2019年1月10日星期四

2018聖誕 Day 2 & 3。倫敦觀光 >> 上"游"輪

是日起來後第一個景點就是有得食又有靚景睇嘅Duck & Waffle啦!



海豚兒當然繼續以好吃甜品當早餐啦,Mr. Dolphin爸爸就點招牌菜duck and waffle,Mr. Dolphin母子就同樣選了eggs benedict配煙三文魚,這兒的蛋蛋做得超好吃,主子和海豚兒也吃得十分滿足。



吃飽後,主子本來想和父母去Tower Bridge附近影相,可惜「想去又去唔到」,本應搭兩個地鐵站再轉車就到目的地,但地鐵唔生性呀,向目的地走了一個站就回頭,當我們四嘗試再重新出發時,當中某個地鐵站又改道,最終因不想兩老花更多時間在月台內走太多路,唯有放棄Tower Bridge這景點,提早去拜會敷面膜中的大笨鐘XD和London Eye啦。






坐完London Eye,我們四繼續以蝸牛速度前進,去Leicester Square附近行下,到晚飯時間就再搭車去食炸魚薯條作晚餐。




這間的炸魚薯條比我倆上次去的強多了,連甜品也非常好吃,只是軟殼蟹burger不及多倫多的惹味,但可樂就堅係貴,要£3.75/瓶。




食飽飽就先和家人回酒店休息,然後主子就再陪海豚兒去St. Pancras站內的Fortnum and Mason嘆英式鬆餅啦!



~~~~~~~~~~~~~~~~~ 

一轉眼又到第二朝即Day 3啦,然後各位會發現海豚兒的早餐跟對上一晚的宵夜是一樣的,哈哈,原因是因為船公司的旅旅遊巴士是在同一地點接載我們四去碼頭,為方便計,Mr. Dolphin就決定和父母一起在Fortnum and Mason這裡吃早餐啦,亦因為地點便利,吃完早餐後便著Mr. Dolphin爸爸媽媽留在餐廳等候,我就回酒店check out順便把行李推過來啦!




大概兩小時車程,我們四便來到Southampton碼頭,辦妥登記手續就上船啦!



一上船就在大堂內影下相,然後返房又怱怱影幾張相,不難發現,船上四處也佈滿聖誕裝飾,很有節日氣氛。







影完相便到船上的自助餐廳會合Mr. Dolphin爸爸媽媽吃午飯啦!



接著就返房執行李和在啟航前進行逃生演習啦!



當所有程序都順利完成後就開船啦,跟住我倆又忙著換衣服去和Mr. Dolphin爸爸媽媽去主餐廳(main dining room)吃晚飯。而在吃方面,這船的水準的確很不錯。






吃飽飽,我們四在船上隨意逛逛便回房休息。當時,我們四還不曉得這可是暴風雨的前夕啦。。。

18 則留言:

  1. 大鄉里, 原來要學走火警

    回覆刪除
    回覆
    1. 除咗每次開航前要練習走火警,仲聽過有啲船公司有不成文規定喺船上唔會播my heart will go on添呀。;P

      刪除
  2. “暴風雨前夕”,期待下文

    回覆刪除
    回覆
    1. 努力中,希望內容唔會令妳感到不適啦,嘻嘻!

      刪除
  3. 嘩,寫都有條尾,好緊張呀。。。。。
    如果你哋坐巴士由duck and waffle 去tower bridge會方便D。下次話我知,我介紹你download 個app,好好用。

    回覆刪除
    回覆
    1. 哈哈,唔好講笑,經歷之後一日嘅變化,Mr. Dolphin及父母都一直擔心到上岸呀。^^”

      係citymapper(我記得妳有showed過我)? 唉!我都有提議搭巴士而且又唔洗走上走落行少啲路,但主子父母人生路不熟,對於冬天等巴士有點抗拒,對佢地黎講,感覺上搭地鐵舒服啲。

      刪除
  4. 間房幾大幾靚呀仲有露台可以望下靚海景呢

    回覆刪除
    回覆
    1. 間房真係算大,我打開哂兩件大行李喺地下執都唔會覺得逼到行唔到。我地都鍾意有露台抖下氣,但我地兩個好怪,船行駛時我地甚少出去,怕大風又怕海風“立癡癡”,嘻嘻!

      刪除
  5. “暴風雨前夕”,期待下文 x2

    但要講egg benedict、Scone同海景都太吸引啦!

    回覆刪除
    回覆
    1. 希望我地嘅經歷唔會影響到你地將來會唔會去cruise玩嘅決定啦!;P

      如果重遊倫敦,有時間可以幫襯下duck & waffle,以遊客心態嘅話都值得去下,至於scones就更加係遊英倫絕不可少架啦,就算我今次無機會食下午茶,都要啪返幾粒scones。:)

      刪除
    2. 同意London的Scone真係好好好食,比HK贏太多!
      duck & waffle亦bookmarked,睇下明年同玉仔有無機會去~

      刪除
    3. 2019年1月已經睇緊2020年嘅姊妹旅行,哈哈,好開心呢,到時又會見到好多bear bear同食物嘅合照啦!我連今年嘅旅行仲未有確實planning(汗),要等睇下機票有咩優惠。

      刪除
  6. 又要再講多次,你哋間房同廁所真係幾大喎!

    回覆刪除
    回覆
    1. 間房最正嘅地方係衣櫃超大,我同主子各自有自己衣櫃,兩邊掛滿衫後都有位剩之餘,連喼同鞋都可以整齊咁放喺櫃入面,超滿意。

      刪除
  7. 敷面膜中的大笨鐘笑死禾喇haha~btw暴風雨前夕期待x3!

    回覆刪除
    回覆
    1. 離遠行緊埋去大笨鐘時,我完全唔認得敷面膜中嘅佢呀,我仲以為大笨鐘比一棟樓遮住咗添呀,哈哈!

      努力中,下篇就係啦!:)

      刪除
  8. 敷面膜中的大笨鐘 <--好正呀呢個!
    暴風雨的前夕<-- 好得驚呀!

    回覆刪除
    回覆
    1. 我離遠行緊埋去時仲以為喺大笨鐘前面起樓咁大殺風景,行到好近至知道原來係大笨鐘裝修緊咋,真係好似個面膜咁遮住哂個樣。^^”

      真係幾驚,我地亦太大意,無預計過會咁大鑊。

      刪除