時日如飛，其中一位(就是由女兒担任花女的同事呢)剛誕下麟兒，現正放她的一年產假，爽呀！
至於另一位同事於個半月前剛調到新部門工作。她離開這部門時，大家也忙得很，當時只簡單地和她吃了個午餐。雖説簡單，也有十個人參與其中，不過我們其中幾個親密戰友當然覺得不夠喉，反正我們也慣性一起去吃Summerlicious lunch, 倒不如這次改成晚餐，好讓大家能够傾餐飽。
這間餐廳在市中心也有很長日子，很多活躍於這區的人也認識，連大鄉里如海豚兒從前也來過，食物和服務水準也很高，正因如此，海豚兒反而担心這頓飯的質素會否因為prix fixe menu之固而下滑。
意想不到的是，不論是食物和服務同樣也好得很。為食又貪心的海豚兒和其中兩位同事分吃了頭盤和主菜，要説的是雞肝醬多士好味到不得了，極之幼滑又香口，真是一試難忘，至於其他的主菜和甜品也是很好很好吃啊!
雖然晚餐份量很少，但若要在質和量之間作出選擇，唔駛問阿貴都會揀前者吧！;)
晚飯間，其中一位同事提到她的另一半不習慣與任何人分享食物，無論是頭盤、主菜或甜品，她也不喜歡和人分吃，同事説可能因為另一半是獨女(only child)的關系吧，可憐海豚兒的同事自小就習慣了和家人共享食物，現在反過來要習慣另一種模式呢。
一年產假....WAAAAAAAAAAAAA
回覆刪除咁好GE?!
係呀，加拿大福利真係好到不得了，但當然都有唔好嘅地方，例如税太重，同埋福利好會“栽培”咗一班懶人出嚟。;P
刪除Canadian benefits are awesome -- year-long maternity leave!
回覆刪除I was back at work both times in 6 weeks :(
呢邊對家庭福利真係好着重，放產假期間，政府仲有津貼，實數係幾多我唔清楚----->因為唔關我事嘛，但大概都有兩萬多加幣一年架。
刪除6個星期真係太少啦，如果同我呢邊嘅人講，個個都會好震驚，唔知情嘅仲會認為妳係事業心重，唔願留喺屋企照顧new born 添呀。^^"
一年？ 嘩，真係令人羨慕！ 總之我都搬去加拿大啦，哈哈
回覆刪除真係好正架，我有個朋友生咗3胎，就咁就係5、6年內放咗3年產假啦，不過有得亦必有失，嗰幾年就預咗無乜人工加，但能夠陪伴小朋友一年嘅時間，priceless!
刪除我老公都係only child，都係唔鍾意同人share，空間又好，食物又好，佢到依家要同我飲同一杯嘢用同一條飲筒，都會先用紙巾抹過條飲筒先飲架，我似我有傳染病咁，而且佢自由慣，非常唔習慣要對任何人交代任何嘢(如去向)。如果個人好敏感或者自尊心好強，我估好難忍得住個老公咁樣。
回覆刪除我估我係妳講好敏感嗰種人，會覺得如果個老公係咁，好似厭棄我咁。^^"
刪除我覺得妳除咗冷靜理智之外，仲要本身係一個好有自信嘅人，先至可以睇得通又唔介意佢嘅行為。不過倒反轉講，妳或者會頂唔順一個好痴身嘅伴侣。;P
唔駛好有自信架，見得人多識得人多就好容易知道我老公唔係正常人啦！我拍咁多次拖都無人話過我唔夠整潔唔夠隨和之類，係正常人都會知道佢要求唔合理架。
刪除我意思係好似我屬於無咩自信嘅人，如果另一半有乜大件事或重要決定都唔交代，比着我會好多嘢諗，好無安全感。
