2014年10月23日星期四

公司雜記 ~ Part 2

雜記三:  回歸

同事在放了接近一年病假後,終於戰勝病魔,回到工作崗位啦,實在是可喜可賀! 可能是人夾人緣吧,這位來自韓國的女同事是海豚兒在公司遇到的數位韓國人中,唯一能成為朋友的同事,或許是緣份,又或者是因為大家有著共同宗教信仰吧,加上她對人非常真誠和熱情,能和她做朋友也不錯呀。

為了慶祝她的回歸,海豚兒特意和她去吃了一個歡迎午餐。除了味道類似椒鹽豬扒的排骨仔有點不倫不類外,其他的食物全部也好好味呢,希望同事以後要悉心保重身體,她的丈夫以及子女也很需要她啊!



雜記四:  三個女人一個墟的泰菜夜

工作上,海豚兒每幾年就會pat pat痕,申請內部調職一次。數年前在一個部門裡認識到兩位同聲同氣的香港人,雖然我們三人已沒有共事幾年,但每隔幾個月,我們便會相約出來飯聚。這次選址是跟據海豚兒另一位同事的好介紹:  Pai - Northern Thai Kitchen吃泰菜去。



這晚的菜色全部也真真好吃,驚喜萬分!  青咖哩配魚魚超級香口,泰式炒粿條是未曾嚐過的美味,超級至尊無敵al dente呀呀呀,沙嗲雞串的雞肉無比嫩滑,只有以貌似"洗面盤"盛載的木瓜+蟹沙律較為不濟,因為完全吃不到蟹之餘,我們三人也不約而同地只吃到蟹殼"碎"⋯⋯^^"



或許海豚兒和友人實在吃得太過得意忘形,竟然完全忘了替杧果糯米飯拍照! @_@#

還幸由於晚飯太出色,海豚兒一早追加了青咖哩、炒粿條、糯米飯帶回家給Mr. Dolphin品嚐,所以海豚兒才能夠集郵成功,回家後幫杧果糯米飯補返張沙龍照。



而Mr. Dolphin對外賣泰菜的評語亦很簡單直接,就是他的生日飯就鐵定在這兒吃啊! :D

10 則留言:

  1. 嘩, 咁聽上去間泰菜真係好掂喎!
    妳好快就黎香港試埋mango tree啦, 唔知pk之下結果如何呢??

    回覆刪除
    回覆
    1. 係呀! 我都係第一次喺多倫多食到咁正嘅泰菜ja!

      我估同埋希望mango tree會更勝一籌,期待ing呢!

      刪除
  2. Hope your coworker is back to normal!!!

    Does Canada have paid medical leave?

    回覆刪除
    回覆
    1. Thanks so much!!

      政府只包醫療,其他就要睇個別公司福利同埋員工有無額外買保險。我哋間公司福利算唔錯,頭16/17(?)個禮拜係出100%糧,之後就50/60%(?)糧,如果員工有額外再買保險,咁就算過咗頭四個月,都仲有機會出100%糧。

      刪除
  3. 祝你同事身體繼續健康。 第一張相片的包包好靚。

    回覆刪除
    回覆
    1. 謝謝Samwei的祝福!

      麵包達人果然勁,個包包外面煙煙韌韌,𥚃面鬆化,又熱辣辣,真係好好味!

      刪除
  4. 海豚兒:
    ~你公司都幾大, 你隔幾年就申請調職. 比我做開就算, 唔想轉變.
    ~間thai 菜好得!!
    ~乜海豚先生就生日?? 咁岩, 我都係十月之星!!

    回覆刪除
    回覆
    1. 嘻嘻!因為以前怕悶,所以每幾年就鍾意轉下環境,而且公司culture都係咁,不過近幾年我都懶,無再周圍走lu!

      間泰菜真係超得,真係第一次喺多倫多食到呢個質素,妳返嚟都可以同D妹去試下呀!

      hehe⋯⋯其實佢係十一月架,不過佢自從無喺downtown返工之後都少咗好多機會喺downtown開餐,所以要提前講定囉!

      刪除
  5. 耐唔中調吓職好呀,攞多 D 經驗,識多 D 人。將來想轉工都易 D!
    D 泰菜好吸引啊!

    回覆刪除
    回覆
    1. 都係架,做下唔同部門除咗可以學多D嘢仲可以令自己見識多D,更加瞭解自己嘅長/短處。

      呢間泰菜真係堅有驚喜,正!

      刪除