2015年2月18日星期三

兩口子的Winterlicious晚餐

以多倫多時間計,提前幾小時跟各位說新年快樂!! 祝各位今年"羊羊得意","喜氣羊羊","主恩常佑",「咩」!!

~~~~~~~~~~~~~~~~~~~~~~~~~~~~~~~~~~~~~~

承上篇,海豚兒除了分别和同事及獨自試了Winterlicious午餐外,也和Mr. Dolphin在其中一個週末試了間之前一直想試的餐廳,正好襯這機會一"嚐"心願。

在記錄這晚餐前,其實海豚兒也想簡單介紹一下Summerlicious和Winterlicious的來由,因為這與海豚兒的老家 ~ 香港,也有着或多或少的關連。

Summerlicious 始創於2003年夏天。那年春天,多倫多像香港一樣,因着沙士疫情影響,零售業、旅遊業和餐飲業也受到嚴重打擊,還記得當年無論去商場、銀行或餐廳,走到那兒也沒有太多"人氣",連平常—位難求的停車場也是空空的,實在沒有太多人到街上消費。當然這情況沒有維持太久,依稀記得約一個月吧!為了刺激經濟,來到夏天時多倫多便推出了Summerlicious這項目,還有其他一連串的旅遊優惠。而Summerlicious和Winterlicious到今年唯止已經踏入第十二個年頭啦!

好啦!講番正題,這晩我倆去了一間在機場附近的扒房餐廳。



首先是熱暖的麵包,不過嘛,這個麵包超酸的,試了一啖隨即宣佈放棄! ^^"



海豚兒和Mr. Dolphin分享了夠熱又好喝的紅椒湯和一般般的蟹餅。



一場來到,海豚兒當然不會放過這兒的牛牛啦,這晚連Mr. Dolphin也破戎點了一份牛扒來試試這餐廳的實力。

海豚兒點了三成熟的prime rib而Mr. Dolphin則選了五成熟的西冷牛扒。兩份牛扒的生熟程度也控制得很好,只可惜。。。兩塊扒同樣韌到無朋友,所以我倆也沒能把牛扒完成,反而伴碟的配菜就清碟無難度啦!



至於甜品的古古力蛋糕和法式燉蛋就同樣美味,還好總算有個甜美的結局。總括來說,這餐廳試一次便夠咯! :P




14 則留言:

  1. 恭喜發財、身體健康、萬事如意!!
    間餐廳係咪2003年開唔係2013年開呀:p

    回覆刪除
    回覆
    1. 多謝多謝!! 新年快樂!!

      好在妳提醒, 改番好啦, thank you!! 間餐廳就開咗幾年,而Winterlicious和Summerlicious嘅prix fixe menu活動就由2003年開始嘅! ^^"

      刪除
  2. 恭喜發財
    祝妳羊年身體健康
    心想事成 繼續吃不停!

    回覆刪除
    回覆
    1. 多謝多謝!! 新年快樂!!

      大家今年都豐衣足食!!

      刪除
  3. 羊年快樂, 希望我地一齊要咩有咩~~~
    雖然主菜比較失色, 不過好在甜品爭返氣
    而且可以拍住拖去食特別開心呀 :)

    回覆刪除
    回覆
    1. 多謝多謝!! 新年快樂!!

      其實個古古力蛋糕喺menu到寫souffle cake架,我天真到真係以為有疏乎厘食,不過唔緊要啦,同另一半一齊食,而個蛋糕又好食就足够啦!

      刪除
  4. 回覆
    1. 多謝多謝!! 新年快樂!!

      祝妳全年健康無煩惱!!

      刪除
  5. 回覆
    1. 多謝多謝!! 新年快樂!!

      祝妳一家萬事如意,精神爽利!

      刪除
  6. 海豚兒:
    ~我覺你唔介意渣車, 周圍去食!! 我係多倫多嘅冬天, 真係連車都唔願渣, 因為好怕冬天要渣車, 由其是落雪天, 就算無雪, 我見到有積雪, 都唔想渣車!! 我令願凍住坐交通工具,都唔願渣車.
    ~我唔知點解, 我覺依啲活動, 好似係華人圈子, 會有好大回響. 原來攪咗12年, 我好似食過一餐咋!!
    ~祝你食咩有咩, 日日開心快樂!!

    回覆刪除
    回覆
    1. 多謝多謝!! 新年快樂!!

      今年多倫多只係落過幾場大雪,相反就成日都有寒冷警告,所以揸車出街就方便D,又無咁凍,反而坐親TTC去喺downtown行街都凍到雪條咁,不過如果落大雪,我哋都好怕揸車,因為通常都好塞車(怕怕)!

      我都覺架,逢親有又抵又好食嘅優惠都好容易會吸引到華人架,我都唔例外呀,嘻嘻!

      刪除
  7. 回覆
    1. 如果Sourdough bread加湯我鍾意架,不過呢個包酸好多,酸到好似壞咗咁,勁難食呀!

      刪除