起來後四處拍下照。。。
到主餐廳開門就和Mr. Dolphin父母一起吃頓美美的聖誕午餐。
食完無事幹，海豚兒和Mr. Dolphin又貪得意去自助餐廳巡下，發現有很多聖誕佈置及食物，坦白講，聖誕特色食物真的不特別好吃，但看著這些東西又好像增添了許多聖誕氣氛。
同場加映：自助餐廳員工報佳音。。。眼看侍應們忙到甩轆做完午餐時段，還需花時間娛賓，海豚兒欣賞完表演也就大大力拍掌以示支持。
離開自助餐廳，我倆就繼續在船上逛，經過劇院發現正在播放英女皇聖誕演說，從照片可見原來「事頭婆」在船上都有不少捧場客呢！
之後就去主餐廳影下相，因為上船已一個多星期，海豚兒也沒有好好拍過照片，就襯今日影下啦。
到下午三點三，我倆就去到Queen's Room樓上觀賞侍應隨著音樂列隊出場派送
看完表演海豚兒當然亦乖乖的去自助餐廳嘆下午茶啦！幸福是。。。每天能吃到新鮮出爐又好吃的英式鬆餅配clotted cream，滿足！
食飽飽又繼續散步，繼續參觀船上設施，包括酒吧和室外空間。
玩夠就返房休息下，到時候就裝身準備參加船上的第二個晚宴夜。
吃晚飯前先和家人到由船公司提供的
雖然船上沒有Mr. Dolphin喜歡的eggnog飲品供應，但甜品有味道很不錯的eggnog慕絲古力蛋糕也很滋味呢！
海豚兒的無聊事記錄： 食飽飽後，我們四又繼續隨處逛，同時大家亦有感船上攝影師拍照技巧好像不太好，便自行拍照留念。剛好，當時我們四經過水靜鵝飛的賭場，就找了
原來 Mr. Dolphin 鐘意飲 eggnog ^^
回覆刪除估唔到賭場會拍烏蠅
佢超鍾意呀，未識佢之前，我係未飲過eggnog架。
刪除我地每日都會經過個賭場n次，除咗有tournaments會有小貓幾隻，其餘時間都好靜下，呢條船賭嘅人真係唔多。
這個 cruise 都係英國人鍾意的行程。旅客有英國人都唔出奇。點解唔入casino行下，玩下機仔？
回覆刪除我地去到Southampton上船嗰日，都見到唔少人係park and “sail”，我都估船上好多係英國本地人船客，只係估唔到原來英國人真係會咁乖，坐定定睇英女皇演說。
刪除我地有不停經過casino,但我唔賭...其實係唔捨得至啱，哈哈！
准許我猜一下，妳嘅喜愛食品之一係英式鬆餅配clotted cream, hahhahahaaa.
回覆刪除My daughter ADORES eggnogs, it's a MUST have whenever she goes back to States in December (we don't have that here much :( )
哈哈，妳好叻呀，估中咗！獎妳繼續有得睇英式鬆餅配clotted cream合照啦...咦，不過下一篇無喎，因為午餐食得太飽要跳過下午茶呀。
刪除原來妳囡囡都鍾意飲eggnog^^，妳呢番說話提醒咗我，下次聖誕要更appreciate呢度有eggnog飲同其他eggnog產品。
hahaha. Yea, Babe Dearest normally spends her Thanksgiving in USA when young, and that's around the time they start having eggnogs (let's not think about the light alcohol content, hahahah).
刪除原來係咁，可能對baby dearest黎講係一個美好嘅童年回憶，尤其當年未夠秤飲正式嘅酒，諗返我細個都係，未夠秤時就鍾意搏大霧飲兩杯，依家反而滴酒不沾。
刪除其實見到周圍有聖誕佈置，我已經會好開心，我真係一個幾易滿足嘅人！
回覆刪除船上聖誕佈置真係好掂，第一日上船已經睇到我嘩嘩聲！但可能凍慣(儍?!)咗，就算佈置更靚，聖誕天氣唔夠凍嘅話，始終覺得若有所失。
刪除聖誕佈置好靚呀...
回覆刪除係船度影下相HEA下都幾寫意呀...
肥人祝海豚人新年快樂, 身體健康! <-好唔夾添同呢篇卜..Hahaaa
我都覺得船上聖誕佈置好靚，尤其係佢嘅聖誕樹，每棵都咁靚，搞到我都忍唔住要不停集郵。
刪除謝謝妳！大家咁話，身體健康尤其重要！祝福語幾時講都咁受落呀！:)
每天能吃到新鮮出爐又好吃的英式鬆餅配clotted cream
回覆刪除－>真係好幸福但又好發福呀！好在海豚兒天生麗質，食極唔會好肥
船上過聖誕節真係好有氣氛又開心，不過我睇左咁多餐西餐，都有少少悶
Mr Dolphin同家人習慣嗎？有帶杯麵嗎？
天生麗質係甜魔媽媽就真！旅行回來後，因為頂唔順多倫多天氣太凍(上星期最低試過-3x℃)，我食多好多野，肥咗呀，不過暫時唔諗住，遲啲至算啦！
刪除船上過節最大好處係扮靚靚完唔洗週車勞頓搞亂個look，由離開房間至去到主餐廳都唔洗5分鐘，非常方便。
哈哈，妳好心水清呀！基本上全家都慣船上嘅食物嘅，咁當然對主子一家黎講，如果有啲中式野食下，佢地會更開心啦，但佢地都唔會帶杯麵嘅，因喺船上食野太方便啦！
eggnog未試過,係咩味?似滾水蛋果類??
回覆刪除聖誕樹和鹿車果啲裝飾用咩整?望落有點似肥皂:P
Eggnog主要成份係奶、糖、蛋白、蛋黃、cream、多數會再加少少烈酒提味，除咗超級月巴之外，仲超高膽固醇，至於味道，你可以幻想下好杰身嘅奶加糖加蛋再加少少酒嘅香氣咁。
刪除聖誕樹、鹿車果啲係加咗顏色嘅冰雕黎，應該係到我去影時已經溶咁啲，所以賣相有啲怪，哈哈！
哈哈竟然專業攝影師也不及賭場職員！太諷刺了吧！！
回覆刪除咪係，其中一名“專業”攝影師最過癮，每影完一張相都會認真睇下張相至影下一張，但出黎嘅效果...竟然全部合照中，四人當中只有一個人望鏡頭，真係吹到啤一聲呀!
刪除啲聖誕晚餐睇落都ok 喎
回覆刪除呢晚係晚宴夜加上又係聖誕節，食物質素真係特別高，所以我都唔執輸，叫咗三款甜品黎嘆！
刪除