且遠啦，是日早上搭JR去宇治。
一出站就描準中村藤吉總店去吃甜品早餐。
幸運地當時時間尚早不用等位，海豚兒和Mr. Dolphin一口氣點了三款甜品，好讓海豚兒一嚐這店的限定和限量甜品。結果嘛，我倆三款甜品也好喜歡同時亦各有心頭好，所以完全不用爭食，正！
吃飽飽就向平等院出發，中途影下相又停低睇下手信店，但就堅持等回程才買，免得拎餐C！
不過要數「你估我唔到」糸列之最。。。竟然係身處宇治嘅海豚兒要求入Starbucks ！原因嘛，之唔係人有三急囉！襯Mr. Dolphin 排隊買飲品之際，海豚兒就趕快去小解啦，無法啦，之前喺中村藤吉食咗太多茶啫喱，食到一肚水嘛，嘻嘻！
跟住好快就去到平等院，怒影一餐再對比下個銀仔上嘅平等院就離開啦！
回程時懶聰明嘅海豚兒去中村藤吉買手信，但後來才發現總店賣的東西其實跟京都車站內的店賣的沒甚麼分別啦。^^"
去完宇治就返京都，先把手信放返酒店再去附近Aeon Mall白撞，然後就去吃晚餐啦。海豚兒心血來潮想吃牛，便提議和Mr. Dolphin走兩場，各自也可吃到自己的心儀食物，成為晚餐上下集啦。
晚餐上集就是Mr. Dolphin先陪海豚兒吃近江牛牛。
有趣的餐牌。
牛牛有牛香、味道不錯，份量少少地啱哂海豚兒自私食。唯一不好是頭盤的火腿是店方指明必定要的收費項目。
晚餐下集就輪到海豚兒陪Mr. Dolphin去翻兜位於伊勢丹十樓京都拉麵小路嘅啱口味拉麵啦！
食飽飽海豚兒就去買件紫薯甜品作宵夜，外賣盒十分精緻，可惜這件紫薯味mont blanc又是用忌廉芝士做餡，海豚兒真的不太懂欣賞這個嘛！
這晚要早點休息，為的是迎接下一天的豐富行程呀!
呢度有個節目, 兩個比利時人去左食類似嘅和果子, 居然話難食 🤬
回覆刪除哈哈，可能係太甜而且佢地食唔慣和果子嘅質地，但都未至於難食卦。^^”
刪除一晚可以食兩次晚餐，是福氣，哈哈！
回覆刪除我覺得係主子有福氣，難得個老婆唔自私食，自己有得嘆之餘都顧及到佢個“澱粉質愛好者”嘅胃。;P
刪除多口好奇一問，互相陪對方食飯，係咪真係坐係度睇佢食？日本的餐廳對呢方面有無問題？我同肥鬼都好唔同嘅野，但無諗過可以咁解決呀！ (怕人地唔鐘意坐兩個位叫但咁少野食。)
回覆刪除我明妳意思呀，我地又未至於齋坐嘅:)。好似呢日咁，第一餐主子都叫咗個牛肉薯仔餅食(頭盤)，第二餐我地都叫咗兩碗麵，而且呢啲情況，我地多數會襯餐廳未忙時去食，亦會快快食完就埋單，免得阻住人做生意。
刪除去宇治係咪真係主要為綠茶呀？
回覆刪除嗰餐牛嘅晚飯.... 如果係你一個人食哂.... 係好多呀！
我係(吃比觀光重要太多)，Mr. Dolphin家人唔係(喜愛觀光、不嗜甜品)，哈哈！
刪除牛牛晚飯其實唔多架，頭盤：火煺(Mr. Dolphin食一兩塊，其餘我包底)、牛肉薯仔餅(我食咗一啖，其餘Mr. Dolphin清哂)、4舊生牛肉卷好似靑瓜卷嘅size咁細(我搞掂)...至於牛扒睇落好似好多但只有100gram咋，Mr. Dolphin仲試咗一塊，呢餐啲食物好的式，所以之後去食麵，我地仲可以叫兩碗，咁當然我只係食咗幾啖就過咗俾主子搞掂啦。
依日的早餐好正
回覆刪除我當然投妳的口味選擇，近江牛好味呀～～～
可惜宵夜甜品麻麻地，破壞了完美的食程紀錄
早餐真係超正，小聲說，正過喺香港食好多添呀，完全唔係嗰回事。
刪除諗唔到近江牛牛原來都幾好味，雖然不及神戶或飛驒牛，但都比北美牛牛正好多呀！
係啦，結果我食哂紫薯同撻底，剩低哂啲cream cheese。；P
兩場晚餐各取所好安排得好啊~
回覆刪除好在我地鍾意早食飯而Mr. Dolphin又肯陪我癲咋，如果係同家人去，我地無可能咁樣分兩次食晚飯。^^”
刪除肥人唔愛抹茶...所以無食呢間呢~
回覆刪除印象中妳都算係觀光人，唔食抹茶/焙茶甜品，就可以花多啲時間遊山玩水啦，珍貴嘅甜品配額又可以留黎備用，嘻嘻！
刪除對呀, 今次去京都肥人都受盡自己既苦頭啦..等我執好相再慢慢講~
刪除唉吔，無事嘛？係咪趕行程又要揾路轉車遇到不便呢？我會等睇妳嘅遊記，等妳盡情慢慢講。：)
刪除又，我覺得寫遊記唔難，最花時間係㨂相、上載同排位。
哈哈, 綠茶啫喱永遠是我的最愛! 我唔介意晚餐分上下集、分多幾集都仲得, 可以試多D野食.
回覆刪除有冇試中村藤吉嘅厥餅呀？我覺得勁好味，好食過啫喱好多呀！
刪除其實我都唔知係自己為食定貪心，身邊嘅朋友唔太接受或習慣呢種食野模式架，但我就好似妳咁覺得，可以試多啲嘛，尤其係旅行嗰陣時間唔多但想食嘅太多。:)