搞退稅。長話短說,歐洲不同國家有不同規矩,愛爾蘭規定是要單一貨品價值超過€2000,海關人員才會蓋印(custom stamp),跟好些歐洲國家申請退稅就要將所有價值單據蓋印的做法很不一樣,但我倆就是不放心之前在倫敦跟愛丁堡買的東西不蓋印就不能退稅嘛,加上都柏林機場是沒有即時現金退稅這選擇,而兩間較大型的退稅公司中,只有Premier Tax Free Ltd在都柏林機場設有櫃枱服務,而Global Blue Tax Free Ltd就只有郵箱一個,但不管如何我倆也只好『耐。心。地。』等候。等了六個多星期後,退稅終於一項一項出現在信用卡上啦,到出文之時,大概已收回一半啦,而最有趣的是,已退回的款項全都是經Global Blue處理的呢,原來有職員在場真的不代表甚麽啦。^^" 


老實説,退稅項目中只有兩個手袋的銀碼比較大,其他的都只是十元八塊,退不到也沒關係,還幸在倫敦買的心頭好亦已收到退稅啦!又,在都柏林的Arnotts百貨公司(地址:12 Henry Street)底層亦有即時現金退稅服務,Mr. Dolphin在這兒買了一雙皮鞋,也享受了即時退稅的“樂趣”>>>這“樂趣”原於他可以即時把退回來的銀仔幹掉,不用帶回多倫多收藏,哈哈!

見時間尚早加上飛機延遲了大半小時才起飛,我倆便到lounge到hea下,可惜這兒的食物真係超唔掂,還好,海豚兒只著意襯上機前在這兒多飲兩瓶水來補充水份。



一如以往,海豚兒一般不太能接受飛機餐的味道,但這款小吃海豚兒從前已試過數次,以飛機餐計,算是個不錯的選擇,難得這程飛機又遇上它,就連Mr. Dolphin也驚奇海豚兒會食飛機餐呢,所以他也很心急想試下這款wrap,還“認真地”挑了跟海豚兒一樣的素菜口味,哈哈!八個多小時候後,我倆就回到多倫多了,這個英倫“游”也就此完滿地結束了。




後感: 之前也說過嘛,海豚兒和Mr. Dolphin對於這個行程的天氣、各項安排、及所遇到的人和事也是非常感恩,而且這個旅程真的玩得十分盡慶。這趟旅行亦是我倆去歐洲自由行以來首次走訪多於兩個城市,安排上是較煩一丁點,但慶幸我倆亦非常享受整個旅程,當然二人行亦是我倆能玩得這麼高興的原因啦^^”。對於都柏林的印象,説真的是沒有倫敦和愛丁堡的好,但感覺上以遊客身份在這城市走動也算是安全的,加上能有機會到北愛一行,都柏林此行早已值回票價!更有趣是,預期的三國“游”,竟然變成了四國“游”呢 ~ 英格蘭、蘇格蘭、愛爾蘭共和國、再加上北愛爾蘭,感覺上好像賺了,哈哈!

就這樣,這個下一欄之旅就結朿了,感謝每一位不嫌煩把這“游”記看完的妳和你。不瞞你説,海豚兒就是喜歡把記得的和印象深刻的通通寫下來,好讓自己將來可以再回味一番。謝謝收看!:)

18 則留言:

  1. 睇遊記都覺得今次旅行好繽紛、好開心,出年又有咩目標呀?

    回覆刪除
    回覆
    1. 今次英倫遊真係超正,玩得勁開心。出年諗過想去瑞士(其實本來想今年但又怕四月去會太凍),同埋好想再去cruise,但都要睇下Mr. Dolphin屋企情況先決定到。

      刪除
  2. N年前攪過退稅, 佢話退落 credit card, 最後都係收唔到

    回覆刪除
    回覆
    1. 我地都試過呢,退稅呢家野真係睇彩數,所以有得㨂嘅話,我都係鍾意現兜兜攞現金啲。^^

      刪除
  3. 多謝分享。不知道都柏林的機場好唔好行? HEATHROW就行兩個鐘都得喇。希望你哋可以再來玩啦。

    回覆刪除
    回覆
    1. 柏林機場無咩好行(我覺得啦下),Heathrow真係正好多好多,可惜我今次唔係喺倫敦走,唔係就正啦!

      我都想呀,再過幾年吖,下次黎再探妳!

      刪除
  4. 回覆
    1. 我估妳對返香港嘅興趣大啲!:)

      刪除
  5. 你真係好鐘意茄汁豆喎,有無買返幾罐返去?

    回覆刪除
    回覆
    1. 十幾年前買過一罐喺屋企食,但又唔係嗰回事囉,所以我只會喺旅行時候食,每次食,都會諗起兒時回憶!

      刪除
  6. 嘻嘻,我有睇晒呢 ^^
    heehee~~~

    回覆刪除
    回覆
    1. 多謝妳支持呀!寫完遊記我都懶懶地,好似唔知跟住寫咩好咁。^^"

      刪除
  7. 妳的遊記好舒服沒有趕的感覺好正!

    回覆刪除
    回覆
    1. 謝謝Maggie!

      我地懶嘛,chur得太盡驚會辛苦同易病,不過今次旅程堅係我倆近年最滿意之旅。:)

      刪除
  8. 回覆
    1. 對,大前題要努力工作,賺到水腳至可以安排下一次旅行。今年工作上壓力大咗啲啲,我都係氹自己做到下個旅行返黎至算啦,繼續邊做邊盼望下一個旅行。

      刪除
  9. 睇左當去左架啦肥人都....謝謝分享呢~

    回覆刪除
    回覆
    1. 唔駛客氣!其實有時寫游記都真係驚悶親人,但自己游記自己睇,我發現隔幾年後再睇返,會記得返旅程中好多一早遺忘咗嘅細節,都幾滿足架。

      刪除