2015年7月20日星期一

Ribfest ~ 排骨節2015

每年夏天期間,一眾排骨攤檔(ribbers)就會隨着指定時間表,每週末去到不同的城市舉辦排骨節(Ribfest),這些排骨節大多選址在每個城市的公園裡,除了有燒排骨吃,還有其他的食物,包括:  炸完隻洋葱(blooming onion),蝴蝶形炸薯片(butterfly fries),燒粟米,燒蕃薯,butter beer,funnel cake等食物,小朋友遊戲攤位,和一些賣飾物衣服的小攤檔等。




老實説這兒的燒排骨不算做得很出色,主要是靠風味和氣氛取勝,而且有些ribbers為了製造多人幫襯的假象,還會放慢手腳,把整個售賣過程拖長來做呢,還害得海豚兒排隊排到全身也是煙燻味!>_<

這次海豚兒吃了不夠多汁和頗乾的燒排骨,和Mr. Dolphin 分吃了乾乾的corn bread ,可憐不好燒排骨的Mr. Dolphin 只吃了一個清淡的焗蕃薯,回家還要多吃一碗紙皮(噢!是麥皮才對)來填肚。



吃過燒排骨後,海豚兒當然不會錯過甜品時間,吃了一底新鮮炸的funnel cake, 好吃!從相中可見,這兒除了有funnel cake, 還有很多不同類形但同樣邪惡的炸物吃。:D



Mr. Dolphin 因為知道海豚兒對今次的ribfest吃得不滿足,過幾天後再陪海豚兒去一間海豚兒認為ribs做得很好吃的餐廳再吃過燒排骨,這兒的味道真是出色得多呢!只可惜Mr. Dolphin 所挑的龍蝦肉意大利飯就非常一般啦,不知怎的厨師先生放了大量粟米(!)在意大利飯中,我倆根本連意大利飯的味道也吃不出,只吃到强烈的粟米味而已。不管怎的,能够吃到美味的燒排骨還是叫海豚兒非常滿足的!

16 則留言:

  1. 好搞笑呀! 香港完全冇依d特色美食節架~~
    其實, 我都好鍾意食ribs呀!!

    回覆刪除
    回覆
    1. 呢個節日真係幾特别,成個夏天有成3、4個月輪住去唔同城市舉辨。

      雖然依家嘅ribs已經無以前咁吸引,但我都鍾意去感受下D氣氛!:)

      刪除
  2. 我都鍾意食ribs,不過呢家的超市已經有得賣,所以我少整。

    回覆刪除
    回覆
    1. 呢邊超市即食同雪藏嘅都有架,不過我份人pat pat痕,總覺得去餐廳或ribfest先食得夠過瘾。;P

      刪除
  3. ribs我以前鍾意食,依家麻麻地,因為太多地方整得唔好食,唔係乾就係肉少或者唔夠軟....... 依家想食好多肉時我都寧願點牛排穩陣啲。

    回覆刪除
    回覆
    1. 其實有幾間美式連鎖餐廳都整得好味吖,好似tony romas, uno chicago grill 都唔差,反而我覺得要揾好食嘅牛扒仲難,而且仲好貴。^^"

      我到依家都仲記住妳喺首爾食嗰個ribs, 好鬼想試呀!

      刪除
  4. 排骨節妳食個舊排骨黑媽媽既,睇落都唔吸引
    妳會食麥皮???

    回覆刪除
    回覆
    1. 係吖,又乾乾地,又鞋鞋地,所以我食咗唔夠一半就打包返屋企隔日再戰啦,好在funnel cake 都好味ja!

      紙皮,噢!Sorry 係麥皮呢D貢健康嘅食物梗係唔會係我食啦!XD

      刪除
  5. 都幾特別呀有呢d fest, 不過真係多數都麻麻好食,所以都係睇下算。 個龍蝦飯真係corn 多過飯,好似飲corn soup 咁樣,哈哈

    回覆刪除
    回覆
    1. 印象中以前個schedule好似有埋美東一D城市架,不過唔知依家仲有無lu。妳都明啦,呢邊夏天咁短,有D咩fest都去望下啦,嘻嘻!

      係喎!點解我諗唔到呢,corn soup 真係形容得好貼切呀,真係要比個like妳啊!

      刪除
  6. Ribfest = 排骨節, good one!

    The ribs from the ribfest look to be spare ribs, and the one from the restaurant should be baby back ribs.

    Baby back ribs taste 100000 times better.

    回覆刪除
    回覆
    1. Hehe, 好似呢邊D中文傳媒都係叫燒排骨節咁上下。;)

      完全同意呀!!!!! 我以前最鍾意去tony romas 到食baby back ribs, 超正呀!可惜近我屋企嘅分店都執咗,依家最近都要去niagara嗰頭至有啊!

      刪除
  7. 排骨節...哈哈!!!
    好搞笑呀~
    香港無呢D 咁特別既節日呢~

    回覆刪除
    回覆
    1. 係呀!呢邊夏天有好多特别嘅街頭節日架,都係喺週末舉行,例如加勒比文化節,意大利節,希臘節等。

      可能呢邊嘅夏天日子實在太短,所以大家都喜歡把握機會四出走動下,而且又無香港嘅夏天熱得咁誇張,參加户外活動都C服D呢!

      刪除
  8. 排骨節幾有趣喎, 好彩唔係只有排骨食, 仲有其他美食, 感覺開心啲~~~
    餐廳的燒排骨淨係看樣都好味好多咁, 而且大舊啲~~~

    回覆刪除
    回覆
    1. 真係幾有氣氛,所以就算我覺得食物水準無以前好,我都會去支持下,同埋好在有其他嘢食下,否則就餓C我個唔食排骨嘅老公啦!XD

      無錯呀,餐廳嘅排骨質素真係正好多,而且我老公都係鍾意嘆住冷氣食多D,嘻嘻!

      刪除