巨人和朋友仔一早來接我倆去指定茶餐廳吃早餐，真的不能相信上午九時多店外已經有這麼多食客在等位呢！題外話，由於店內沒有太多空檔地方，等位期間Mr. Dolphin和巨人就留守在店外，只有海豚兒和朋友仔在店內等叫名，輪到我們時，海豚兒便走出店外輕聲跟他們説“有位啦！”這輕輕的一句竟然弄至所有在等位中的食客抬高頭看，然後流露出一副羨慕目光，哈哈！
硏究完"煩複"的餐牌和搞笑的廣告一輪後，我們四人好不容易才挑了自己喜歡的食物。
一場來到，海豚兒當然不會錯過這兒的名物菠蘿油啦，不過就沒有把牛油打孖上啦，因為菠蘿油是和Mr. Dolphin分吃，而他是不吃牛油的，換句話説，海豚兒吃半個包已經是把牛油打孖來吃，再加多一塊牛油的話，就真的太過份嘛。還有這兒的奶茶及沙嗲牛都好得架，看我們四人也點了沙嗲牛做胆就知啦，哈哈！充滿創意的巨人還把煎蛋及火煺夾在牛油餐包內來吃，來一份港式煙肉蛋漢堡(egg mcmuffin)是也。
吃過早餐，我們四人決定到新開的outlets逛下，雖然明知這兒暫時未有合心水的貨品，但襯天氣好往外走走也着實不錯啊。在店舖內，海豚兒更發現簡體字的指示牌。。。
其間，我們更把温哥華特色也拍下來，就是這些低飛中的飛機啦。由於這個outlets距離温哥華位於列治文市的國際機場很近，只要夠眼明手快，很容易便能捕捉到這些飛機肚腩照片啦！
逛完outlets，我們便轉戰港式商場，其實我們是零購物意慾，行商場重點只為了傾計和幫助消化，順便到超級市場買點手信帶返多倫多。好不容易逛到食物"落格"，我們便去了一間從前在温哥華生活時，海豚兒很喜歡幫襯的平價壽司店。這店子從前是純日本人經營，味道一流之餘價錢也很親民，只可惜今次再去發現店內有好些員工也變成説國語的了，原本的三位日本人壽司師父，如今也只剩下一人。唉！水準不似預期，好失望啊！
接着，巨人和朋友仔便車海豚兒和Mr. Dolphin買美味的蜜糖及蜂巢來吃咯！告訴你，海豚兒和Mr. Dolphin很喜歡吃honeycomb架！在車上，Mr. Dolphin無啦啦嗡咗句"食人D嘢都唔夠，仲要連人間屋都食埋。"起初海豚兒也不以為然，以為他突然一本正經談甚麼甚麼地產霸權的話題，後來才知道Mr. Dolphin所指的屋原來是honeycomb啦！真係估你唔到囉囉囉！XD
這篇也真的太長啦，唯有把這天餘下的行程在下一篇繼續分享吧！
I have too many comments, here's the list:
回覆刪除* Mr. Dolphin 不吃牛油 <-- how is that possible?!
* 在店舖內，海豚兒更發現簡體字的指示牌 <--- dislike
* it sucks that you wasted the limited food quota on the sushi
* I have never tasted honeycomb before. Is it chewy?
* My husband loves loves loves Vancouver from our trip almost 10 years ago, but it's so expensive to live there plus my job is geographically very limited.
嘻嘻，食材入面本身有牛油嘅，佢咪會食囉，成塊牛油佢就一定唔肯食架啦。;P
刪除除咗outlets,其實喺機場一落機就有簡體字出現添啦,唉! ^^"
好在sushi又未至於難食，只係無以前咁正囉，但都好彩我哋無叫咗好多就真。
Honeycomb本身唔算chewy,但面頭嘅beeswax(edible)就好chewy,我食到最後成日都吐出來架！
唔緊要吖，可以等到退休先搬去住，其實以做工嚟講，我prefer多倫多，温哥華地方係好集中但周圍都人多車多，所以放假去玩開心過喺嗰度做工。不過我哋情況同妳都有D似，Mr. Dolphin嘅工作性質都好難搬返温哥華，而且，依家同in laws唔係成日見，始終自由D。係喎，妳老公係咪鍾意港式飲食定係鍾意室外活動，所以咁鍾意温哥華呢？
好搞笑, 食左人地間屋原來係咁解! :p
回覆刪除睇完依篇, 聽日happy friday都要去茶記嘆份大早餐先得~~~
係呀，Mr. Dolphin成日都有D咁“獨到”嘅見解! XD
刪除生活喺香港真係好方便呀，隨時都可以嘆茶記，我最快都要等下個週末先有得再食茶記呢！;)
食左咁多？ 我都會喎， 因為食物真的很港式！個港式商場有咩行？
回覆刪除哈哈，早餐食得最多反而午餐因為“覺得”間店唔同咗，所以都叫少咗嘢食。
刪除港式商場除咗有港式衫褲鞋襪，仲有港式嘅樂器學校，毛冷鋪，眼鏡舖，麵包店，燒焟舖，中超，零食店，華人診所藥房等，都好全面架，其實同多倫多嘅港式商埸都差不多。:)
海豚兒:
回覆刪除~依啲茶餐, 食一個餐, 可以飽足一日. 又知道食咗, 會唔健康, 但間中會掛念, 這茶餐. 好想好想食.