刪除咁講到重要事，以兩公婆嚟計，來來去去都係可能同錢、育兒、工作或者in-laws之類......如果屬錢同工作嘅，我一啲都唔計較，俾我亦都一定要對自己工作有100%決定權，而佢啲囡都已經係大人又有自己生活算好易攪，in-laws本身易攪唔駛我老公或者我做啲乜都okay，可能對於我最大影響嘅，係佢唔肯搬離開依家住緊嘅鄉下地方啦。
刪除好在我對以上嘅重要嘢都係無咩唔知，不過我好衰，通常都淨係想得個知字，只要佢肯比我知，我多數都支持佢嘅決定。
刪除我都記得妳講過佢依家揸車返工雖然好遠，但好似都無打算搬。睇嚟妳嘅破解大法都只有每次旅行去多D大城市、去長D，玩餐飽。
英國人都唔鍾意同人分來食，一人一份就最好。
回覆刪除嘻嘻，如果係steak and potatoes就比我都唔share啦！:P
刪除我覺得男人in general 都無咁接受到分吃，有D覺得太婆媽，更多係怕自己唔飽，反而女性唔慣分吃，我真係第一次聽呀！
時間過得好快呀, 咁就生左BB, 可以有一件產假真係超幸福呀~~~
回覆刪除我都恨食精緻美味晚餐, 依排減肥中胃口細左, hehe
真係好快呀，舊年5月結婚，今年6月就生咗啦:) 某實有一年產假真係好快樂嘅事，曾經仲有傳聞話想將產假改成兩年，不過唔知會唔會成事呢。
刪除一齊努力吖，我把口話減但都未開始行動，大家都要加把勁去"踼走脂肪"! ;)
係咪妳唔駛返下畫個餐呀?
回覆刪除唔鐘意同人share，佢唔係中國人?因為中國人慣同人分享，去到外國，鬼老覺得怪怪咁
唔係同一日啊，呢篇快樂週五晚餐呢！:)
刪除係呀！同事係白人，佢老婆雖然唔係白人，但都唔係亞洲人，不過我唔識分佢係咩人呀，淨係知英文係佢母語囉，嘻嘻！
海豚兒:
回覆刪除~感覺你都幾喜歡熱熱鬧鬧嘅人, 你間唔中都會主動約舊同事or 朋友聚埋一齊食飯!! 你朋友好叻, 結咗婚, 即刻懷孕, 依啲係她嘅福氣.
~你講得無錯, 獨生係唔太懂得share. 因為屋企得他/她一個, 自幼就無share 嘅觀念. 我以前嘅工作關係, 都見唔少依啲case. 而且, 我隔離嗰個都係獨生兒嗎.
係架，我都鍾意簡中見下朋友架，雖然我唔太鍾意成日掉低老公，自己走咗去玩，但我覺得要維繋友情係要付出，所以都盡量平衡下啦！^^"
刪除佢呢胎已經係第二胎啦，仲要係million dollar family, 睇嚟可以收工添啦！我都祝Vicky妳早日完心願! :)
老實講，我認識嘅獨生兒唔多，較為熟嘅只有一個，而佢可能係少有嘅，無論對家人、朋友都好caring同細心嘅男生。講反轉頭，我覺得妳同Brian應該好夾，妳係家中嘅長女而佢係獨子，大家可以互補長短。
可以和同事一聚很開心~~
回覆刪除加拿大同其他外國地方福利都很好, 如果香港都可以有一年產假, 一定會係德政~~~ 在加拿大係咪爸爸都有好長的侍產假架?
係呀，我哋就算返工都傾到雞啄唔斷，所以一齊食飯就傾得更高興。
刪除呢邊當爸爸的都可以放，但都係喺媽媽一年產假到扣，但如果媽媽本身無做工，爸爸就可以用盡媽媽嘅quota, 放足一年都得架。
果然喺外國做爸爸都好過香港~~ HK爸爸點都冇可能放到一年假, 除非全職湊仔~~~
刪除呢邊嘅政府政策比較着重家庭嘛，近年仲實施多咗減税優惠俾有小孩嘅家庭添。
刪除不過，要當一個全職爸爸都唔易，尤其係喺香港嘅環境，所以我都好佩服我朋友做得到。