牛牛癮起，是日瞓醒就去食個燒牛牛午餐。
見到餐牌有咁抵食嘅神戶牛，即叫!
味道也算可以，不過從照片也看得出來不是完整一塊靚牛，而是頭搭尾搭的貨色吧！
吃完午餐就啟用一張全日任搭巴士票四圍去行街啦。
行到咁上下，Mr. Dolphin就同海豚兒搭車去京都的Ritz Carlton食個小茶點。
一場來到為的就是Pierre Herme甜品啦。可惜這兒沒有千層酥，好在ispahan依然好吃，附送曲奇的美味亦好吃，熱古古力也很好飲，唯獨是green tea latte異常不好喝，真古怪!
臨走又再買多三件馬卡龍，見到有京都限定當然仆到咁買黎試啦，結果咪pk囉，粒京都限定馬卡龍完全唔啱海豚兒口味呀陰公!
這天斷斷續續都落雨，我倆再行多陣街都覺無癮，就返去京都站行室內街加影下相啦。
可能午餐食得不夠滿足啦，是日晚飯海豚兒又想再食牛牛啦，近近地，就喺京都站搵食。餐廳在京都站內伊勢丹百貨公司的十樓，有少少景睇下咁啦！
麵包同牛牛都好味但意粉份量對主子來説有點太少，吃得不滿足。
最後一晚嘛，海豚兒當然要嘆多杯中村藤吉焙茶味軟雪糕才收手啦，今次麻煩店員不用放粟米片，啖啖雪糕，海豚兒吃得更滋味呀！
食完甜品就再去食多最後一次好食兼抵食迴轉壽司，滿足心癮，大功告成！
你好鍾意食甜品喎！
回覆刪除無錯，甜品可以係我嘅早午晚餐，但其實我又唔食太甜嘅食物架，例如豆沙、黃蓮蓉、拖肥咁。
刪除你哋一日遊去好多地方啊！我去咗三個點咋。
回覆刪除我都覺得6個景點好多(其實係太多)，不過清水寺同三十三間堂好近，嵐山又喺天龍寺旁邊，我估都係咁，所以砌到6個景點出黎。話時話，我覺得導遊小姐仲好好添，旅程完成時仲主動提出免費車京都集合嘅乘客去大阪。
刪除其實可唔可以叫加意粉呢? XXD
回覆刪除意粉加底！；P
刪除我估主子如果唔係知道我留肚食其他野，佢應該已經叫多碟啦。
不用放粟米片，啖啖雪糕 -> 本來就係為雪糕而來，梗係咁樣最滿足!!!
回覆刪除去日本除了甜品，又成日有靚牛食，真係好開心呀～～～
果然係知音！實不相暪，係主子首肯，我至敢唔要(阻住我嘆雪糕嘅)粟米片咋。^^”
刪除日本牛味道真係同北美牛好唔同，而且重點係喺日本食本地牛比喺加拿大要以天價食日本牛抵好多嘛！
在日本食野抵過HK,質素又高
回覆刪除身處加拿大無乜選擇，高質日本食物又勁貴，所以我都好有同感呀！而且喺日本揾食，平民店、平民價錢已經食得好有驚喜。
刪除妳哋好有食力啊！
回覆刪除臨別秋波，呢日我真係好努力食哂啲想食嘅野架。其實迴轉壽司水準當然不及壽司專門店，但按價錢計就真心抵食。
刪除好勁呀你, 搵到咁多甜品!
回覆刪除肥人最後都無食到呢間迴轉壽司, 因我行程變動..完全無停留過係京都站咁滯..哈哈!!
其實我係悶蛋一名就真，食來食去咪又係嗰兩間，嘻嘻!^^"
刪除唔緊要啦，其實食呢間回迴轉壽司主要都係貪平同方便啫。有”行程變動”,聽落好緊張呀，好心急想睇遊記呢！