這個週末過得很"充實"，包括追蹤老家的最新消息，為"突如其來"的家事作安排，及特備節目: 海豚兒到ER一"游"，還好，家事已有定案，ER一游後亦已變成無事，唯獨是老家的事，依然讓人記掛。
繼續之前的"游"記，上回提到我們去了尼加拉瓜瀑布區玩樂一天，接下來便是新的一天的行程了。
由於對上一天朋友仔因為去了水上樂園而錯過了行街街這個"好節目"，所以這天早上我們亦特意陪朋友仔、巨人去一年前才開的Toronto Premium Outlets走一趟，而在這兒"白走一趟"當然亦是預計之內吧！無計，貨品跟在美國時看到的無異，但卻$$$$$很多也不特止，還看到自己腳上穿著聖誕時在賭城Caesar Palace內買的鞋，減價後在這個outlets內仲貴過舊年，真的買不下手喎!
為了補償我們消耗了的體力(?!)，我們一行四人便駕車去吃港式早餐，基本上，我們四人是叫了同一款餐: 沙嗲牛肉米粉配蛋治，朋友仔的跟通粉，巨人的跟公仔麵，Mr. Dolphin和海豚兒的就跟公仔麵走牛肉(!)，即係淨麵啦，然後海豚兒再和巨人分享一個沒有拍照的菠蘿油，這又是一個令人滿足的comfort food之選! 海豚兒很喜歡這家茶餐廳，每逢有朋友前來(尤其是美國)，海豚兒也喜歡和朋友到這兒，介紹他們吃又厚又滑蛋治+港式奶茶，連從溫哥華來訪的朋友仔也對這兒的蛋治讚口不絕，唉! 無法啦，從前她在溫哥華最愛幫襯的Main街檀島執咗笠嘛，那可是一間很具代表性的茶餐廳啊!
再之後朋友仔和巨人就陪我們去不同地方買些兩星期後家居維修的物料，財散人安樂後，便去吃新鮮出爐熱辣辣香噴噴的酥皮蛋撻作茶點，新鮮出爐蛋撻真的好熱，每次用手拿來吃都要好小心，否則好易會"碌"到隻手紅哂，嘻嘻!
再四處逛逛後，就再陪朋友仔去喝涼茶(只她一人而已)，接著便去他們介紹從溫哥華開過來的店子吃魚湯米缐。其實Mr. Dolphin和海豚兒也很喜歡魚湯米線，能夠找到這間有水準的店子，日後我倆一定多多幫襯啊!
呢個蛋治有睇頭，蛋撻熱辣辣至正，綠襯手都在所不計。
回覆刪除真係好正架，有機會嚟多倫多一定要試下呀!
刪除Outlet唔等於平, 其實香港東薈坊都一樣, 真係要識揀!!
回覆刪除係咪加國的港式早餐都特別大份呢? d麵勁大兜啊
係呀，我都記得citygate outlets真係唔係間間都平。不過加拿大定價一般都比美國貴DD，無計!
刪除唔知係咪北美洲公仔麵份量比亞洲大呢，不過越大兜就食得越開心囉!
如果只睇下半段，以為你返左香港。
回覆刪除又真係幾似喎，可惜我住得唔近，通常都要等週末先會去呢D地方"搵食"!
刪除我三藩市D朋友成日話三藩市野食冇多倫多咁好～
回覆刪除拉太去過唐人街未呀? 嗰度嘅嘉賓閣、ABC都有正宗茶餐食架，仲有金門蛋撻都好出名添!
刪除不過如果我喺三藩市住，我實日日食壽司啦！:P
未去唐人街呀，不過我地食左ABC～我地覺得唔錯，但朋友話仲有好D ga wor，我地未有車，好少出去食＠＠
刪除仲有Geary Street都有好多嘢食架，應該近過唐人街嘅。
刪除港式茶記？妳返嚟我地同妳去玩去食
回覆刪除好吖好吖! 不過最緊要唔係去澳牛就得啦，如果唔係，我驚櫈都未坐暖就要說再見啦!
刪除海豚兒:
回覆刪除~家事 and ER一游, 好似好多事要辦+ 好忙碌下喎!! 希望一切安好!!
~我都唔期望加拿大啲outlets 會減好多. 希望有啲好牌子肯黎加拿大, 已經偷笑!!!
~不過, 你哋好肯渣車周圍去, 渣長途已經無咗一半體力, 去到目的地, 都無咩柏力玩!!
~你帶你啲朋友食啲野, 好港式!! 他們喜歡嗎?
Vicky真細心，之前真係忙到甩碌，好在依家都算有所安排，謝謝！
刪除其實都有D好品牌嘅，如果平時無去開美國或者唔知價，可能都會買得幾開心架！
返到多倫多都係靠老公揸，就算有D累，都值得嘅，因為我哋知道換轉係朋友們，都會車我哋周圍去。
鍾意呀，佢哋都好欣賞呢邊嘅茶餐！ ;)
好期待你反黎呀
回覆刪除我都係呀，希望可以快D返嚟一齊吃喝玩樂啦！
刪除我好懷念呀。。。。
回覆刪除Mrs. Wu快D組團同埋其他NYC嘅blog友一齊嚟多倫多玩吖! :D
刪除