拾叁吉祥

把“游”記寫完後，又來指定動作，寫下九丶十月的日常生活。

記事一： 新電話

回來後一個多星期，終於，無錯，係「終於」將用了三年零八個月(!)的手提電話升呢，從苟延殘喘的Samsung Note 4升升升級至Note 9，請鼓掌～～～ 簽兩年約，電話價格連稅是$225加元，最抵嘅係，啱啱遇著剛剛Samsung有個只限於購買Note 9的舊機換新機$200回扣優惠，海豚兒又老又殘的Note 4竟然換到大拿拿 $235 (= $200 + $35）加元，嘩哈哈，換新電話仲淨賺十蚊雞，抵呀！




記事二：瘋牛

去完日本旅行後，牛牛癮依舊，瘋狂想吃牛，Mr. Dolphin和海豚兒共去了嘆兩次牛牛。

一次港西式。。。






另一次韓式，再加杯好味焙茶雪糕。。。





記事三：拾叄吉祥

慶祝結婚週年前的一個多星期，Mr. Dolphin不小心弄丟了他的介指，是我倆十週年時買的紀念對介呀。。。海豚兒沒有生氣，只是呻笨囉，早知當年就聽Mr. Dolphin講，只買一隻介指給海豚兒自己啦。不過算啦，介指丟了雖然肉赤，但相信這是好兆頭，因為要幾年後再買過隻嘛，咁首要條件即係要繼續一齊至得啦。。。對，這是完全沒有邏輯的說法，但海豚兒亦從來沒有説過自己是有邏輯之人呀。至於慶祝節目，就是繼續鋸扒去咯，味道算可以啦，服務就幾好。





回來後共吃了三次牛牛，只能說，還是日本牛牛更有牛香，好吃！下次再去，要記得食多幾次牛牛至得！