2015年9月3日星期四

失守

星期五晚逛唐人超級市場,發現好些品牌的月餅已經有得發售,海豚兒和Mr. Dolphin在為食和好奇心驅使下買了。。。


老實説,海豚兒和Mr. Dolphin對美心冰皮月餅的冰皮稱不上欣賞但却喜歡他其中一些的饀料選擇,今年最出色絕對是迷你版的芝麻花生口味,這款味道像極了雷沙湯圓,可惜同盒的果仁古力味道就很一般般而已。至於奇華的駌鴦奶黄月餅,海豚兒和Mr. Dolphin也比較喜歡奶黃味,不太欣賞古力味。在八八卦卦情況下,我倆更買了美心迷你版的D-24和貓山皇口味,對於不好榴櫣的海豚兒,每款吃一少啖後的感覺只有一個,就是“聞起來像垃圾,吃起來更像垃圾”,而Mr. Dolphin的反應就是很平淡的一句“味道很榴櫣囉!” 其實Mr. Dolphin大可哼句榴槤乜乜乜作為交代啊!XD

來到星期六,我倆又去市中心襯熱鬧,本以為這個名為Front Street Foods的街頭美食節將會於八月尾結束,在網上發現原來已經延期至九月尾呢。



這天吃了勁唔抵食的天婦羅龍蝦尾($12.50),不錯的fried plantains走芝士, 一般般的薯仔餅,和幾貴但又幾好味的tapas($28.50), 共六件多士,最貴應該是厨師的心機+功夫和其中一款的鵝肝醬多士。


同場加影:  賣日式芝士蛋糕賣到街知巷聞的Uncle Tetsu唱卡拉ok娛賓。又原來他的歌喉也很好,當時他正在獻唱I can't help falling in love with you,相信從Uncle Tetsu的動作中,大家也不難估到他正唱到take my hand, take my whole life too...那句歌詞呢!


至於為甚麼把這篇blog文的題目定為“失守”呢?不解釋,請自行欣賞我倆這天共吃過的食物吧!XD


18 則留言:

  1. 唉, 我日日都失守架, 都未點寫月餅, 依個8, 9月好得人驚啊... @@

    回覆刪除
    回覆
    1. 對!妳們一家嘅慶生活動一浪接一浪,失守嘅情況應該更甚,還好這些都是快樂回憶!

      我都可以想像到妳有幾多月餅食^^", 好在甜魔媽媽一家上下都係食力非凡,可以共享。

      刪除
  2. 我唔食月餅,就算公司買啲放喺辦公室俾同事食,我都唔會去攞。

    回覆刪除
    回覆
    1. 月餅咁甜,尤其係傳統款式,都應該唔啱妳食,但我覺得放喺辨公室嘅食物通常清得好快,返工生活無論枯燥定壓力大,大家都鍾意食下嘢過下日晨。

      刪除
  3. 品牌月餅都要小心食,最近呢個品牌發現有很多都發左毛。

    回覆刪除
    回覆
    1. 多謝Samwei提醒。我諗起小時候家裡的傳統月餅發咗毛,我爸真係話抹走D毛就食得,可能我細個都已經食過(汗!)。

      刪除
  4. 原來中秋節啦又,即係秋天就快到啦。
    食得咁開心,間唔中一次失守都ok 既。
    個cheesecake 好好味架? 我未聽過呢d 男人呀

    回覆刪除
    回覆
    1. 嘻嘻,其實如果唔係見到有月餅賣,住喺北美嘅我哋真係未必留意到幾時中秋呢!;P

      真係食得好開心,但最近日日都失守,情況真係好"壞"呀,lol!

      個日式cheesecake好light,唔會食到好漏,而且新鮮焗起好香,真係幾正。

      刪除
  5. Never eaten 冰皮月餅 in my life :( Leave HK when they became popular.

    回覆刪除
    回覆
    1. 我淨係食過美心嘅貨仔,但塊“冰皮”真係好一般,所以唔食都唔算有咩損失。

      我都係,離開香港時都未有咁多呢D特色月餅,不過住喺多倫多算幸福,豈碼可以食到多少少嘅港式口味。:)

      刪除
  6. 海豚兒,
    啲月餅都係細size, 未到中秋應該都食晒
    我覺加拿大啲街頭美食節攪得好成功,好多時都會延期. 我都喜歡去. 因為啲嘢食真係特式啲

    回覆刪除
    回覆
    1. 其實都係,除咗奶黄月,D冰皮月餅都差不多清哂,而且我都叫Mr. Dolphin快D食哂榴櫣味先,免得萬一咁唔好彩屋企停電,咁個雪櫃就大鑊啦!XDXD

      係呀,尤其係多倫多夏天時間唔長,我更加珍惜可以行"街"同掃街嘅節目,所以琴晚都快快手去埋夜市啦!

      刪除
  7. 一年一次, 食吓月餅應節, 個人覺得幾開心架, 而且依家啲月餅有好多唔同口味, 當甜品都得~~~

    回覆刪除
    回覆
    1. 嘻嘻!妳完全講中我嘅心思啊!我真係將呢D月餅當甜品食,有時甚至當正餐添呀!

      刪除
  8. WAAAA.....辛苦搵黎至在食MA, 肥人座右銘黎架....哈哈!!!
    我暫時未有月餅食住...等我忍多1個星期先~

    回覆刪除
    回覆
    1. 我都好認同呢句架,只係明知自己就嚟放假會暴食,所以"想"喺放假前食得清淡D。

      呢邊嘅選擇無香港咁多,好多時見到啱心水就即要買,因為再返轉頭就無架啦!

      刪除
  9. 才知道原來美心也在加拿大有售?

    回覆刪除
    回覆
    1. 仲有聖安娜,榮華,恆香,奇華,Starbucks,同埋好多大陸和台灣嘅牌子都有添架,所以住喺加拿大其實真係幾幸福呢!

      刪除