2015年7月13日星期一

心裡日記

懶惰的海豚兒本打算每月寫丁點和Mr. Dolphin 的往事,為拾婚紀念留一個記錄,不過寫完關於年底的旅行後,又不知怎的停了下來,襯今日的起心肝,就試試寫一點東西吧。

我倆是在Mr. Dolphin 第一次參加團契聚會時認識的。Mr. Dolphin對海豚兒的最初印象包括:

很嘈 ~ 因為海豚兒一整晚跟友人們不停説話亦經常笑到失控。這個嘛,到現在也一成不變。^^"

很煩 ~ 因為海豚兒好似有强逼症咁,係都要Mr. Dolphin 食海豚兒在羅省買回來的古古力手信。海豚兒真心覺得好吃嘛,而且,友人們全都有吃啊!這個嘛,好像比以前好了一點啦,因為明白他不吃不是沒原因的(叻!)。

至於海豚兒對Mr. Dolphin 的印象嘛,就是好靜咯,話也不多。現在嘛,除了對着海豚兒,親人和好友外,Mr. Dolphin 依然是很靜的一個人啊!




我倆認識之時是温哥華的夏天,日長夜短,晚上九時過後才日落,加上大家“當時”也年青,經常一班人出來吃飯,看戲(還記得第一套看的是港產片~夏日的麼麼茶),唱K,碌齡等。過了一排,很自然地我倆由很多人的約會慢慢地變成二人行。而其實,海豚兒在未認識Mr. Dolphin 前,早以決定會在同年的年底搬回羅省生活,之前亦已把部分家當搬回羅省了,那時候又怎會料到會在離開温哥華幾個月前遇上Mr. Dolphin呢。人生嘛,就是充滿着意想不到的驚喜,充滿着不能計算的偶然,在決定接受Mr. Dolphin 時,海豚兒就決定會留在加拿大生活,沒一刻想過要跟Mr. Dolphin 談一場遙距戀愛。雖然海豚兒沒有每天也要和男友黏着一起的性格,但亦不至於想把拍拖變成神交嘛。

不經不覺,原來和Mr. Dolphin由認識到現在也過了十五個年頭呢。我倆並不是一見鍾情,是相處下來覺得滿合拍而漸漸走在一起,沒有甚麼"動地驚天愛戀過"又或是“激情”的經歷,只是一直守在對方身邊,又或許我倆追求的是比較平實的"細水長流"吧。其實怎麼樣形式的開始也不重要啦,最希望這是和自己走到終點的人才是重點啊!




16 則留言:

  1. hehe, 如果我係Mr Dolphin, 睇到依篇一定好sweet勾起好多回憶呢~ :)
    祝妳地sweet & happy forever!

    回覆刪除
    回覆
    1. 嘻嘻!多謝甜魔媽媽!

      雖然這不算是什麽“那些年”的回憶,不竟我倆也不是從小便認識,但偶爾回故一下當年,感覺也是不錯就是了。:)

      刪除
  2. 細水長流才矜貴, 慢慢培養感情,然後就是親情。

    回覆刪除
    回覆
    1. 謝謝Samwei呀,這正是我倆的感覺啦,而且相處這麼久,許多時候一個簡單的眼神和表情,已經明白對方所想,唔會雞同鴨講。

      刪除
  3. 唉!寫咁少架,寫多D俾大家分享妳開心事ma :p
    依家我知妳由細細個已鐘意講野,哈哈哈......
    其實沒有激情才好,細水長流才能長久
    祝妳同Mr. Dolphin恩恩愛愛直到永遠^^

    回覆刪除
    回覆
    1. 謝謝Oli!! 我驚細節會悶親大家嘛。^^"

      三歲定八十,除咗病同嬲,我把口真係無時停架, 不過我都好揀擇,淨係啱channel我至傾到。

      我估各有各好啦,亦都好睇對手同timing嘅, 年紀漸長,追求嘅嘢就越唔同,而我嘛,咪就係一路都恨嫁囉。



      刪除
  4. 細水長流先會長久呀! 你地一個嘈一個靜先match 到呀!

    回覆刪除
    回覆
    1. 謝謝Mrs. Wu!! 嘻嘻!如果連我都唔講嘢,我驚屋企仲靜過圖書館同自修室,到時就真係連烏蠅飛過都聽到啦!XD

      刪除
  5. 你哋兩個有共識唔生小朋友嗎?依家好多couples都選擇唔生喇。

    回覆刪除
    回覆
    1. 對呀,我哋拍拖時已經定有呢個決定。唔講佢,淨係講我,都知道自己唔適合做人阿媽,識生唔識教,太不負責任啦。^^"

      刪除
  6. 我都係好嘈....老公係好靜.....哈哈!!
    SO SWEET AR你地~

    回覆刪除
    回覆
    1. 謝謝妳啊!

      我感覺我哋真係有D共通點,好似夫婦口味呀,自己鍾意講嘢而老公愛靜咁呢... ...當然除咗我係無飯主婦而妳係模範主婦啦!;)

      刪除
  7. I always feel childless couple has a much closer relationship!

    Here to another 15 years!

    回覆刪除
    回覆
    1. 多謝妳呢!

      可能因為我哋嘅生活好簡單平凡,好容易將生活中心都放喺對方身上啦,我覺得最感恩嘅係大家夾得嚟,成世人流流長,日日相對無言又或者開口埋口就鬧交,就好難對成世。

      刪除
  8. 海豚兒:
    ~咪好囉, 你係屋企, 你可以講晒野啦!! 哈哈~~
    ~你哋都幾sweet!!
    ~但點解, 會係溫哥華搬過去多倫多嘅??

    回覆刪除
    回覆
    1. 多謝妳呀!

      哈哈!經過咁多年嘅相處,我已經令到老公會担心我唔講嘢嗰陣係唔係病咗或者有嘢唔開心,因為除此之外,我喺屋企時,把口都無時停。XD

      當年搬嚟多倫多係因為老公嘅行業喺呢邊會無咁難揾工,所以我哋退休前會搬返温哥華嘅機會都好低呢。

      刪除