~我都怕咗麗都, 他排隊太利害啦!! 所以, 我而家食波蘿油, 轉移咗地方. 去咗Parker place 間"皇都"食. 皇都----真係有所形容嘅港式egg mcmuffin.
~個日見你, 唔記得問你, 有無去outlet 行. 原來, 你去咗行, 而家, 開咗個outlet, 我無咩野買,都會行下!!! 因為我鐘意outlet 嘅裝修,似歐洲咁
~係喎, 有真係食咗人屋企, 你哋咁鐘意honeycomb, 其實, 溫哥華都有honeycomb 軟雪糕食. 你哋今次有無食到?
Vicky and 海豚兒，據聞皇都是丽都D人走出嚟開呀，D菠蘿包係從丽都取貨。不過我無去過皇都，而丽都好耐冇去啦。不過見到你D相，又令我想去番啦。
刪除Vicky~~~份港式早餐真係值得我將所有quota都豪出嚟，同埋我都覺得如果我喺温哥華生活，我都未必會有耐性去排隊食早餐。^^"
刪除原來有間叫皇都嘅喺parker,我真係無留意到添，不過嗰度D舖頭都變咗好多，同以前唔同咗啦！
我都覺得個outlets好靚，同佢喺歐洲嘅outlets一樣設計得咁靚，我都期待佢第時開更多更正嘅鋪頭再去行過。
我無食過呢! >_< 我朋友仔知我想買honeycomb後，都有同我提過，但可惜我哋最後都無機會去囉。
Ta Ta Source~~~聽妳講完，我真係好想去試埋皇都呢，或者我蚆下次嘅blog友聚可以約喺皇都喎，嘻嘻！
刪除麗都個菠蘿油同埋杯美味奶茶。。。真係諗起我都好想好想食啊!!!妳得閒都去下吖，不過最緊要揀D無咁多人等嘅時候呢！ :)
海豚兒, Ha Ha, I just went on last Sun, wait around 25 min, still worth to go. And good to have blogger gathering there. : ) Waiting for your post about the blogger gathering in Van
刪除我哋嗰日都等咗咁上下時間呀，但一啖咬落個蘿油... 噢，我意思係菠蘿油嗰刻，真係覺得值回票價，嘻嘻!
刪除我會努力寫架啦，下次返嚟我哋arrange blog友聚吖!
嘩嘩嘩嘩嘩，d 港式早餐，駛唔駛咁正呀！！！！！
回覆刪除我好耐好耐無食過波蘿油啦，見到都打哂鼓呀！
咦，d sushi 師傳變哂chinese, 真係勁掃興呀。
Honeycomb 真係 honeycomb? 我未食過呀！
真架，如果妳嚟多倫多玩，我一定會同妳去食菠蘿油啫！:)
刪除係呀，由日藉師傳變成國語師傳，真係成個感覺都唔同哂，唉！
係真嘅honeycomb嚟架，甜甜地，真係幾好味架！
架飛機飛得好低呀，好似以前啟德咁
回覆刪除港式商場有咩行呀?
聽得妳多有時真係做唔到Mr. Dolphin....wahaha
我都係諗起啟德呀，以前住温哥華時，身邊有好些男性朋友都會“懶係浪漫”帶女朋友去睇飛機升降作為節目架，但D女仔通常都會嫌悶同多蚊囉！XD
刪除港式商場就好似上面寫嘅咁，其實諗真有D似將香港一條包羅萬有嘅街搬哂上個商場咁。;P
我成日覺得Mr. Dolphin嘅風趣係帶D抵死架，不過唔欣賞嘅就可能嫌佢多嚕囌囉，哈哈！
哈哈...果然係連間屋都食埋呀...哈哈!!
回覆刪除我都load左一陣...
係啦，喺架車到無啦啦咁嗡呢句出嚟，初時真係無人明佢講乜，都係諗咗陣先至明咋。^^" 雖然無聊，但又幾好笑。
刪除我都好想食菠蘿油呀, 雖然喺香港, 但係好耐好耐冇食過啦~~
回覆刪除我以前喺香港住時喺未食過菠蘿油架，嗰時最鍾意食鮮油餐包/多士，近年先開始食菠蘿油，點知一試就愛上啦！
刪除