2018年10月11日星期四

2018日本“游” Day 6 ~ 太宰府。天神 隨意行

這天上午參觀景點為太宰府,海豚兒和Mr. Dolphin行去博多站旁的博多巴士大樓乖乖買車票排隊上巴士。 




到達太宰府巴士站先影下剛才坐的巴士車身,然後沿路一面影相、一面行手信街。






經過洗手間門口看到下面用簡體字寫的告示。。。唉,羞家呀!




繼續一路行一路影,在太宰府門前到此一“影”。




又,有發現兩幅相的牛牛角都被摸到立立令嗎?XD 其中有遊客那張相,大家請當睇佢唔到啦,海豚兒已經等咗好耐但都等唔到無人嘅時候影呀。^^”



臨走前買了個梅枝餅來吃。這個梅枝餅入口時還微暖,特別好吃啊!



花了約一小時走馬看花式欣賞是日景點後,我倆就乘火車去天神站。



去到天神後先按主子心意去食粉粉午餐,可惜主子嫌粉粉份量太少,但唔緊要,因為海豚兒的粉粉太重蒜香味,海豚兒不能吃太多蒜頭否則會吐,所以就非常配合地食哂主子不愛的海膽,留返啲粉粉比主子啦,而驚喜位是海膽味道比昨天好呀。



食飽飽就去行下天神地下街。



見到百貨公司內有Fortnum and Mason就滿心歡喜地去食個久違了的英式鬆餅,可惜係一啲都唔好食,而且因為兩位侍應不會英語,完全不想招呼我倆。



好吧,既然係咁,我地就快快將這些不愉快經歷溝淡佢,點溝?咪去食少少迴轉壽司來緩和下情緒囉,哈哈!



食完,真係好飽,飽到晚飯都唔洗食。




之不過,臨返酒店前都要去嘆下甜品嘅,雖然甜品味道普通,但充滿桃香味的茶就好好喝啦!



最後,回酒店前當然要買點飯後果啦!




後記:多得blog友Samwei介紹,喺太宰府手信街買咗好味嘅明太子魷魚絲試下,話說某人食嘅時候,嘴角沾上幾粒明太子,海豚兒好心提示,某人話呢啲係嘴角含春喎。XD

12 則留言:

  1. 太宰府真係到此一遊。我鍾意嵐山那邊的風景。

    回覆刪除
    回覆
    1. 一場去到福岡唔去太宰府好似有啲那個,但事實上又真係無一個非去不可嘅原因。^^”

      妳指京都嗰個嵐山?

      刪除
  2. 幾怕牛牛隔離個位係你 XXD

    回覆刪除
    回覆
    1. 哈哈,咁抬舉我!我邊有貢好姿勢吖!;P

      刪除
  3. 好想食個件梅枝餅呀!!!!
    多年前遊大阪,得幾度食過一件暖的,個種幸福感記掛至今~

    回覆刪除
    回覆
    1. 係呀,冬天喺街頭食熱(暖)嘅甜品,嗰種滋味真係特別難忘,所以我對香港街邊夾餅克戟同蕃薯都特別深印象。

      刪除
  4. 回覆
    1. 講得啱,喺某人要求食粉粉時,我心裡頭已經牢騷緊(因為唔多想食西式),所以我最終唔洗食粉粉實在係皆大歡喜呀!

      刪除
  5. 去到日本食西式(日式西式)的話,我會覺得浪費的!

    回覆刪除
    回覆
    1. 查實我當時都唔多想食日式西餐架但心諗黎咗都幾日至第二次食粉粉,佢都就我食咗咁多餐日式嘅食物,算啦!

      刪除
  6. 某人咁唔識貨呀, 海膽喎, 你呢碟睇到肥人流晒口水啦~

    最尾果part...某人真係....好幽默呀, 哈哈!

    回覆刪除
    回覆
    1. 佢唔識貨仲益咗我,不過我清理海膽時就要食得小心啲,廢事俾人嫌棄我污染咗佢啲粉粉啦!

      其實某人仲有好多瘋狂野架,好似食甜品幫我倒茶出黎飲時,又攞步步驚心啲劇情(奉茶宮女)黎玩。^^”

      刪除