一返到温哥華，Mr. Dolphin爸爸媽媽便和我倆去飲茶，吃了超級無比巨大的糯米雞後，我們就只剩下少量胃納吃了其他點心和食物, 海豚兒更要一人鯨吞了兩個流沙包^^"。吃飽飽後，我們四人隨意在商場逛一會便回家休息了。
來到晚上，這家愛蟹之人當然是馬上去吃皇帝蟹咯，合四人之力，我們吃了一隻乳鴿，一蟹三食包括蒜蓉蒸蟹爪，蟹蓋炒飯，頭抽蟹身，和一個清炒豆苗作結。
晚上回家休息時間其實就是"尋寶遊戲"的開始，這晚Mr. Dolphin和海豚兒翻看了Mr. Dolphin一些舊習作，和這本令人呵欠連連的工具書，據Mr. Dolphin的資料提供，文靜派的他，當年想學捉象棋，理應買一本捉棋入門要訣，結果却錯買了這本教人捉殘局的，真係笑C禾啦！XD
好精明的C9, 期待更多的食記同遊記分享!!
回覆刪除咁好彩，我貪便宜申請咗張新卡係送飛行里數--->夠一張來回北美機票，咁啱我今次又係用分換機票就可以享用到呢D福利，都可以話係誤打誤撞呀，嘻嘻！
刪除好叻呀你換到免費機票...我仲努力儲中.......
回覆刪除我今次張用分換嘅機票係全靠舊年飛返香港遇啱航空公司送雙倍分，再加埋之前儲落少少而成事架，其實都真係撞彩成份多。妳都加油呀!!!
刪除很豐富的晚餐, 當然更重要是和一家人相聚~~
回覆刪除你老公本象棋書, 個題目好似講緊捉棋必勝策略, 難怪會被誤導啦~~~
對呀，一家人一齊食飯就最熱鬧，尤其有我呢個多嘴怪，成日吱吱喳喳講唔停。;P
刪除咪就係咁囉，於是當年“好天真好儍”嘅Mr. Dolphin就買錯咗呢本殘局書啦！XD
温哥華簡直是美食天堂呀
回覆刪除温哥華食乜嘢都好方便而且水準都好高，不過我今個trip唔係太好彩，成日中伏呀，遲D會慢慢講。^^"
刪除吓?妳得有得食早餐咋?
回覆刪除Mr. Dolphin食左隻“熟”蕉夠飽架啦...wahaha
原來Mr. Dolphin一家都咁擦得架?
佢都有，不過要俾錢食囉，但據聞佢食得好鬼開心喎，所以佢後來都只係夾硬隊埋隻"熟"蕉咋！XD
刪除Mr. Dolphin一家嘅蟹胃容量係好勁架，唔係好似我咁，成日揸流灘。
一蟹三食 巧正哦^^
回覆刪除係呀，如果有多D人食，可以食隻大D嘅蟹，有多D肉食就更正，我都估唔到第一日就已經食到咁飽啦！
刪除OK, I don't know anything about 象棋. I have to look up what's 殘局.
回覆刪除嘻嘻，其實我都唔識捉棋，只係知殘局嘅意思係捉到後期得番幾隻棋，戰略變化又唔多咁上下意思啦！
刪除我成日笑佢邊駛買書睇架，去公園睇D阿伯捉棋咪學到囉！XD
海豚兒:
回覆刪除~Yeah Yeah, 用到lounge service, 我都感覺, 打開咗一個美麗嘅序
~哈哈~~ 學象棋, 會書研究, 真係好認真. 但買錯咗書,到後來,仲學唔學得識?
都唔錯架，而且嗰日個lounge算少人，都幾舒服。
刪除嘻嘻，無法啦，書名太misleading啦，佢識基本嘢但捉得唔會好叻囉，因為無人陪佢捉，而且嗰個年代又未有得話上網捉棋咁方便。;P
我都無mileage 換過， 頂龍都係換 gift card 咋，唉
回覆刪除温哥華d 美食，我已經又肚餓啦！
換gift card都好吖，豈碼夠實用先，其實有時D分唔多唔少又驚住就嚟會expire嘅話，要諗點用至啱都好鬼頭痕。
刪除近近地，妳嚟住多倫多先吖，我一定會陪妳周圍去揾食架，其實我今次返完温哥華都覺得原來多倫多嘅港式食物質素都幾好喎！
上次我在溫哥華食的酒樓都是一人一茶葉
回覆刪除好眼光呢愚太，咁都留意到!
刪除我同Mr. Dolphin每次都俾嗰隻杯搞到雞手鴨腳，好在我多數都係飲水，好少飲茶，唔駛倒來倒去啫! ;P