2017年6月6日星期二

英倫“游”。Day 6 ~ Duck & Waffle嘆早餐>>>向愛丁堡出發

多得Samwei嘅好介紹,海豚兒早於兩個月前就訂了位去Duck & Waffle嘆個靚早餐。

呢間餐廳其實係24小時營業嘅,訂位前先刨餐牌,海豚兒和Mr. Dolphin一致認為早餐最啱食!



選擇早餐時段來,海豚兒就是為了這個超級合口味的窩夫啦,brulee咗嘅蕉蕉加暖暖的花生醬加質感似雪糕多過cream嘅Chantilly cream再加脆脆窩夫,每一啖都食得海豚兒好滿足。至於Mr. Dolphin選的就是24小供應的招牌菜Duck & Waffle啦,這隻靚鴨脾配太陽鴨蛋窩夫亦同樣得到他的好評呀!



喺度食早餐,有靚景睇,再加埋美食,呢餐真的滿有驚喜,正正正!





食飽後就順著Mr. Dolphin安排去Canaby逛下,經過發現我倆數年前幫襯過嘅餐廳依然喺度,好開心啦!




之後繼續四圍行,行到去Oxford Street逛完幾間百貨公司後,本打算坐地鐵回酒店嗰頭hea下,突然醒起之前Mr. Dolphin讚過倫敦雙層巴士又型又靚,海豚兒就忽發奇想提議坐巴士返去啦。



去到St. Pancras,我倆提早下車,順便懷念一下當年由巴黎搭Euro Star在這車站下車的情景。



見時間尚早,海豚兒就作出最後一擊,來到這兒Fortnum and Mason分店嘆番個cream tea。

先要説海豚兒在之前一天逛街時已在Fortnum and Mason總店買了一個迷你版scone過口癮,還麻煩店員代為翻熱,印象也不差。



不過嘛,這天的迷你版scones烘得超夠熱,塗滿clotted cream和果沾醬後,吃下去那種滋味就是倍升咯!有時候人就係咁,俾貴幾倍價錢食同一款scone,竟然會份外覺得好味!也難得Mr. Dolphin也很欣賞這兒的古古力熱飲,還特意多買一盒給Mr. Dolphin媽媽作手信。:)



然後我倆就返酒店取回行李,碌住兩隻喼去King's Cross火車站預備坐火車去愛丁堡啦!是咁的,Mr. Dolphin覺得既然我倆就住在這火車站附近,何不乘火車去愛丁堡呢,這樣子就可以直接在市內上車、下車,實在比坐飛機方便呀,而事實亦證明我倆都很滿意這安排啦!

未夠鐘,先到lounge到hea下、食下、抖下。




當火車到達車站約十五分鐘前,屏幕終於顯示火車停泊月台資料,我倆便急急腳去上火車。



在車上拍拍照、上上網、吃下不大好吃的火車晚餐,五小時轉眼就過。



我倆終於來到Edinburgh Waverley火車站啦,然後就碌住兩個喼行約十分鐘路程去酒店休息,準備之後一天的漫"游"愛丁堡之旅咯!:)



16 則留言:

  1. 好懷念愛丁堡啊!我當年因為遇上British Open無哂酒店,被迫只可以留兩日一夜,但我對愛丁堡印象好好呢!

    我鍾意Duck & Waffle個景啊。

    回覆刪除
    回覆
    1. 雖然留嘅時間唔多,但妳去嘅時候係夏天,天氣應該好d,至少無咁凍,四圍去都行得自在d。我都好鍾意呢個城市,感覺呢度嘅人好友善誠實同helpful,亦無咁多野要提防。

      Duck & Waffle真係值得一去,我一般唔鍾意上d塔到觀光,但對於呢d有得睇又有得食嘅就好like!

      刪除
  2. 嘩,好正的安排,好期待愛丁堡之旅的分享!

    回覆刪除
    回覆
    1. 全靠Mr. Dolphin嘅適心安排咋,我呢d唔識睇地圖又唔識預時間嘅只負責揾食,嘻嘻!

      刪除
  3. The stir-fry on the train doesn't look too appetizing.

    回覆刪除
    回覆
    1. 某人就係被餐牌上寫嘅"curry night special"誤導咗囉,兜飯一黎到已經知瀨野啦!XD

      刪除
  4. 回覆
    1. 對!呢間餐廳真係超得,我同Mr. Dolphin都覺得當地人介紹嘅真係不能錯過!

      刪除
  5. 我舊年訂左去Duck & Waffle取消左,今年要啲起心肝去食呀。 在英國坐火車係好享受,英女王都搭。因為火車鐵路在英國很有歷史。海豚先生就醒目喇!

    回覆刪除
    回覆
    1. 妳都襯夏天快d再訂位去食啦,不過我地唔浪漫,鍾意日光日白至去,我估夜晚實好有情調啫!

      哈哈,佢一向係聰明又識嘆過我好多啦,只要佢唔俾我老點嗰陣。;P

      刪除
  6. 對我來講坐火車一定好過搭飛機!

    回覆刪除
    回覆
    1. 今次坐火車嘅經驗令到我都鍾意咗坐火車,因為交通安排上真係方便過坐飛機呀!

      刪除
  7. 其實Duck & Waffle個景已經好有坐飛機嘅感覺喇!Mr. Dolphin一定係好有情調嘅旅行partner。睇得出你地好夾,玩得特別開心。去旅行最緊要stress free! 同埋有時即興一下會好浪漫又考驗大家嘅默契,值得!:)

    回覆刪除
    回覆
    1. 又係喎,我都無咁諗過添,我只係好開心個位對住tower bridge可以怒影咋,嘻嘻!Mr. Dolphin都唔算太有情調,佢屬於嗰種每件事都要仔細計劃好嘅人,好似呢個旅行咁,佢篇排嘅日程係連d好細微嘅野都會寫低,例如我地打算坐2:30火車離開一個景點,佢會將1:00-3:00嘅火車班次都列出,又或者朝早要去搭地鐵,佢又會連去地鐵站嘅步程幾多分鐘都寫低嘛。有佢咁“認真”嘅人,我就自然變得更懶散同大安旨意就真。^^”

      刪除
  8. 忘了說果款鴨腿配蛋嘅waffle好吸引呢!令我聯想起我老公最愛食steak and egg,而且佢好鍾意食鴨,哩個配搭佢實流口水!

    回覆刪除
    回覆
    1. 個duck & waffle真係好好味,唯一美中不足就係隻鴨有好多肥膏,某人要好似同隻鴨腳做手術咁將d肥膏切返出黎。

      我都係好鍾意食鴨架,特別係鹵水鴨,不過唔食得多,因為一食得多牙肉就好易會腫。

      刪除