途經未開門的銀行，海豚兒有一刻真的以為是宗教集會，原來是一班等銀行開門的低頭族，哈哈！
這天是長週末後的第一個工作天，大部分地鐵站和路線已重新投入服務，不過海豚兒這天早上空閒得很，一於搭巴士過海。
先去銅鑼灣行個圈。
然後坐叮叮去灣仔和朋友吃午飯，雖然海豚兒完全不懂電車路線圖，去灣仔又上錯一架先去跑馬地的電車^^”，還好最終還是成功趕得及見友人，只是下車時有點心急看不見朋友已在等候，直至她攔在海豚兒面前，海豚兒才發現是友人，未看清楚前還以為朋友是路人啦，哈哈！
這位朋友是海豚兒從前在溫哥華教會認識的，我們當年住得近又在同一所學校返學，所以以前每星期又會有一兩天一起開車返學，有伴又慳油錢。朋友很細心，特意約海豚兒到皇后飯店，因為這兒吃的正像我們當年一班人去宵夜吃的“港式西餐”，真係回憶返哂黎呀！祝願朋友身體健康，下次再見!
食完午飯，海豚兒就坐返地鐵去九龍塘TWG Tea跟其中一位溫哥華靚女好友茶聚。完全沒有餓意的海豚兒只點了蘋果茶味配綠茶味雪糕，估唔到蘋果茶雪糕好好味喎，超有蘋果味，又有蘋果蓉在雪糕內。和好友暢談一個多小時後，海豚兒又滾水淥腳咁趕返酒店，因為自己記錯時間，原本約了晚飯6:30，海豚兒應該在6:00離開，結果海豚兒記記下當咗晚飯約在6:00，所以5:30就跟好友道別，哈哈。。。如此類推，海豚兒分分鐘越記越錯，將晚飯改到變早餐。:D
是日晚飯和blog友Ceci在Eaton酒店內的逸東軒，這是我們在blog認識幾年以來第一次有機會相見。如她所言，現實中的她跟文字上的她是有所不同，文字中的她比較一針見血，現實中的她很易相處，説話很直接，一點也不會造作。:)
Ceci，謝謝妳專程來酒店跟海豚兒見面和請客，要好好保重，繼續逆齡生長，下次再見！
今日好密的約會喎。 但全部都見到最愛的朋友，很值得。
回覆刪除係呀，真係密咗少少，黎緊幾日情況都差不多，不過同妳講法一樣，係好值得嘅，反正今次返去只係為咗見友人，無其他planning。
刪除又要過海，又要九龍塘，再返佐敦，好彩香港啲交通真係好方便
回覆刪除都係呀，好彩當日大部分地鐵站已經開通返哂，呢日下午個聚會係臨時加插，就正如妳之前講，朋友老公在場傾得無咁爽，難得好友再約我，咪再見面傾多陣啦！
刪除好充實的行程，胃口同心靈都好滿足呢～
回覆刪除俾妳講完，十分好奇想去試Tea WG的蘋果茶雪糕呢
呢日真係幾爽，見完朋友又見blog友，仲要全日嘅食物都幾好味添。試完蘋果味雪糕，我都有興趣再試其他口味，其實都算係錯有錯著，因為唔想下午飲茶驚夜晚瞓得唔好，但無咖啡因嘅茶來來去去得幾款，飲到好悶，所以至會喺呢間茶店食雪糕咁搞鬼。
刪除節目好豐富行程緊密^^
回覆刪除節目就無乜啦，哈哈，不過行程又的確緊密，基本上係由一個約會接下一個約會，不過能夠坐車去應約其實舒服過自駕，至少沿途可以休息下。:)
刪除唔駛客氣....下次你請。
回覆刪除我其實真人同文字都係一樣.... 好直，不過可能純文字見唔到我個樣，唔知我個外表咁「無害」。好多人同我問路架，你就知單睇我個樣幾平易近人，哈哈。
呢個一定啦，仲洗講！:)
刪除我覺得識得揾妳問路嘅人都幾有眼光，因為只要妳識路，我覺得妳有能力清晰咁講到比人聽，相反，我係嗰啲人地問完我，我手腳並用解釋完，對方睇落比之前更疑惑，哈哈，因為我唔識講東南西北，只識用手指左右，就好似妳問我洗手間喺邊，我都淨係識指住咁，我其實有見到妳好認真咁望我指住邊架。XD
宗教集會比妳笑haha~
回覆刪除有一刻，我真係以為呢班人好虔誠咁禱告緊，原來係我諗多咗，哈哈！
刪除