2014年7月21日星期一

聖彼得堡的第二天之皇宮遊 ~ 北歐遊輪 Day 8

Day 8 - St. Petersburg, Russia

這天上午七時,我們一行人過完海關便直接到旅遊巴士集合。這天的車程比較長,旅行團要帶大家到郊區參觀凱瑟琳宮(Catherine Palace)


及彼得夏宮(Peterhof Palace - Summer Palace)。


彼得夏宮是彼得大帝為自己而建的宮殿,據說他參觀完巴黎凡爾賽宮後,就決定要做出比凡爾賽宮更優秀、漂亮的宮殿花園,所以在這個用金拼湊而成的花園絕對不難找到凡爾賽宮的影子。至於Catherine Palace則是彼得大帝送給妻子Catherine之禮物。


上午的行程是首先參觀Catherine Palace,大家看下面的相相一定會明白用金碧輝煌來形容這皇宮實在一點兒也不過份啊!


這位就是這宮殿的主人 - Catherine the Great,大家能從油畫中看得出她的客貌嗎?


接下來就是參觀了這皇宮內最有名的琥珀宮(Amber Room), 這房間的每道牆也是用琥珀、金、和鏡來鋪成,曾經是世界八大奇蹟之一,在二次世界大戰時,這房間的所有被德國立稅黨搶劫後便沒有再出現過,現在看到的是在2003年把這房間收復後的面貌。還有呢,這房間其實是有明文規定不準拍攝,海豚兒和Mr. Dolphin家姐亦只是從隔壁偷拍而成啊!


離開女主人的家,旅遊巴士便載我們到男主人的家 - Peterhof Palace。在未展開參觀以前,導遊先帶領我們到這兒用團餐。正所謂有圖有真相,相信大家從相片中感受到這午膳有"多"吸引。沙律是冰冷無味,至於貌似食剩的雞皇飯,除了份量小之餘,味道亦不太好,至於甜點嘛,海豚兒實在不願意浪費quota吃這個預先淋上士多啤梨醬,然後在翻雪後再拿出來派給團友吃的雪糕球。>_<


這天的行程只安排我們參觀彼得夏宮的花園,雖然行程是很輕鬆,但其實我們一點也不寫意,原因嘛,因為天氣實在太冷,大概只有攝氏5度左右,加上雨亦一直沒有停過,在室外"喪"行90分鐘的團友仍然努力地聽講解和拍照,但仍可從相片裡頭看得出大家連樣子也變得僵硬了,而這天,Mr. Dolphin媽媽亦正式宣佈加入我們這"咳咳大軍"啦,唉!


回到船上,大家也回房間沖了一個強勁熱水涼,才去吃這天的可口晚餐。:)

16 則留言:

  1. 都係船上啲嘢食穩陣啲,雞皇飯俾人食咗大半碟喇!

    回覆刪除
    回覆
    1. 最令我驚訝嘅係無任何團友話唔好食、又或者唔夠飽,全部人都係沙律、湯、包、飯、雪糕都清碟,或者佢哋真係太餓啦!

      刪除
  2. 皇宮真的是金壁輝煌!睇相5似咁凍喎。邊個月去玩架。

    回覆刪除
    回覆
    1. 係呀!皇宮嘅華麗同當地平民百姓居所嘅平實真係差好遠。

      我哋五月尾去到聖彼得堡,而"咁啱"嗰兩日突然氣溫驟降--->天氣不似預期! ;p

      刪除
  3. 凱瑟琳宮個花園好靚, 可惜天氣太凍!!
    團餐的午膳真係失色, 還是船上的好~~~

    回覆刪除
    回覆
    1. 係呀!如果唔係天氣凍成咁,我哋可能會有多D心機去影相 >_<

      望住碟雞皇飯真係有懷疑係咪將一碟飯分成兩份,嘻嘻!

      刪除
  4. 皇宮好靚呀!
    係咁凍情況下要行90 min 都係幾難頂!

    回覆刪除
    回覆
    1. 皇宮真係好得,而且當地人亦花很多心機去復完皇宮嘅本來外貌!

      真係好惡頂!我哋喺東岸住都唔會揀咁凍嘅日子週圍行啦!

      刪除
  5. 個皇宮好靚!
    得5度有冇帶夠衫呀?

    回覆刪除
    回覆
    1. 皇宮真係金光閃閃,極具氣派!

      嘻嘻!將成個o急嘅厚衫著哂上身化身為"米芝蓮"都仲係唔夠暖!

      刪除
  6. 皇宮真係超靚, 不過d伙食真係超....

    好在每次返到船都有美食補償返~~~

    回覆刪除
    回覆
    1. 係啦! 皇宮嘅靚同俄羅斯嘅"旅行團"美食簡直係"天與地"嘅分別!

      好似妳咁講,我哋呢兩日都係不斷安慰自己等返上船先醫肚ja! ^^"

      刪除
  7. 海豚兒:
    ~去到邊個國家啲皇宮, 都係金碧輝煌, 而且又係大到行一日都未行晒. 以前啲人, 其實好識享受!!
    ~上船食dinner, 下下都着好得體. 你今次去咁多日郵輪, 咪帶咗好多條裙上船? 有無係船上找攝影師影相, 你知啦!! 坐郵輪最興係咁

    回覆刪除
    回覆
    1. 所以D廣告咪成日有句slogan叫"帝王式享受"囉!嘻嘻!不過我哋喺Amsterdam時都試過因為個皇宮唔起眼,差Dmiss咗!

      Formal嗰幾晚會著好D陪Mr. Dolphin媽媽影相,因為佢每次去遊輪都會買家庭合照,我哋自己就無再影兩人合照lu。

      刪除
  8. 真係好羨慕海豚兒成日都可以周遊列國,見識世界。

    回覆刪除
    回覆
    1. 其實係我寫得慢,寫極都寫唔完同一個行程遮!

      相信小鳥第時都會周圍去架!:)

      刪除