19' 首爾 ~ Day 3 Isaac Toast※地下街※Café Dior※浦盤漢江公園

呢日瞓醒就落酒店樓下對面嘅Isaac Toast買三文治早餐返酒店房間食，按價錢計，又真係幾抵食同好食嘅！





食完早餐，喺明洞嘅Line Friends行個圈影下相。



就坐車去Goto Mall(高速巴士客運站地下街)潮聖啦！一去到見到人頭湧湧又睇唔見盡頭嘅店鋪，就先安頓好Mr. Dolphin>>>即係揾個靚位過佢坐;P，然後海豚兒就開始行街街啦！




行街期間，有趣事一則發生。

正當海豚兒企定定睇野時，忽然聽到三位女仕在海豚兒後面用廣東話交談。。。

女仕甲: 以為“佢”係妳呀！
女仕乙: 我都以為係呀，真係好似呀！
。。。突然女仕丙衝黎海豚兒面前企定打量海豚兒，然後堅定地對女仕甲和女仕乙說。。。
女仕丙: 唔似！我靚過佢(海豚兒)好多～～～

本來呢，海豚兒想用廣東話同佢地講聲「多謝」，不過呢，都懶得啦，廢事之後一路行街一路比人留意住仲煩 ;P 。其實呢，獨行俠並不代表一定是本地人啦，人在外，幾時說話都應該小心。

行完街，去揾返坐到發呆嘅Mr. Dolphin就搭車去嘆下午茶啦！是日下午茶選擇為海豚兒心水甜品店Pierre Herme，餐廳在Dior服裝店的頂層，名叫Cafe Dior。



在這兒嘆茶的客人都穿戴得非常漂亮，有著一副“see, and be seen"的格調。只有海豚兒和主子，牛記笠記來到，還狂風掃落葉式的點餐和用餐，哈哈！這兒的熱古古力雖然好很貴，索價24000韓元一杯(無cream的平一千韓元)，但非常好飲，小聲說，仲飲到某人lam lam脷，哈哈。 又，人生第一次幫襯Dior的收據，亦當然要影低留念啦！:D





嘆完茶，我倆就搭車去附近一個商場逛下。



跟住就再搭車去食醬蝦。可惜原來從前blog友Ceci介紹的福胖子已結業，只好到附近的Pro醬蟹專門店。



試了一般般的醬蝦和不錯的鮑魚就閃啦，反正我倆對醬蟹的興趣不大。



食完就搭車去返Goto Mall附近的盤浦漢江公園。



找個對著條橋的有利位置坐低等夠鐘，睇橋嘅彩燈跟噴水表演咯！






之後就搭車返明洞。主子在街邊檔吃了不滿足的炸蟹仔，然後就決定一試酒店對面的明洞餃子當晚餐啦！




海豚兒對啖啖肉餃子興趣不大，每款試一隻就收工，留番珍貴配額嘆返杯雪糕，然後就返酒店休息啦！