2017年6月9日星期五

英倫"游"。Day 7 ~ hea游愛丁堡+有驚喜的午餐、晚餐

這兩天的愛丁堡“游”比較悠閒。既然唔趕時間,朝早出發前先從酒店房向窗外拍下照留念。去到酒店門口等坐電車又影下酒店、附近建築物、和電車。 




是日第一個景點是Edinburgh Castle,沿著Royal Mile途經一些店鋪,又影下相。去到Castle影下相又折回Royal Mile繼續逛,直到中午時分,就去吃午餐。








這天午餐選址Angels with Bagpipes



不算是甚麽名氣餐廳但看reviews感覺是“試得過”便訂位咯!



先來頭盤和湯,兩者也不錯!



這天海豚兒的主菜選擇就比較合心水,炸魚薯條好好吃啊!魚魚是意想不到的嫩滑,連Mr. Dolphin也非常欣賞呢!至於牛牛,海豚兒從來都不太鍾情牛腩質感的牛牛,所以只試了一小啖就放棄了,嘻嘻!



來到甜品環節,我倆點了兩杯美味的熱咖啡飲品伴著吃。



古古力撻甜品比雪糕蛋糕較好味,但海豚兒對於古古力撻旁的"液體版"室溫香蕉就完全接受不了,不是味道有異,只是海豚兒不太習慣“飲蕉”,還是比較喜歡“食蕉”多一點!;P




食飽飽就繼續上路咯,沿途影下相。







來到Calton Hill門口



做好心理準備“征服”這條樓梯長命斜。^^"



平時零運動的海豚兒行到氣咳加發軟蹄,行下停下仲比途人取笑添@_@!。 終於上到黎就當然要怒影一番啦。





↓↓↓↓↓可惜海豚兒手腳慢,捕捉唔切絲巾飛揚留倩影一刻,只影到“收拾”絲巾的情況↓↓↓↓↓



下山後繼續漫無目的四圍逛,行下超市又行下百貨公司,行到夠鐘,就去早已預訂好的餐廳食晚飯啦!



Mr. Dolphin愛吃海鮮,來到愛丁堡當然不能錯過。海豚兒出發前就努力刨reviews,選定了這間Cafe Royal。這店子分開酒吧和餐廳兩個部分,而只有餐廳這邊是可供訂位的。



這晚我倆就專挑海鮮來吃,不過嘛,之前的午餐還未落格,所以晚餐都沒有點太多食物,但難得的是無論是海鮮湯(嫩滑可口的海鮮!)、彈牙大蝦配鮮味帶子(兩者也肉嫩多汁又滿有牛油香)也是超超超級好吃,亦算得上是這行程中最有驚喜的一頓晚飯。來愛丁堡旅遊的話,實在不況一試!



更飽都好,最後還是要加個新鮮出爐蘋果金寶來滿足一下海豚兒的心癮。

12 則留言:

  1. 回覆
    1. 無錯,絲巾係佢拍照嘅第一大道具!^^"

      刪除
  2. 應該試scottish aberdeen angus 牛肉,好出名架,蘇格蘭藍青口,海鮮又出名。

    回覆刪除
    回覆
    1. 唉呀,我唔知道嗰度牛牛出名呀,不過都好在有食mussels同海鮮啫!:)

      刪除
  3. 愛丁堡好靚呀!食物又有水準,正正正

    回覆刪除
    回覆
    1. 係呀,而且嗰度嘅人都好友善,我地都好鍾意愛丁堡,加上雖然天陰但我地去嗰兩日都唔算好凍(去之前身邊好多有心人提醒我地當地超凍),所以玩得更開心。

      刪除
  4. 天陰啊!雖然係蘇格蘭常見天氣,但都有啲可惜。

    回覆刪除
    回覆
    1. 可能慣咗以前喺溫哥華生活都係咁,所以喺當地時覺得天陰但無落雨又唔太凍已經好好,都係睇番相至覺影相效果又確係差啲。^^"

      刪除
  5. 回覆
    1. 係啦,我完全係頂唔順,試咗一叮啖仔就已經要叫某人搞掂佢啦。>_<

      刪除
  6. “飲蕉”,還是比較喜歡“食蕉”多一點! <-- I like banana smoothie than eating actual banana :)

    回覆刪除
    回覆
    1. 蕉類飲品我真係麻麻,感覺上好飽肚,溝埋其他果又嫌佢味道太霸道,嘻嘻!

      刪除