又一個風和日麗的星期六早上，這天海豚兒和Mr. Dolphin去了一間日本人主理的法式餅店(趣!)吃早餐。
.jpg)
這店子的包包和糕點也很吸引啊! 看著看著，貪心的海豚兒有許多款式也很想試呀!
.jpg)
.jpg)
結果嘛，跟往常一樣，海豚兒仍是先吃甜，再吃甜。XD
三款甜點當中，海豚兒最喜歡是自選的栗子撻，Mr. Dolphin就最欣賞海豚兒揀的芒果綠茶蛋糕，反而Mr. Dolphin選的百香芒果古古力蛋糕就沒有得到他的賞識，其實海豚兒覺得也不錯啊，伴著綠茶熱飲也很夾呢!
當然，Mr. Dolphin還是點了一份香噴噴雞蛋番茄牛角酥配熱辣辣蘑菇湯來填肚，味道也很讚!
.jpg)
最後，海豚兒更追加了綠茶味泡芙，也很好吃啊! 其實這兒還有許多很吸引的咸食和甜點，海豚兒還真的很想再來試多幾款啊!
.jpg)
好啦! 寫到這兒，或許大家會奇怪這樣的一個正常早餐跟"石器時代"又有什麼關係呢? 係咁的，海豚兒終於把"古董"手機升呢為有data plan嘅正常手機啦!^^" 其實海豚兒一直以來也能夠以比市面價格平40%以上的月費出電話，基本上已經好抵，只是海豚兒從來也對科技產品不太著迷，加上之前電話簽了三年合約仍未到期，所以也沒有太大意慾去換電話，直至最近合約差不多夠期，海豚兒和Mr. Dolphin才死死氣去把電話升呢!
所以呢，這篇文章除了介紹是日早餐還是一篇慶祝海豚兒用新電話影相相的開光文啦，嘻嘻!
順便補貼之前用舊手機在另一間甜品店影的相相，包括好吃的綠茶紅豆班㦸和古古力心太軟，還有怪怪的芝士蛋糕梳乎厘，原來芝士蛋糕和梳乎厘唔多夾，做唔成朋友架!
.jpg)
.jpg)
新舊手機比較下，除了海豚兒那不值一提的零技術外，有看到相相質素有分別嗎? ;P
海豚兒:
回覆刪除~好多甜食呀!! 但感覺到, 全部甜食,係唔係太甜個啲. 我最有興趣---栗子撻!!
~其實, 我唔知你件古董手機有幾古董. 因為好先進嘅手機, 都可以無data plan 都可以用到. 因為我知, 仲有好多人越來越唔喜歡有data plan. 越simple 就最好. 咁你家陣有data plan, 真係連坐車都可以上網!!
~你可以平40%月費, 依方面又幾好!! 我同Brian 份電話月費, 一定會嚇親人. 我哋份電話月費, 應該可以供到架車. (因為張單係包埋我哋父母電話費用, 當中還未計長途電話費)
真係全部都唔算太甜，只係栗子撻對於鍾意少甜嘅我會略甜，不過都真係好好味，如果妳返嚟，都可以試下。:)
刪除我個舊電話係舊到三年前出機時已經舊到無殼可以買嚟同佢裝身^^"，哈哈!
嘩! 妳同Brian好鍚屋企人呀，買電話送比佢哋之餘仲負責埋月費，淨係份心意已經夠令人感動啦! 其實依家嘅corp plan仲包埋加拿大任講長途電話，到現有計劃夠期，就可以upgrade啦。不過我知道Brian對呢方面更加熟悉，我都只係厚多士下!
新機影相靚好多!!!
回覆刪除雖然其實我都好怕新科技, 但間中升下呢用下新野都幾開心
新一年可以多食多影多寫d啦, 呵呵
多謝多謝!! 對於新科技，我真係懶到出汁...好怕要花時間去研究，不過都好似妳咁講，有新野用又確係幾高興嘅，希望唔好咁快比我攪壞/跌壞部機啦! ^^"
刪除承妳貴言，我會繼續努力架啦!
和風 cafe 好靚，很有風格
回覆刪除間cafe最正嘅地方係大部份人嚟到都係買外賣，我哋兩個好似包場咁，喺度hea咗好耐，好寫意! :D
刪除勁丫，一早起身就食甜品，Mr. Dolphin都可以架?
回覆刪除妳地個邊D台費貴ma?一個月大約幾錢架?
我個人心急嘛，想食甜品就等唔切，而且又可以將咸食嘅quota攞埋嚟用。其實Mr. Dolphin唔得架，所以咪要食個茄蛋牛角酥加碗熱湯囉。4個甜品加起嚟，佢最多食咗一個到ja。>_<
刪除以2GB計，加埋免費加拿大境內長途電話、無限短訊、無限通話，正常價格約加幣$90/月加13%稅，即係$100加幣多D，我估香港應該平過我哋。
嘩！又真係幾貴喎
刪除最平嘅入門價都要$50/月 - 5MB吖! ^^"
刪除