2014年7月9日星期三

平易近人的赫爾辛基 ~ 北歐遊輪 Day 6

Day 6 - Helsinki, Finland

跟Stockholm一樣,我們這天亦沒有跟團,吸收了前一天的經驗,這一天我們依舊是自行參加Hop On Hop Off Bus去觀光,唯一不同的是沒有再報船公司的觀光巴士,反而是在碼頭上另報一間不同的觀光巴士公司。

這城市給予我們很好的印象,無論是街上的途人或商店的售貨員也很友善和健談,感覺他們的生活應該也很寫意,步伐亦一點也不急速。首先我們參觀了石室教堂(Temppeliaukio Church/Church of the Rock), 這教堂用大石建成,真的好有特色啊!


然後我們便到1952年第十五屆奧林匹克體育館(Olympic Stadium)外拍拍照。


再之後便去了這兒的Stockmann百貨公司逛街,更買了好吃的Movenpick三球雪糕(古古力味+白古古力味+忘了是什麼果的果味), 大滿足--->咳C都扺!


看見Louis Vuitton便和Mr. Dolphin媽媽、家姐進去逛逛,印象中這赫爾辛基的Louis Vuitton店子可能是少數還未被自由行侵佔的名店,店內既沒有自由行的芳蹤,更沒有亞裔職員,所以海豚兒覺得應該把這店子列為景點並拍照留念! XD


接著我們便去了海旁的巿集(Market Square), 最初我們覺得雀雀們整齊地排列在帳篷上很有趣,後來才發現牠們原來是非常狼C的小偷,衝著遊客手上的炸魚仔而來。慶幸我們還未幫襯前已目到案發經過,所以當我們拿食物時亦特別小心,在有圍網的帳篷內直接交收,成功被過雀雀搶劫!


吃罷了我們便繼續在附近拍照,包括烏斯別斯基東正教堂(Uspenski Orthodox Cathedral), 議會廣場(Senate Square), 然後便回到船上準備吃晚餐了。


這天的晚餐水準也不錯,值得一提的是Mr. Dolphin終於記得他不愛吃Apple Tarte Tatin*, 沒有錯叫了!


*註:  他前次坐郵輪時吃過說不喜歡,上次坐郵輪卻忘記了,雖然海豚兒有試過提醒他,可是卻不管用,他一點兒也不記得,然而,吃了一點後卻告訴海豚兒"情況真的很壞," 實在吃不下像蜜餞了的蘋果,今次,他終於成功地從錯誤中學習,沒有再點這款甜品了! ;p

20 則留言:

  1. 好在無俾雀仔搶嘢食唧,無仇報啊!
    咁遊輪上有冇發現强國人踪跡呀?

    回覆刪除
    回覆
    1. 好在"前車可鑑"所以我哋先無被洗刧ja!

      可能我哋算係low season去,自由人旅行團未能成行,所以船上得好少人煲冬瓜,但去到D熱爆景點如Manneken Pis, Little Mermaid就每每要"惡鬥自由行"!

      刪除
  2. 其實落船唔join local tour,自遊行得唔得㗎?
    係船包D餐好似好正咁,又大份,每次睇到我流晒口水

    回覆刪除
    回覆
    1. 梗係得啦!其實hop on hop off bus只係提供喺指定時間內無限上落任搭,都唔係旅行團,始終同老人家一齊去旅行,唔方便行太多,坐下車可以休息下!

      質素就一定唔係"驚為天人",不過味道都幾好,同埋因為全包,所以餐牌係無價錢又可以任叫,只要唔怕肥,真係食得超爽!

      刪除
  3. 嘩, 好澎湃的movenpick!! 仲有Mr Dolphin的錯點Apple Tarte Tatin事件, 真係好好笑丫~~~

    回覆刪除
    回覆
    1. 係呀!見售貨員每球都"畢"到又大又圓,我覺得勁抵! 舊年喺Monaco兩球加埋都細過今次最細嗰球,勁貴! 同埋我想話當我見到喺百貨公司嘅Movenpick雪糕櫃時,我即刻諗起妳同Oli,好想話我終於有得食啦! XD

      哈哈!佢喺食嘢方面係好無記性,所以食過難食嘅嘢都會即時叫我下次提佢唔好再食,但到下次我提佢時,佢又咩都唔記得,仲覺得我仲咩唔比佢食! @_@!

      刪除
  4. 喜歡石教堂~~~~~~~ 尤其內部啊!!!!!!

    *咁樣點先可以避免雀雀搶野食呢?上次我俾雀仔搶過薯條,好有陰影><

    回覆刪除
    回覆
    1. 我都係吖! 呢個教堂係我哋計劃Helsinki行程時,觀光名單上嘅第一位!

      我睇見人哋比人搶嗰刻都嚇一跳,我估破解大法係要喺enclose嘅地方攞同食,咁雀雀就無機可乘!

      刪除
  5. 回覆
    1. 妳睇到我哋5個人分一個湯、一碟炸魚、一個飯,就知有幾貴啦,哈哈! XD

      其實成個北歐嘅物價都好貴,唔知關唔關我哋喺遊客區事,但我哋見到連麥當當,BK等都貴過加拿大30%+,而我本身都已經覺得加拿大快餐好貴架!

      刪除
  6. 去旅行好爽呀,我未有機會去,咁睇下你既遊記算數啦,嘻嘻!
    難得既LV 未比強國人入侵,真係要影相留念 哈哈

    回覆刪除
    回覆
    1. 兩個靚千金仲細嘛,去旅行要帶哂成間屋咁濟,係辛苦D! 不過佢哋帶比妳嘅滿足同快樂,又係錢都買唔到!比心機,過幾年就自由啦!

      入到去聽唔到煲冬瓜,耳根清淨,勁爽!

      刪除
  7. 天氣好好呀, 市內的建築物和景色都很美~~ 有機會很想夏天再來遊覽呢~~

    回覆刪除
    回覆
    1. 係呀係呀!天氣好之餘,仲要當地人都好友善,店鋪嘅員工唔係為賣嘢都會同遊客傾過不停,不過係D雀雀惡D囉! ^^"

      刪除
  8. 希望海豚先生下次會記得邊D好食, 邊D唔好食啦 :P

    回覆刪除
    回覆
    1. 嘻嘻!佢有選擇性記憶,我估呢個係男人特點?!

      又或者係屋企訓練慣咗,我煮咩都係難食,所以,對於難食或唔食嘅嘢,佢都無上心! XD

      刪除
  9. 國外嘅景色真係好靚,連個天都好似特別藍嘅咁。

    回覆刪除
    回覆
    1. 當日天氣真係好好呀,又唔會太凍或太熱,不過放假嘅時候心情都會好D,睇到任何景緻都會因為心情好而加分啦! :D

      刪除
  10. 好大球Movenpick雪糕呀~~~

    回覆刪除
    回覆
    1. 仲好好味添呀!連老公食第一啖時,都驚訝個雪糕好食得咁緊要!

      刪除