利申：雖然海豚兒非常喜歡Harry Potter系列小說及電影，但自從去過奧蘭度的環球影城已覺足夠，就算再去都只是為參觀第二期部分而USJ暫時就只有已參觀過的第一期，如果不是為了陪同是Harry Potter迷的Mr. Dolphin家姐來，實在沒有打算來USJ的。
因為我們的門票及快證是預買關系(亦當然不能退啦！)，海豚兒和Mr. Dolphin這天就拿著確認電郵到售票處換領了兩張老人票加三張成人票進場咯(苦笑)！
一場來到，當然仍然會努力拍照啦！
先到Harry Potter那邊朝聖。。。
見到火車，影!
見到Hogsmede市集，影!
見到Three Broomsticks餐廳，影！
見到Hogwarts魔法學校，怒影！
用快證入去Hogwarts玩機動遊戲，出乎意料之外，今次雖然整個過程是日語對白，但海豚兒卻因為坐的位置較正中而比在奧蘭度玩得投入，沒有掛住四圍望，睇啲穿崩位，哈哈！玩完又四圍再影！
買杯Butterbear嘆下。。。
竟然飲完至記得影，哈哈！
坐下來休息才發現涼亭頂部入面製作亦非常認真，除了有不同種類、形態貓頭鷹佈置，還有不同形狀大小的便便！XD
影過夠就去USJ內其他主題場地參觀。
包括Snoopy加Hello Kitty地頭。
再去其他地方繼續四圍影。
同埋當然唔少得大熱嘅Minions啦！
呢度算係全園最多人嘅地方啦！或者因為關西機場依然封閉關系，這天來到USJ亦沒有想象的人頭湧湧。
行到咁上下就求其食個午餐。
之後就因為貪有冷氣涼下，入室內去睇Terminator(全日語)真人加影片節目，悶到頭頂差點長出菇來。。。
然後就按預定時間去玩Minions個機動遊戲，其實就是坐在一架會上下前後移動的八人位內看3D電影，整體也算不錯看啦！
玩完就在USJ外圍行下Citywalk就離開，臨走時海豚兒有點餓，就在便利店買了一個“chop”一聲飯團和Mr. Dolphin分享，但掛住食就無影相lu！。。。當報時信號一響：進場約9:30am，離場約3:30pm。。。已經比我倆估記逗留多了一小時啦，哈哈!
跟住我倆就坐車去新大阪站行下街同提早食個簡單晚飯便回程啦！
返到京都站，就買多杯焙茶雪糕嘆下、再逛下街至返酒店休息。
各位見海豚兒喺USJ手信店影咗咁多相，估唔估到海豚兒有咩收獲呢？
是日戰利品。。。燈燈燈櫈。。。
就係三隻飲完唔捨得丟嘅膠杯，哈哈！
我都有幾年未去過環球影城，入面多左咁多主題玩兒。呢日係咪算少人，你哋好似玩到好多野。
回覆刪除USJ我第一次去，但同2013年去Orlando嗰個比較，我都覺得多咗好多新野。我地嗰日玩咗3個rides咋，全部都係用express pass所以唔多洗排隊，但感覺上嗰日真係唔算太多人，可能同機場關閉有關。
刪除好正呀，趁人少少+好天氣去玩USJ，影左好多相又玩左好多遊戲！
回覆刪除如果可以keep住咁少人，我都好想帶MC去玩，不過應該無咩可能
嗰日真係好好彩，好好天，一滴雨都無，所以心情都特別好。
刪除舊年Mr. Dolphin媽媽同友人去USJ，好似話多人得好緊要，無express pass亦完全入唔到Harry Potter個section，如果想帶MC去，可能都要考慮買比入場卷更貴嘅express pass(貴!)。^^"
我雖然都係Harry Potter迷，但Theme Park去過一次我都覺得夠，反而倫敦個影城我有少少興趣。
回覆刪除你哋多咗啲門票有無折讓或送俾人呀？
對我黎講，倫敦嗰個studio係最有wow factor，好享受近距離接觸到戲裡面嘅場景同道具，如果去嘅話，記得要提前上網預約訂票。
刪除我地無賣/送俾人呀，小的跟足主子意思將用剩嘅兩張老人票同一張成人票好好保留住等下次見面交返比主子家姐。^^”
又耍靜靜話你知, 我其實一集哈里波特都無睇過
回覆刪除哈哈，我記得呀！正如我一本金庸小說都未睇過咁...從前無機會，依家無精力不眠不休追看小說lu。
刪除實不相暪, 肥人去左兩次大阪都無去過環球影城...hahaa
回覆刪除多謝你怒影等肥人睇相當去左..hahaa
老實講，如果原先唔係打算陪Mr. Dolphin家姐去，我地都無諗過去USJ架，甚至乎喺知道家人黎唔到大阪後，我都諗過唔去，但家人話唔好嘥咗啲入場卷，所以就去交功課。;P
刪除好細心啊！偽貓頭鷹的便便也給妳發現！
回覆刪除細心嘅係主子，係佢發現到架，我只顧住揾位坐低慢慢嘆我杯butter beer咋。XD
刪除果三隻飲完嘅膠杯, 我都唔捨得丟呀!
回覆刪除何止唔捨得掉，依家直頭珍而重之，用都唔捨得用添呀！XD
刪除黃色人仔好可愛wakakaka...
回覆刪除係呀，就算我本身無特別偏愛佢地，但去到見到咁多咁得意嘅造型、擺設、物品，心情都大好，亦忍唔住要怒影佢地呀！
刪除