2015年7月9日星期四

夏日食記 + Summerlicious Round 2

六月最尾一個週末是每年一度的亞洲美食街頭節(Taste of Asia), 雖然這活動已經沒有從前吸引,但海豚兒和Mr. Dolphin 每年還是會來熱鬧高興下。



可惜今年天公不做美,由一開始毛毛細雨然後越下越兇,所以我倆亦只意思、意思地吃一下每年的must eat item - 臭豆腐,不過可能脷苔厚了,鼻也塞了,近年總覺得臭豆腐不夠臭就是了,今年再加多隻味道普通的燒龍蝦便收工了!



來到七月一日 ~ 加拿大國慶日,這天是公眾假期,躱懶的Mr. Dolphin 和海豚兒沒有安排任何節目,只隨意步行到我們家附近的商場逛個圈,然後再去旁邊的公園廣場看看表演和"視察"有什麽好吃的食物檔攤車(food trucks),買了一"瓶"青檸批來吃就是了。




上篇也提過Summerlicious(prix fixe menu)已經開始啦,海豚兒就襯星期六和Mr. Dolphin找個借口出城去食個晚飯。



這次我倆挑了日本餐來吃,雖然份量很少,但賣相極為精緻,味道也非常出色。



而甜品其實是吃完加點的菜式之後才上的。:)


亦因為頭盤和主菜也好好吃,我倆再多點了三款菜色,最令海豚兒驚訝的是平常不喜歡吃鯖魚(saba/mackerel)壽司和雞翼的Mr. Dolphin 也激讚這兩款菜色,唯獨是halibut tempura 炸得真的太油,我倆都無法完成。^^"



總括來説,這個晚餐也算很好的選擇。噢!忘了告訴你,我倆是早吃晚飯之人,是日晚餐由四時開始,到我倆吃完離開之時,餐廳還未有其他客人,感覺就像包場啦,wakaka! XD

12 則留言:

  1. 我weekend都好早食晚飯,通常5/6點就食,但因為我中午先起身又成日唔食lunch,所以到4/5點已好餓。

    回覆刪除
    回覆
    1. 可以瞓到中午我好羨慕呀,不過印象中妳唔係瞓得好好。不過我就算瞓得晏,都好少會跳過唔食午餐,因為週末食午餐喺我心目中好似係個“節目”咁。;)

      刪除
  2. halibut 就好食啦, 就是老DAD鍾意食的魚,肉質好滑,又唔係成日有得賣。

    回覆刪除
    回覆
    1. 我都鍾意食halibut,不過好似都係食雪藏嘅多。妳下次試下叫賣魚勝有貨留定比妳吖,話哂妳都係熟客仔嘛!

      刪除
  3. Mr. Dolphin 都會食臭豆腐?
    D鬼佬聞到會唔會走夾唔頭呀?
    真係好羨慕妳地日日都可以咁早食飯

    回覆刪除
    回覆
    1. Mr. Dolphin 先係中堅份子呀,由細食到大,返香港就算唔食街邊檔嘅佢都會整番兩件嘆下架!XD

      有鬼佬會話臭但同時都有鬼佬排隊買嚟食,嘻嘻!

      我琴日仲誇,同D同事食飯都可以約5點。

      刪除
  4. 早食飯好好呀, 冇咁肥之餘又可以包場 :)

    回覆刪除
    回覆
    1. 早食飯真係好啱我,太夜食完,好多時都好難消化,然後又攪到好夜都瞓唔到,而且包場感覺真係非常好,因為呢間話哂係居酒屋,晏D多人就會好嘈,想講句嘢都難呀!

      刪除
  5. 我都好耐冇食過臭豆腐, 不過都覺得香港少人賣咗, 定係我咁啱少行過呢?
    日本餐看來很精緻, 唔錯~~

    回覆刪除
    回覆
    1. 嘻嘻!依家就算想食,妳都可能要忍下口啦!;) 我返親香港淨係識得喺旺角有得食,其他地方我都唔識呢!^^"

      係呀,雖然係好細份,但賣相同味道都一樣咁有驚喜,好好味架!

      刪除
  6. I don't like 臭豆腐 (or the smell of it)...

    回覆刪除
    回覆
    1. 我細個時喺街邊聞到都覺得好臭架,記得有一次同埋個同學放學一齊行返屋企途中,佢停低買嚟食,我喺旁邊係咁話臭,唔知點樣情況下,我試咗少少,之後就鍾意咗食啦!:D

      刪除