出發前一晚在網上check in及劃位，發現航班很滿，海豚兒和Mr. Dolphin被安排到不同行數的中間位置，自己知自己事，近年越來越容易暈浪的我倆情願補錢升級買個安心，免得坐完凌晨機去到倫敦應付不了當天的任務。
在機上，海豚兒巡例食一啖份飛機晚餐就開始遊魂，在半睡半醒狀態中渡過，而因為海豚兒跟Mr. Dolphin的位置中間出現了一位第三者，所以Mr. Dolphin今次沒有替海豚兒清碟。
原定Mr. Dolphin爸爸媽媽從溫哥華飛倫敦機場會比我倆早半小時到達，但由於他們的航班在出發時延誤了一小時，結果我倆比他們早了點到達倫敦希斯洛機場。我們四相約在行李認領處集合，當Mr. Dolphin爸爸媽媽過完海關來到時，我倆已代他們取得行李，平時因手殘所以被Mr. Dolphin嚴禁搬行李的海豚兒也努力幫手^^"，每人推住兩件大行李，Mr. Dolphin爸爸媽媽則每人拖著一件小行李，四個人加四大二小行李離開機場咯！亦因為手忙腳亂，所以由機場到酒店都沒空拍照呢。
去到酒店辦妥check in手續，在房間飛快影幾張相後>>>仲快到手震^^"，我們四便行到附近地鐵站買Oyster Cards (倫敦八達通)，然後海豚兒就離隊去跟blog友見面去啦！
感謝Samwei橫風橫雨也沒有爽約來跟海豚兒吃晚飯，好讓海豚兒在12晚朝夕相對遊輪之旅展前可以有個小休時間，嘻嘻！
在美好的環境、氣氛、食物及服務下，我倆傾下講下，三小時不經不覺就過去啦！很喜歡Samwei選這間Jamie Oliver's Fifteen餐廳，很有情調和特色，更要多謝她陪海豚兒吃了好好好味的甜品，女生聚在一起，總會有說不完的話題，可惜海豚兒夠鐘交人(汗)，還不好意思地麻煩了Samwei陪自己等到車來了才離開，而其實我倆走的是相反方向，真的太客氣啦，最終海豚兒更加是又食又拎！上次離開時沒機會擁抱，今次終於能以暖暖的擁抱來道別啦！跟上次一樣，分別時大家也不知那年那天再會，但海豚兒相信，我倆還是會有緣再見的！
回到酒店，還收到兩個好消息，第一，就是海豚兒和Mr. Dolphin在出發前一直擔心的事，就在海豚兒離隊後，Mr. Dolphin和Mr. Dolphin媽媽已傾掂數，第二，就是Mr. Dolphin記得老婆喜好，在Harrods給海豚兒買了好味古古力手信，爽呀！
你地相約見面, 一定傾唔停口 ^^
回覆刪除小聲說，今次無主子在場，可以傾下女人經，傾得更盡慶呀！
刪除我想像如果跟妳見面，一定係去食甜品，哈哈
回覆刪除我嗰日全日都無食過野直至同Samwei見面，所以初時胃口唔太好(有啲啲胃痛)，但到食甜品個胃就好返哂，所以見面食甜品真係good idea!
刪除明顯海豚生是廿四孝老公,讚^^
回覆刪除除咗手信，佢今次真係好好，亦好顧及我感受，夾心人，唔易做呢！
刪除海豚兒跟Mr. Dolphin的位置中間出現了一位第三者
回覆刪除-> Mr Dolphin 好橙呀，咁就無左0.5-1份餐啦～
哈哈，我都覺佢橙，但佢又好似無乜野咁喎，仲難得地喺機上仲有瞓下覺，唔係只顧住睇電影。
刪除哈哈，你咁鍾意擁抱，快啲返嚟香港我同你抱個夠！
回覆刪除我都係絕對會為咗想坐心水位，而唔同我老公坐埋一齊嘅人......
好吖，返黎一定要約妳抱抱！:D
刪除講樣無聊野妳知，我同主子喺呢啲情況會甚少交談，廢事咗住其他乘客，但當我同主子中間嗰位乘客無意中發現我地係識時，即刻“懶”好心話同我地換位，傻的嗎！
我當你細妹呀，所以擁抱就很有屋企人的感覺。希望好快會見到你！
回覆刪除唔知點解當日擁抱嘅感覺真係特別溫暖，印象特別深刻，下次再見！:)
刪除之前一直想同妳講但又唔記得，我第二日同主子講起間hotpot餐廳，佢都好有興趣，我地去到門口發現間店原來嗰排休息(唔記得係裝修定放假)，所以都係去唔成。
肥人好奇一問...海豚兒同Samwei見面係狂講英文定中文? hahhaa
回覆刪除我地梗係用母語...廣東話交談啦：)，喺blog度識嘅朋友仔，幾時都係講中文最自在...何況，我驚英式英文用詞太高雅，我聽唔明呀。;P
刪除咁真係最正, 周圍既人又聽唔明你地講乜..哈哈!!
刪除係喎，妳唔提起我都醒唔起嗰日附近都唔覺有唐人面孔。喺多倫多出街食飯，有時會撞口撞面都係識廣東話嘅人，唔想比人知我同主子對話內容嘅話，我地會用好多暗號或只有我地至明嘅形容詞。
刪除期待跟妳擁抱！
回覆刪除下次返黎要食住辣大蝦來個火辣辣擁抱。
刪除