以價錢計，約500円一份餐，真心抵食呀而且仲幾好味添！
食飽就去買張全日車票，又原來憑全日車票購買名古屋城門票會有100円電視框(discount)架！
是日落勁勁勁大雨，去觀光景點也變得不便，只能以走馬看花式即現代人指的打卡方式來"游"覧。。。
當中包括電視塔⋯⋯
還有名古屋城又稱金城。
然後就回到名古屋車站逛下，因為貪室內好避雨，到預定時間就去出發前已預約好的餐廳報到啦！餐廳就在Across Cube Nagoya商廈內。
是日吃的是好好好好味的飛驒牛，有機會的話，絕對值得一試，甜品除外啦下！
食完午餐就再下一城去Midland Square ，整個飯後甜品，先去久遺了的Pierre Macolini嘆杯美味熱古力。
然後再去Mon Cher食甜品，可惜心儀甜品的最後一件被另一位大叔捷足先登，唯有退而求其次揀件Mr. Dolphin 喜歡的榛子味古力蛋糕啦，果然得到主子垂青，而海豚兒就默默耕耘心愛的堂島卷及苦到阿媽都唔認得的黑啡啦。
食到好飽啦，跟住就搭車去大須行下街，印象中是零收穫。。。無計啦，兩夫婦都係cheap 底，係無乜野買架啦！XD
回到名古屋站，海豚兒和Mr. Dolphin 就分道揚鑣，一個繼續行街，另一個就回酒店小休，兩小時後再會合去預訂Day 4 和 Day 5 的新幹線車票及吃晚飯。
是日晚餐隨意選了美登利來吃，味道一般啦，舊飯暖而且太大舊啦，應該唔會有下次。
這晚最有驚喜的是便利店甜品～蕃薯撻味雪糕，超級好吃! 連盡量少吃甜品宵夜的Mr. Dolphin 也萬二分欣賞！
下大雨真的好掃興，好彩有好好好好味的飛驒牛補數！
回覆刪除係呀，嗰朝真係有啲狼狽，我連波鞋都濕哂。不過可以食到飛驒牛又真係開心返哂，呢餐係成個行程印象最深刻嘅頭兩位!
刪除證明你地真係貴人 ^^
回覆刪除但我想有人同我遮風擋雨多過招風雨多啲!
刪除都無計啦，出發前睇天氣預報都知嗰幾日會落大雨，只係無諗到會轉化成另一個颱風啫。
明明我無食飯後甜品的習慣，但去旅行就會食得落，而且晚晚好期待呢。
回覆刪除原來妳平時食完晚飯無食甜食嘅習慣架？我唔多唔少都會啪粒古古力，去旅行就更加放肆，因為可以食啲特別啲嘅野。
刪除美登利係東京出名平又好食...雖然肥人未食過~~~~
回覆刪除落雨真係好好好好煩呢.....
之前喺東京我地都食過美登利，覺得都幾好味架但就嫌佢要排長龍，後來發現另一間都好食嘅就轉咗會啦。
刪除落雨真係好唔方便，好在睇天氣預報已知會係咁，都叫做著/帶定落雨衫/遮出門。
好鍾意妳個早餐同午餐，正！！！
回覆刪除Mon Cher度，竟然俾大叔捷足先登甜品，日本係咪寧舍多甜魔？
我平時都較少食吉列豬架，但食完呢餐，餘下行程都心思思好想再食，真係好正！至於飛驒牛更加之正啦，同埋餐廳抽風系統好好，食完唔會一陣味，係連頭髮都一啲味都無呀。
刪除係囉，我初時都以為係同枱嘅女伴食，點知原來真係大叔食架，我都估唔到呀。^^”
你去旅行又天陰落雨喇！
回覆刪除嗰牌牛個樣真係好靚仔！
係呀，出發前睇天氣預測都知名古屋同京都會勁落雨，所以除咗遮，我都帶多對鞋同專登買件連帽風褸擋雨，好在都做定啲功夫咋，只係無諗到連場大雨會變成颱風啫。
刪除飛驒牛真係幾正，有機會再去我都想再食多次。