2015年9月28日星期一

登高 ~ 溫哥華的第五日

這天一早,我們四人便出發去温哥華的滑雪聖地威士拿啦!夏天去威士拿當然無雪滑啦,但都見到好多專誠來玩mountain biking的單車發燒友。


其實今次能夠前來威士拿到此一“游”,真的要感激Mr. Dolphin不辭勞苦開兩個鐘頭車,在上山公路上左兜右轉的車我們上來,純因為海豚兒很多年也未曾再來過,所以完了海豚兒這個心願。

一來到這條滑雪村,海豚兒就馬上精靈起來了!



原因嘛,實在是再簡單不過,就是單純地為了吃啊!這天的早午餐,海豚兒挑了一間專吃法式薄餅的餐廳,雖然餐廳細細,但味道真的很不錯哦。


如果來這兒玩,海豚兒也會推介大家一試啊!


吃飽飽後,我們便四處逛逛和拍拍照。


不好酒的我們亦沒有花費進入用冰做的酒吧(ice bar)幫襯,只在門外隨意照幾張相來交功課。


逛了約三小時便開車回温哥華。Mr. Dolphin跟海豚兒説,怎麽我們共開了四小時車來回,也不逗留長些時間呢?難道海豚兒上來只是為了吃嗎?。。。哎呀!被識穿了啦!^^" 為吃當然是首要啦,但同時也無謂要老人家陪我倆四圍騰貢辛苦嘛!

回到温哥華計埋塞車又到晩飯時間啦!這晚我們幫襯了一間吃南洋菜的餐廳,差不多每次回温哥華也會在這兒吃頓飯,這餐廳可算是Mr. Dolphin和海豚兒的心水啦。其實海豚兒對這餐廳還有一個情意結,就是許多年前温哥華的靚女好友們就是在這餐廳替海豚兒慶祝生日,那時候的海豚兒是個窮學生,很少有機會試一些有特色的餐廳,所以特别有印象她們和海豚兒在這餐廳慶生啦!

一輪廢話後都係講番正題,這兒水準就是一貫的好咯,唯一奇怪的地方就是這家愛蟹之人這晚沒有食咖哩蟹,哈哈!還有就是大頭蝦的海豚兒在開餐之初忘了影相,所以薄餅是吃了一半才補影。這晚除了一般般的雪糕配荔枝甜品,其他食物也好好味呀,特别是雞羊串燒,南乳雞翼,馬拉盞通菜和薄餅,好吃!:)

16 則留言:

  1. 夏天冇雪滑, 玩3個鐘差不多啦, 旅行就係食食食嘛! :p

    回覆刪除
    回覆
    1. 如果得我哋兩個,或者會留耐D同食多D,但同埋家人一齊,又唔想佢哋太辛苦囉!

      刪除
  2. 開四個鐘車去搵食在加拿大可能是平常事,因為你地的食物水準真係好勁,在英國的我就唔會喇。

    回覆刪除
    回覆
    1. 其實温哥華地方細,正常情況都同妳一樣,我哋都唔會專登開長途車去食嘢。

      不過Whistler算係温哥華嘅名勝,所以都想再上去行下。;P

      刪除
  3. 開車四個鐘去食我都會,一年一兩次去食比較似樣嘅廣東菜。

    回覆刪除
    回覆
    1. 以住喺温哥華嚟講,開車去Whistler已經算係遠啦,而且公路建喺山上,一路彎彎曲曲,揸車都要加倍小心。

      要開4小時車去食較好嘅廣東菜,難怪妳去到NYC一有機會就去食啦,好在到11月返老家,妳又可以食個夠啦!

      刪除
  4. 妳識唔識滑雪架?
    Mr. Dolphin又講得岩喎,車揸車來回都四粒鐘,應該去過埋夜才抵玩ma :p

    回覆刪除
    回覆
    1. 我滑雪技術仲差過單車,咁算唔算識呀。XD

      其實我知Mr. Dolphin父母都係為咗陪我哋去,如果再要喺嗰度住一晚,佢哋都會好悶呢。當然如果只係得我哋兩個,我都會四圍再行下同食下嘢至走嘅。

      刪除
  5. I usually get motion sickness from going up and down hills.

    Just being nosy... Why are Mr. Dolphin's parents in Vancouver instead of HK or Toronto? Still working?

    回覆刪除
    回覆
    1. Mr. Dolphin一家都有呢個毛病,尤其以Mr. Dolphin最為嚴重,所以佢多數都會選擇揸車就唔會見暈。^^"

      佢父母都退哂休啦,温哥華係佢哋當年移民落腳地,如果依家要搬嚟多倫多近住我哋,冬天太冷唔識合佢哋之餘,年紀大咗要佢哋再適應多倫多生活,如下下要揸車上hwy都唔易,而亦都因為年紀大咗,留喺加拿大生活有醫療保障,所以就算Mr. Dolphin家姐本身喺香港生活,兩老都係約一年返香港一次到去探下個女。

      又,Mr. Dolphin家姐回流香港嘅日子遠比在温哥華生活時間長,所以佢都唔會考慮搬返嚟加拿大生活,至於我哋,除非Mr. Dolphin轉行啦,如果唔係,搬返温哥華嘅機會都係好微。^^"

      刪除
  6. 揸車咁來回4 hrs 真係幾辛苦wor, 我諗我寧願唔去,哈哈。 咁你冬天會唔會走轉去滑雪呢?

    回覆刪除
    回覆
    1. 因為Whistler話哂都係2010年冬澳場地而且滑雪又咁出名,我又n年無去過,所以咪想再去下囉。

      其實我想架,不過應該唔會專登山長水遠去温哥華滑雪啦,或者睇下今年冬天會唔會喺呢邊去下啦。:)

      刪除
  7. 又是很有食神的一日~ 為了美食, 揸車耐一點也在所難免, 始終外國地方大好多~~

    回覆刪除
    回覆
    1. 呢日肚皮真係相當滿足,如果喺法式薄餅店可以有人陪我食埋古古力火鍋,就更加完美啦!

      同多倫多比,溫哥華市內地方已經算集中同方便,所以好多華人都特別鍾意喺呢邊生活架! ;)

      刪除
  8. 食先係海豚兒主要目的嘛, 我都知呀, 哈哈!!

    回覆刪除
    回覆
    1. 嘻嘻,為食係我標記,太易被人識穿啦!:D

      其實真係有D唔好意思要咁多人專登陪我去食個晏仔就走,不過間餐廳嘅crepes又真係幾好味就真嘅!

      刪除