早上吃過早餐，我們四就跟著預先已在船上報名參加的旅行團出發，這個團其實並沒有任何行程，只是把團友車到渡假酒店區，然後在指定時間及地點再接我們回到船上。
這兒沿途有許多巨型仙人掌呀！
邊行邊影相，又去超級市場買了些手信。
好不容易「捱到」餐廳午飯開市時間^^"，即下午一點，即刻仆到去食午餐。
一場來到西班牙領域，當然要嘆下西班牙菜啦。Mr. Dolphin就跟據高高先生(Mr. Google)的提議帶我們四來到這間餐廳。
各人從餐牌點了心水菜色。。。
包括魚湯配海鮮x3 >>> 這是Mr. Dolphin爸媽仔一人一碗樂趣多系列。
海豚兒喜歡的金華火腿西洋版。。。風乾黑毛豬火腿拼菠蘿
彈牙爽口的蒜香大蝦。。。
還有，是日重點，西班牙海鮮飯配龍蝦(2人份量)，雖然飯沒有米骨但味道也很不錯。。。總括來說，這午餐味道不錯，價錢亦不算貴。
食飽飽就借用餐廳在地庫的洗手間，發現洗手間旁有個酒庫，還倒掛著幾隻風乾黑毛豬腿。
然後我們四就行去沙灘影下相，拍下合照。 :D
跟住就準時上旅遊巴士回程咯，臨回到船，在車上拍下以下這建築物，有點像悉尼歌劇院，後來在船上夜晚起航前也多拍了一張夜景照。
返到上船，是日午餐真的吃得太飽，海豚兒跳過下午茶活動，改去洗衫房洗衣服。實不相瞞，這條船其實是海豚兒在坐過的遊輪中第一次接觸到有免費自助洗衣房服務啦，爽呀！
計好時間，把衣服放入乾衣機後就去吃晚飯。
是日和Mr. Dolphin共吃了三個甜品之多。。。其實呢，海豚兒心裡滿感謝Mr. Dolphin陪吃甜品架，因為Mr. Dolphin媽媽認為甜品不健康，尤其是西式甜品，不喜歡家人吃，海豚兒是明白的，奈何，海豚兒是無甜品不歡的人，為了支持海豚兒，主子明明對某些甜品興趣不大也大力參予甜品環節，好讓海豚兒吃得更自在！:)
食飽晚飯就剛好是時候收衫啦！Perfect timing！之後再和家人傾下計，又過了一晚啦！
英國人最鍾意去Tenerife旅行。太陽多，有海灘，有美食。如果有人管我食，我應該唔會咁肥。
回覆刪除去到Tenerife，感覺好似升級版嘅加勒比海島嶼，又係有好多靚resorts，如果比我揀，我都會㨂黎呢到渡假，亦覺得安全啲！
刪除我好硬頸，管我食乜唔食乜，我最多唔出聲，但照食！;P
我覺得自己唔食，都唔好叫人唔好食
回覆刪除超級同意呀！其實係食甜品方面，因為以前發生過一啲風波，Mr. Dolphin媽媽都已經好俾面無乜出聲，我亦明佢係出於關心佢嘅寶貝仔，所以我更加感激主子咁撐我食甜品。
刪除22-24℃之間<===非常正的天氣
回覆刪除甜品如果只係淺嘗而且又唔係日日食,其實都ok嘅,最緊要係適可而止:P
呢日太陽曬住時仲有少少熱，勁爽呀！
刪除甜品可以係我嘅早餐、午餐、或者晚餐，但只限於週末和假期，平時食得清淡，就係為咗假期可以食得放肆啲。
西班牙海鮮飯幾靚喎，我好鍾意食呀，啲Sangria應該幾好。
回覆刪除呢個飯唔錯，Mr. Dolphin媽媽鍾意呢個亦多過後來喺葡萄牙嗰款，其實平時我唔多食飯，除咗西班牙海鮮飯，我就食得好落力！我地無飲酒，所以無試Sangria，而且呢款酒，家人唔飲得。
刪除有自助洗衫的確方便好多, 唔駛帶一大堆污糟衫返屋企先啦
回覆刪除係呀，至少可以洗咁啲襪同牛仔褲，12晚遊輪，日常打扮同夜晚又唔同，特別多野要洗，好在我亦都帶定好多舊衫去掉啫。
刪除相對於管人呢樣唔好食嗰樣唔好食，我覺得偏食嘅人仲討厭。
回覆刪除但偏食嘅人唔會影響其他人，除非係指無得share食物。對我黎講，俾人管(係多方位咁管住哂)，我就一定頂唔順，無計吖，自立咗咁多年，仲邊慣吖！
刪除甜品唔可以唔食架WOR對海豚兒黎講..Hahaha
回覆刪除最緊要係主子撐你...去到外地邊可以唔試下人地既甜點呀!
對呀，放假唔一定要有節目但要有甜品至完滿！:)
刪除好在有主子支持，我至可以無拘無束一口氣柯打三款甜品咋!
好甜的ending!
回覆刪除仲有Mr Dolphin一家真係湯怪呀！
對妳黎講，依家已經無咁吸引啦，right!
刪除無錯，佢地食親西餐都鍾意一人一碗樂趣多，而且主子父母係從來唔會共用一隻碗飲湯，一定要“筆”開黎飲。
你哋上岸啲目的地，好似比較悶，係冬天少嘢玩？定係根本無乜選擇？如果上岸，我想去啲有「活動」嘅地方。
回覆刪除呢個島有啲似去咗Caribbean islands咁，主要係享受渡假酒店、陽光與海灘。本來主子同我想去國家公園睇火山，但家人驚上到高山會身體不適，所以㨂咗個無「活動」嘅shore excursion。^^”
刪除風乾黑毛豬火腿拼菠蘿太是我的菜了！
回覆刪除小聲說，其實可以揀拼哈密瓜或菠蘿，我私心地㨂咗菠蘿，因為我麻麻地前者。。。可惜家人嫌菠蘿酸，嘻嘻！
刪除