2015年2月1日星期日

瘋狂戀上 ~ 脆脆Snapea Crisps

自從早年努力減肥後,海豚兒已經不染指從前最愛吃的"炸"薯片,之後改行食焗薯片,所以每逢在超級市場看見有趣的焗薯片口味時,也會買來試試。

話說早排同事請了海豚兒吃下圖從Costco買回來的小包裝原味青豆脆脆小吃,海豚兒一試已經愛上了它像薯片一般的香脆。



第二天在西人超市(Longo's)的貨架上看見大包裝的Caesar、Black Pepper、Wasabi Ranch口味,一於一次過掃齊三款口味回家慢慢嘆!



到週末時己差不多把三包也吃完了,趕快到西人超市追加黑椒、日式芥茉二種口味各三包,只一個星期時間,海豚兒已經把所有存貨幹掉,馬上再補倉,又再買了六包,且看今次要花多少時間才能完成!



最後,大家有看見亮點嗎?  沒錯,這可是北美洲卡樂B出品呢!

各位對零食又有什麼心水呢?

20 則留言:

  1. 我麻麻包裝零食, 唯一超級最愛都係雪糕啊!!! :D

    回覆刪除
    回覆
    1. 薯片係屋企煲劇嘅必须品,梗有一包睇門口!

      反而屋企好少食雪糕,通常鍾意即買即食多D,好似有多D口味可以揀。

      刪除
    2. 我都鍾意街的雪糕, 即食鮮滑好味d, 不過零食類太麻麻, 所以杯裝雪糕都照殺
      可能唔食零食, 都係我相對冇咁肥o既原因呀 :p

      刪除
    3. 如果食包裝雪糕,我貪心D,鍾意有埋古古力脆皮面,所以Haagen Dazs就最啱心水。:)

      或者我都要學下妳,食少D零食,不過呢,有時真係好難忍口嘅!

      刪除
  2. did you try kale chips?

    回覆刪除
    回覆
    1. 未試過啊! 剛才google過,想試下呢,不過要落手整,就真係不知何年何月啦!XD

      刪除
  3. 妳要減肥???
    我都鐘意食零食薯片等,不過驚肥都係少食多滋味

    回覆刪除
    回覆
    1. 依家無特别去減,不過減肥呢D可以話係"終身職業",平時點都要下注意飲食,但有時美食當前又真係好難忍口!所以我覺得妳好勁,鍾意食但又忍到口唔會食過多,我都要好好學習至得!

      刪除
  4. 回覆
    1. 我係嗰種會狂"隊"同一種零食直至食到悶至停,然後停一排又再嚟過,講真,食零食方面,我覺得住北美、歐洲都好幸福,因為有好多唔太邪惡嘅選擇,又唔駛擔心原產地!

      刪除
  5. 我係好少食零食,鹹嘅甜嘅都唔太好,我偶爾都會買吓零食,例如雪糕/薯片/朱古力等,因為屋企無零食好似好慘咁,但大部份時候係過哂期我都無食,或者未食哂要掉。我一盒小雪糕可以食幾個月都食唔哂,啲朱古力幾年無掂過。

    不過我會每朝食一條迷你版kit-kat做早餐,主要都係想有啲糖份精神啲。

    回覆刪除
    回覆
    1. 我個人好心急、又為食,所以零食一買返嚟就即刻食,如果會放到過期嘅只有一個可能,就係嗰樣嘢太難食。至於雪糕我通常都係喺舖頭即買即食,一來覺得多選擇又"新鮮"D,二來依家可能無咩quota,食太多個胃會唔舒服。

      我仲以為大部份人都係以咖啡、奶茶提神,用kit kat提神真係第一次聽。:)

      刪除
  6. 海豚兒
    ~反而我無咩留意到依一隻Snapea crisps. 你第一張相, 影到Snapea crisps 個樣, 我覺似薯條多啲!!
    ~我而家仲有零食胃, 我出黎做野更加食多咗吃零食, 但而家少吃甜嘅零食, 越大越喜歡咸味嘅食物.

    回覆刪除
    回覆
    1. 嘻嘻! 形狀似薯條,味道似有青豆香味嘅薯片,有機會妳都試下吖!

      我都係鍾意咸味嘅零食多D,甜嘅零食要一路食一路飲水,好快飽,除咗我嘅all time飛佛黑古古力!

      刪除
  7. 海豚兒:
    ~你個邊,好似雪暴, 你點呀?? 返工有無遲咗好多?

    回覆刪除
    回覆
    1. 多謝妳呀! :) 我琴日喺屋企附近行返工,除咗好似做完健身,出咗"一身汗",其他都無咩問題。:P

      同事、老公就話揸車嘅traffic仲好過平時,但go train就勁多delay,難為D等車嘅人呀!

      刪除
  8. 呢種豆子零食好有趣呀, 唔知第時香港有冇得買~~~ 我以前就食過無印良品出的一種豆形零食, 又係好脆好味, 不過近來都冇見到有賣了~~~

    回覆刪除
    回覆
    1. 希望快D有,咁妳都可以試下吖! 如果唔係,我下次返嚟都可以帶比妳架! :)

      刪除
  9. 其實我係卡樂B粉絲, 隔一排想食會買一細包自己滿足下!
    吾知你這款香港有無得買呢? 經過大超巿時望下

    回覆刪除
    回覆
    1. 我以前都成日食架,不過為咗留quota,所以忍住唔食卡樂B。

      希望香港都有得賣啦,但就算無都唔緊要,我下次返嚟帶比妳吖! :)

      刪除