這天黃昏，朋友仔和巨人便回去溫哥華了，今天我們只安排了一個節目，而這個節目亦是這行程中的第四個並最後一個highlight，還好，這個highlight並沒有因為孖潤腸嘴而需要取消，我們一行四人依然浩浩蕩蕩出發去一個"你估我唔到"嘅地點，而這亦是海豚兒第一次玩這類型玩意，基本上，認識海豚兒的朋友在FB看到照片時亦感興趣，至於海豚兒家姐就whatsapp海豚兒，問相片中人到底是誰，因為她其實不大相信阿妹會咁薑，仲要主動提出去玩。然而，海豚兒自知從小到大也是零運動細胞，平地漫步都會拗柴+跌倒! 所以對於這個新嘗試，海豚兒對自己只有一個要求，就係"我唔要似洪永城!" ---> 如果有睇過「走過浮華大地 - 亞洲篇」就會明白海豚兒的意思吧!
說到這裡，大家可猜到海豚兒指的是什麼玩意嗎? 就是這個了~~~
iFLY - Indoor Sky Diving
海豚兒想: 若是十年前，也許沒能力負擔這玩兒，而十年後也許"骨頭打鼓"沒能力玩了，所以還是想做就去做，想"飛"就去飛吧!
為了這次活動，無聊到爆的海豚兒還"要求"Mr. Dolphin和巨人陪海豚兒好似Power Rangers咁，一齊做些幼稚動作來影合照，除了合照，我們還拍了片，超級攪笑! 不過呢，這些照片實在不便公開，因為實在太低B了! ;P
首先我們要上一個簡單課程，大概需時三十分鐘，學習飛行時的正確姿勢、及溝通時用的手勢，然後便穿上飛行裝束、耳塞、眼罩、頭盔，準備飛翔了。
巨人、Mr. Dolphin和海豚兒參加了兩分鐘飛程，分開兩次進行，最後海豚兒更另加一個tandem - 由導師帶領海豚兒轉圈飛上wind tunnel之頂，很好玩呀! 有興趣的話，大家不妨一試，速度不會太快、甚至連"離心力"也感覺不到，當然這亦因為海豚兒只是"學神"，風速不會調得太高!
至於朋友仔則堅負我們的攝影師，左手拿著一部相機拍片，右手又拿著另一部相機拍照，效果還拍得相。當。好。 勁呀! 多謝朋友仔和巨人從西岸飛過來東岸探望海豚兒和Mr. Dolphin，並和我們吃喝玩樂足一個星期，實在是大滿足呢!
咁樣影相都仲好, 真係由高處跳落去就點都唔制了!! ^_^"
回覆刪除其實當個導師帶我轉到頂嗰刻，我先至識"驚"，心諗如果落嚟時加速，我分分鐘嚇到隔夜飯都嘔埋，好在速度都唔算快，啱哂我"又要威、又要帶頭盔"既要求! :P
刪除有啲咁嘅嘢玩架？我就係你所講嘅骨頭打鼓嘞，所以唔駛預我。
回覆刪除係呀! 我都係近排先留意到多倫多原來開咗D咁嘅嘢玩!
刪除實不相暪，我玩完呢兩分鐘之後，全身肌肉、骨頭痛咗兩日呀，都怪平時無做運動之過! XD
要無比勇氣，離地太刺激，唔啱我。
回覆刪除初學時離地唔夠三尺，焦點亦放喺"平衡"上，所以一D都唔(識)驚。到飛得高DD時，個導師就會"拉"返我落嚟D，感覺唔會太刺激，比較似學蹈單車、滑雪，想有進步多D!
刪除海豚兒:
回覆刪除~依一隻飛, 我見電視有介紹過. 你哋又會無端端諗到依一樣野黎玩?? 你哋玩飛之前嘅訓練, 到飛個陣時, 係咪用到?? 哈哈~~
睇電視時，我無咩感覺，但有次無意間見到人哋現場玩，就好想試下!
刪除上堂教嘅係最基本知識，都用得著，據觀察我哋個導師唔算勁，如果個導師勁D，或者會教到多D技巧，可能我哋會快D上手。
妳咁勁既?俾我真係有D驚驚地架
回覆刪除現場見到人玩時"感覺"唔會太驚，所以就好想襯行得走得時去試下，我玩完覺得好開心，但老公就一D都唔享受囉! *_*!
刪除