其實自從在幾日前得知大阪關西機場因颱風影響而關閉，海豚兒和Mr. Dolphin每天也到大阪關西機場網站及加航(Air Canada)網站查看關於我倆原定從大阪關西機場離境航班的最新情況，這天早上竟然發現了加航更新了資料，就是我倆從關西機場離開的航班已加入在可免費更改回程航班之列啦。
不曉得當時腦袋怎麼不會轉彎，一心想著在酒店房打電話不方便，竟然選擇馬上check out然後去便利店門外用公眾電話，失策呀！。。。
長話短說，因為同個公眾電話語言不通(佢起勢講日文)^^”，打電話的地區字頭搞不懂，電話號碼又好似打極都唔啱同唔通，喺便利店搞咗好耐，仲勞煩埋溫哥華嘅朋友仔及巨人幫手，才能確定在日本該打的電話號碼及其辦公時間，本來我倆也想簡單點買張電話卡來用，但在當地遊客只能買到不包括打電話的數據卡呀！我倆終於成功用公眾電話打通去加航在日本的辦公室，並將回程機票由大阪關西機場改為東京成田機場。當日是九月八日，我倆回程是在一星期後的九月十五日，沒有水晶球在手，不曉得一星期後大阪關西機場狀況，我倆當下選擇亦只有兩個，一係等，一係改，而改機票的話，由成田機場出發是當時唯一選擇，雖然明知我倆之後要咬下牙買兩張由京都前往東京單程新幹線車票(green car約19000円/人)，但我倆也選擇了後者，就當買個安心啦！
然後我倆便出發去築地，老實說，改機票搞了一大輪，去到築地已經差不多正午，又熱又多人，我倆已毫無意慾吃東西。
草草行了核心內外圍一圈便往東京站去，隨便找間餐廳醫肚，Mr. Dolphin食了份味道正常但沒有米骨的西班牙海鮮飯，海豚兒只吃了一份沙律解熱。
貼心的主子之後再陪海豚兒去另一間百貨公司地庫(好像是三越，忘了)買海豚兒超恨吃的Pierre Herme甜品在回程時食。不得不提我倆在Pierre Herme櫃枱遇上一位超友善的男店員，介紹了榛子口味的拿破崙千層酥給我倆，果然比正常的拿破崙千層酥更更更好味，他更慷慨地送了海豚兒一顆馬卡龍餅，這可是海豚兒從未遇過的待遇啦！
臨走前見到Angelina推出了和栗味mont blanc，海豚兒又買一個試下。
上到新幹線，海豚兒極速幹掉非常好吃Ispahan和十分好吃的millefeuille，餘下的mont blanc就留待宵夜時享用。
在車上經過溫泉區，估計那些煙暮是從溫泉升上來的。
去到京都回房間安放好行李已經接近晚上七點，馬上去舊年一試難忘、抵食又好食的迴轉壽司開餐。
食飽飽再四圍影下相。
然後就返酒店嘆和栗口味的mont blanc，可惜蛋糕內是海豚兒不太欣賞的忌廉芝士，唉！早知就買多件Pierre Herme甜品好過啦，笨咗添！
Pierre Herme, 我知其人, 亦睇過佢出啲書, 不過我無食過 XXD
回覆刪除阿毛果然係文化界！哈哈，我剛相反，只認得Pierre Herme嘅甜品，對佢本人反而係零認識。；P
刪除原來當時留在酒店，職員應該會幫忙打電話呢。
回覆刪除我地初時諗住喺酒店大堂未必有得借電話打，所以咪自以為好醒去揾pay phone囉，但又諗唔到手上有嘅幾個Air Canada不同電話號碼，有個只能在北美使用(放棄)、有個長期唔通(最終打通)、另一個又不存在(只聽到一大堆日文，後來便利店職員幫我地確認電話號碼係錯嘅)，所以搞咗好耐。
刪除咁既情況，當然改東京走穩陣好呀！
回覆刪除雖然打電話度有D驚險，好在最後都順利解決，最後仲食到好味PH甜品～
講起上黎，我好似每次去日本都會出事...
都唔知幾時可以重溫PH甜品（香港得朱古力同Macarons咋）> <
本來去名古屋會近啲但我地離開當日無機出發返加拿大，其實結果喺東京飛仲好，因為經名古屋返加拿大係之前飛黎嘅同一型號飛機，即係我都淆底驚自己又會暈浪嘛，但經東京返加拿大就係坐新型號飛機，C服好多架！
刪除Pierre Herme甜品真係超正，如果沖繩有都唔好錯過呀！今次會順利嘅，一定順利，放心，但都要買定旅行保險!
一試難忘、抵食又好食的迴轉壽司...肥人好似都食過呀..HAHAHA
回覆刪除改左機票真係安心好多架, 安心繼續玩左先嘛~
呢間迴轉壽司喺京都站內地面層向驚安方向，如果妳都係喺站裡面食，咁應該係同一間啦，呢間真係好鬼抵食，全店劃一得兩個價錢(146円、346円)，質素又唔差!
刪除完全同意，如果唔即時改機票，之後心大心細想再改仲會驚無位添呀！
見你咁推介, 睇下肥人下星期有無機會去潮聖下啦, hahaa
刪除坦白講，佢嘅價錢係會令我重量多過重品質XD,但其實同多倫多水準比，已經超哂班。
刪除妳下星期去京都？聽到都覺興奮，到時玩得開心啲呀！
Hello海豚兒，好耐冇見啊，miss u ^^
回覆刪除麻麻地早餐個早餐盤好有feel...我記得去旅行食早餐buffet 都見過，有d 有9格架，可以將d 食物擺到好齊整呢 ^^
真係好耐無見呀，好掛住妳同3K呀，我有諗過喺Facebook加妳，但驚妳唔知我係阿水，所以無咁做呀!^^"
刪除係呀，我都知妳講乜，我地後來去食咗餐自助晚餐就係用妳講嘅9格盤，某人仲無視啲格仔，夾起一大堆意粉放滿半隻碟，哈哈！
言語不通真惡攪，好彩也解決了問題，沒有米骨的西班牙飯我也不愛吃呢！
回覆刪除係呀，最橙係一打完個電話就起勢講日文(錄音)，我地根本唔知係打通、打錯定打啱，好在儍人有儍福，本已萬念俱灰得到一些鼓勵後再試就成功咗，又因為太耐無用過入錢嘅公眾電話(至少十年)，打通電話後我仲勁慌張好驚個電話會斷線，煩到主子C下C下。XD
刪除係啦，無米骨食起來真係差好遠。