從今天起，安排行程呀，睇地圖揾路呀，就交返比Mr. Dolphin全權處理啦，海豚兒只負責在出發前找定想吃的店子，然後把店名及地址都電郵給主子安排在日程內。
朝早搭車出發前途經丸龜製麵，還未習慣人在首爾，仍以為自己去了日本的兩口子就即刻走去開餐，哈哈！烏冬就是烏冬咯，不會難吃，反而南瓜天婦羅就又甜又好吃！
醫肚後就搭車去仁寺洞行下、影下。
再行行下，Mr. Dolphin就找到他的心儀小食，又脆又熱辣辣的韓式煎餅夾紅豆蓉，又平又好味，二千韓元有十件，不過呢，我倆也肯定老板娘沒有給我們十件的份量，但反正也吃不完，所以也沒有深究。
行完仁寺洞，我倆就搭車去通仁市場，但當時已經太飽，隨便逛逛，吃了一點年糕配炸雞，就再搭車去下一個景點。
來到北村韓屋參觀，這兒有很多遊人穿起韓服拍照呢，為了不阻住大家扮演大長金，海豚兒和Mr. Dolphin趕快影幾張相，急步行完就閃人啦！ ;P
然後又再搭車去益善洞韓屋胡同。
這是古色古香的韓式住宿改建成的景點，這兒有許多美美的咖啡店，我倆逛完一輪也隨便找間坐低抖抖。
抖完就再搭車去到東大門，光顧就在附近的橋村炸雞分店。
這兒的炸雞真的炸到面層又薄又脆，一點也不膩，好吃！如果個蜜糖醬汁可以再重口味多一點，就更適合海豚兒口味了！
除了炸雞，還點了鱈魚絲條，每條也是暖暖的，滿好吃！鍾情米飯的主子另外點了一碗雞肉泡菜炒飯，因為太辣，而海豚兒當時有些少咳，所以一啖也吞不下，但對Mr. Dolphin來說，這個炒飯是非常好吃，好吃得他竟然有興趣重來炸雞店食！炒！飯！哈哈！
食飽後，我倆就搭車回明洞。眼見目不暇給的街邊檔，又忍不住開餐，分別試了烤龍蝦和年糕配炸雞，至於味道就...umm...食下氣氛，叫做試過就算啦。^^"
一整天下來，海豚兒還未吃甜品
嘩嘩嘩，好豐富的食程呀！
回覆刪除睇到食飯個part，我諗緊真的移民後，老公一旦返來亞洲應該都會係咁.... :P
呢日真係試咗好多野食，始終第一次接觸韓國，見到啲食物係會好奇(為食)啲，哈哈!
刪除妳咁講，我就諗起我地兩位另一半喺西餐廳分享米飯嘅情景啦，哈哈，兩位人夫一見米飯就雙眼放光。:D
其實呢，遲D會加一對發光的眼睛，來自超級飯桶---Matthew !!! XD
刪除哈哈，第時出街食飯要揾間白飯任裝嘅先！向好方面諗，要填飽佢地個肚，又簡單好多!
刪除邪惡既牛油，我只敢咬一啖
回覆刪除係邪惡，所以要好好珍惜quota，留番黎食最想食嘅食物，而且，鮮牛油好難可以食一啖就收手。
刪除我在釜山試左橋村炸雞，真係同其他店不同，外面好脆卜卜，雞又有味。見到首爾，我又想去喇。
回覆刪除而且個粉漿好薄，比平時食嘅脆同薄好多，真係好好食！
刪除去啦去啦，睇下下次返香港可唔可以squeeze到多幾日去多一轉首爾吖！
我好鍾意首爾㗎。妳覺得首爾啲炸雞係咪特別好食多喇？
回覆刪除你們炸雞店食炒飯，我哋在日本拉麵店同樣係食炒飯， 哈哈哈，high five ！
無錯呀！其實多倫多有間韓式炸雞已經好好食，但今次試完橋村炸雞，我地都覺得黎到首爾，炸雞真係必食項目呀！
刪除哈哈，我上次睇妳寫拉麵篇文章時我都係咁諗 :)。對於亞洲胃黎講，炒飯去到世界角落都一樣有吸引力!
由早食到晚行程好豐富,一定好滿意海豚生的安排了吧^^
回覆刪除我一定答你滿意架，以防佢睇到呢段嘛，哈哈！其實只要有街行、有野食，我就滿足架啦，反而景點對我黎講就無乜所謂。
刪除嘩！我淨係見到你食嘅清單，只係睇字我都有啲飽到想嘔。
回覆刪除另外，你兩一日去咁多地方，好堅，我去兩個地方已經夠哂。
我地原先以為呢日行程係leisure級別，都無諗過行咗咁鬼多路，所以去到北村韓屋咖啡店時，我攰到坐咗好耐至肯起身走。^^”
刪除原先安排係去到通仁市場至食第一餐，都冇諗過由明洞已經開始食(汗)，不過主子比較擦得同埋佢唔似我，佢食得哂至會叫。
好多野食 , D野食好吸引!
回覆刪除呢日大部分都係好睇又好食除咗明洞掃街嗰啲啦！
刪除其實首爾喺食方面都幾多選擇，尤其如果鍾意食傅統韓式口味菜式，不過我地就鍾意帶西式口味嘅多啲啲！
韓式煎餅老闆娘太不老實呢！Mr. Dolphin真係一個不折不扣的飯桶！
回覆刪除其實呢，見佢摩打手咁將啲煎餅入袋都估到啲架啦，不過既然明知唔會食得哂，都算啦！
刪除哈哈，全中呀，有米飯到肚佢就最開心。
韓式煎餅夾紅豆蓉我係釜山都有食類似呢..hahaha~
回覆刪除哎呀, 肥人都有扮大長金呢..
去炸雞店食炒飯......肥人可唔可以反Mr. Dolphin白眼~?Hahahaaa
韓式煎餅夾紅豆蓉>>妳明我講乜就好，我其實唔知呢種食物嘅名，韓式銅鑼燒?:D
刪除就係我地無扮，所以覺得有啲阻住人地影相嘛。^^”
哈哈，當然可以啦，其實呢主子都算唔話得，對炸雞零興趣，只係純粹陪我去食，難得有啱食嘅野，當然要滿足下佢啦！