晨早起來天還未光影張相先！
梳洗好就去自助餐廳食個快靚正早餐。
返到房天都光齊又再影多張相先。據船上員工透露，Madeira正是行程中最美麗的城市，而對於海豚兒和Mr. Dolphin印象最深的反而是在這城市遇到的市民都超友善、禮讓、及好脾氣，雖説這可能跟他們依靠旅遊業帶動經濟有關，但他們的禮讓程度，就是連塞車時，汽車響號聲也聽不見啦！
和Mr. Dolphin爸爸媽媽會合後，我們四就乘坐船公司的駁腳巴士(原定要收費但後來卻沒有收)去到市中心，我們四漫無目的週圍逛。
去到街市影下相。。。下面黑色很長樣子有點醜的魚叫Scabbard fish，是這兒常見的品種。
去到吊車定纜車(?...其實海豚兒唔多識分)車站又影下相。。。
去到舊城看見這兒的特色門畫又再影下相。。。
邊行邊影，然後隨意找間露天咖啡廳坐下抖下，Mr. Dolphin點了件不錯吃的葡撻，而海豚兒則點了這兒的傳統蛋糕bolo de mel (Maderia honey cake)...可惜味道卻屬於災難級別，蛋糕很重海豚兒不嗜的nutmeg味，每一啖也很難受。^^"
差夠電我們四就去繼續行，途經聖誕市集、街道，然後就去行下商場。
在商場內看見這裡的傳統人力推車(Toboggan ride)，是為落山專設的，時速最快約每小時30公里，也順便拍照留念一番。
其實打從決定去這旅行開始，海豚兒就預算到途中不會有什麼購物，所以每次上岸也意思意思地行下超級市場。
這天的收獲如下：包括未開封的罐頭茄汁沙甸魚和有點驚喜的薯片。
行完商場，我們四就坐船公司提供的接駁巴士返上船，嘆返頓肥美late lunch加下午茶咯 >>> 新鮮烤的burger超好吃，厚切clotted cream配新鮮出爐英式鬆餅更是極品。
返到房，又再影多兩張相相。
然後無事忙，又到晚飯時間啦。
由於是日下午吃得太飽，所以晚飯時就算美食當前，海豚兒也只是以揸流灘方式進行。^^”
點樣為之楂流灘﹖
回覆刪除我一啲都唔餓，無點頭盤，主菜甜品亦食得好馬虎，只係志在參予咋。:)
刪除無記錯, 你應該鐘意食茄汁豆, 點解咁少?
回覆刪除係呀，妳記得之餘仲留意到呀:)，呢條船啲茄汁豆整得好硬，我唔多啱食呀！
刪除我都覺得葡萄牙人好友善，可能熱的地方的人都很熱情。
回覆刪除本來無諗起，睇完妳留言再諗起我嘅葡萄牙人上司、同事，又真係大多都好友善，尤其我依家嘅直屬上司，佢真係好過以前嗰個好多！
刪除個城市好有風味，睇相都覺得好有親切感～
回覆刪除不過由葡萄牙人在澳門開的食店食到，個邊甜品超甜又漏，唔係我杯茶囉....
呢個城市真係幾靚，由於係此行第一個上岸日，到之後再去嘅城市感覺上景色都被比下去。
刪除係呀，葡撻都係偏甜，但佢嘅酥皮又真係正過平時食到嘅好多。
HK雖然也依靠旅遊業但就.......XXXD
回覆刪除香港人做事好叻、好有效率、做事又分秒必爭，所以以遊客心態黎香港玩，其實印象都算好正面架，當然，我地自己係香港人，要求係會唔同啲同高喲。
刪除最鍾意行聖誕市集, 我女女講啲葡撻好好味.
回覆刪除我都鍾意行下湊下熱鬧同感受下氣氛，雖然我多數只係白撞無乜幫襯，嘻嘻！
刪除呢個葡撻雖然唔係出自名店，但質素都比平時食到嘅高好多，唯一美中不足就係已經放涼咗，因為當地人唔太在意凍或熱食。
災難級別 <---真係好嚴重喎, 海豚兒好似用呢個詞形容甜品~
回覆刪除哈哈，件蛋糕一上枱，其實已經覺得個賣相唔掂，但唔好食都係其次，而係我堅係頂唔順nutmeg獨有嘅香氣，真係每啖都咁災難。
刪除災難級別的蛋糕好可憐啊！
回覆刪除每啖都食得好難受，仲有家人望住件蛋糕嘅厭惡表情，真係更加覺得難頂呀！
刪除LAY'S TRUFFLE CHIPS? I LIKE IT! YUMMY!
回覆刪除係呀，估唔到都幾好食，可惜呢邊無得賣啦，但可能都係好事黎嘅，反正我都唔想食太多炸薯片。
刪除