先去深水埗和blog友愚太見面吃早餐。早到了一點的海豚兒四圍巡了一圈，又在附近拍拍照。
多謝愚太陪海豚兒癲，讓海豚兒可以到周記食豬油渣麵*，Mr. Dolphin在旁的話，海豚兒無咁膽大包天架，因為本身腸胃一向敏感，自己口痕食完腸胃炎事少，惹埋身邊人一齊病就唔多好嘛。。。以前試過太多次啦，所以今次就襯無王管，去盡啲，最多食定粒腸胃藥打底，嘻嘻！
*這種美食是幾年前在Ceci網誌認識的，一直很好奇想試，終於一嚐心願了！之前以為質地會似豬皮，原來更似豬腸，難怪海豚兒會喜歡上！
又且遠了，豬油渣超超超級好吃，椰汁亦是兒時喜歡的味道，不過又要威又要帶頭盔的海豚兒亦沒有chur得太盡，只每樣食物食一半而已。飯後，愚太又一路陪海豚兒行街又一路傾下女人心事。多謝妳呀愚太，要好好保重，祝身體健康及願望成真!
臨離開前，海豚兒還在坤記買了一件芝麻糕來吃，一次過食咁多未接觸過嘅食物，害得愚太也替海豚兒擔心了一整天，不好意思呢，不過最後海豚兒都安然無恙，肚皮非常爭氣，有機會仲好想再食豬油渣添呀！
食完又逛完街，海豚兒就返酒店放低戰利品，然後再去會合甜魔媽媽食下午茶啦! 今次還就啱時間，可以同甜魔媽媽的寶貝Matthew和Chloe見面呢！見到小朋友，真的感到他們又長高長大了許多啦，尤其是Chloe，第一次見面時她才一歲多，現在都在上小學了。:) 我們四人一起分享了幾款冰室美食，又見到小兄妹很多互動，很滿足的一個下午呀！祝甜魔一家能早日完成心願！
多謝甜魔媽媽又接車又送車，大熱天時行來行去。跟甜魔媽媽道別後，海豚兒就坐車去黃埔的鳳城酒家跟從前在香港教會的朋友見面了(包括靚仔牧師、太太、兒子>>>上次見面時還在媽媽肚子裡呢，當年團契導師，和多年好友契老豆)。
一場來到懷舊酒家，海豚兒當然要試懷舊菜而不是蒸海鮮。。。主打加拿大龍蝦咁搞鬼啦，哈哈！離港後第一次食懷舊菜，原來好啱食喎，最正嘅一定首選炸水餃，有機會一定要再幫襯！
飯後，契老豆車海豚兒走，咁當然，我倆又會揾間糖水舖吹下水啦！傾到雞啄唔斷，到最後海豚兒心裡頭亦只能嘆一句 「養兒一百歲，長憂九十九。」希望情況會好轉啦！
原來妳腸胃咁弱，好彩食咗無事，如果唔係無人照顧妳
回覆刪除係呀，我腸胃比較敏感，所以好多次經過小時候會幫襯嘅街邊檔就算幾想食，都唔敢買。今次都真係算好彩，食咗幾樣平時無食開嘅都無事，主子為我準備嘅脹胃藥都應記一功！
刪除鳳城酒家我好想試暫時未有機會。 深水埗的豬油渣麵和坤記糕點我唔 like ，食過一次就夠喇。
回覆刪除我之前聽人提過，太子嗰間鳳城水準最好，等妳試完話我知吖!:)
刪除豬油渣我真係一試就鍾意咗，坤記我暫時只試過芝麻糕，印象中好香芝麻味，但就未至於我會心思思再想食。
係話去試油渣麵我係有啲意外，因為真係acquired taste，一般都唔會有中間路線。不過你喜歡食但居然食剩一半，啊..... 好浪費啊！
回覆刪除其實我兩年前返香港已經想試豬油渣麵不過無機會咋。唉呀，係我寫得唔清楚，豬油渣我食到一件不漏，但麵、椰汁同芝麻糕就只食咗一半。。。豬油渣好味到我唔捨得唔食哂呀，哈哈！
刪除原來妳鍾意豬！油！渣！記住了～
回覆刪除超多謝妳咁忙都入元朗探我地，仲請我地食餐邪惡下午茶添
之後的鳳城晚餐好正，炸水餃同西米布甸都好想食，一到秋冬真係大鑊呢。。。
上次返黎我地咪喺圓方見面嘅，本來嗰朝我已經想去食豬油渣麵，不過計劃有變所以無時間去，但我都估唔到我會咁鍾意食！:)
刪除係我多謝妳安排到我見兩個小朋友就真，小朋友大得太快太快，真係要珍惜佢地細個時見多啲。
係呀係呀，炸水餃同西米布甸都好好食，其實我仲想試下其他甜品架，不過有小朋友喺度，廢事咁失禮咋...唔想因為我想食甜品唔食正經野，影響到朋友管教孩子飲食習慣。
豬油渣麵真係好好食架！
回覆刪除真係好正，我都無諗過會一試鍾情，希望有機會再食吖，但同主子一齊就難啲啦，嘻嘻！;P
刪除黃埔鳳城..已被肥人bad list 左...肥人係黃埔返工呀而家.....hahaa
回覆刪除要blacklist...唔知係食物定服務嘅問題呢。不過近幾個月市度唔好，朋友話有次去另一間鳳城，叫枝汽水都有兩位侍應招呼，“一個開同斟,一個拎空罐走”，哈哈!
刪除野食難食呀...我地去飲茶, 越飲越差..
刪除咁我要記住至得，其實我最想再食炸水餃同焗布丁呢。
刪除