一月雜記

寫完“游”記，又老馮寫下日常生活啦！

去完旅行返黎抖一日(星期日)、返一日工(除夕)、又放一日(元旦)，再返三日工又到週末，都算不錯呀。

除夕去了The Cheesecake Factory食2018年度好好味嘅最後晚餐，不過我倆本身唔太餓加上食物大大份，結果，有一半以上鹹食打包。。。




又襯除夕夜，當晚貪得意在家中試了一枝甜到震嘅蘋果味冰酒。




~~~~~ ~~~~~ ~~~~~ ~~~~~ ~~~~~ ~~~~~ ~~~~~
懶底的海豚兒現在除了開會等必須出席公事外，已較少去市中心辦公室上班，一來車程遠，二來冬天太凍啦，免得過都不想“遠行”。一月中的某天為了參加一位同事的歡送會，海豚兒也乖乖的去市中心辦公室走一趟。歡送會在公司附近的一間酒吧舉行，好讓一班酒鬼同事在下班後大喝特喝。去得酒吧當然不少得佐酒良伴，即係阿炸呢炸嚕咁啦，海豚兒坐了不到一句鐘，仲好似未人齊(!)，就已歸心似箭，拍拍屁股鬆人(汗)，好在主角都慣咗海豚兒係咁騎呢，亦見怪不怪咋。



~~~~~ ~~~~~ ~~~~~ ~~~~~ ~~~~~ ~~~~~ ~~~~~

到週末，海豚兒和Mr. Dolphin想食得清淡些，於是便去飯堂。。。即由韓國人主理的日本餐廳開餐，食壽司做晚飯。



好衰唔衰，食完又覺唔夠喉，應該係食完生冷野，覺得整個人凍冰冰咁，於是就去食兩碗熱糖水，燒仙草同勁勁勁薑嘅薑汁花生湯丸糖水，暖身兼暖胃。不過可能啲薑太辣，海豚兒食完竟然胃痛。^^”



~~~~~ ~~~~~ ~~~~~ ~~~~~ ~~~~~ ~~~~~ ~~~~~

睇返相相，連海豚兒自己也不敢相信，一月尾時，海豚兒和Mr. Dolphin又再次幫襯The Cheesecake Factory。今次大家都試新野，兩款食物亦都出奇地好味兼有特式，海豚兒對這款貌似法式三文治的burger極為欣賞，而以薄餅形式出現的chicken parmesan亦成為主子的新寵呢！



~~~~~ ~~~~~ ~~~~~ ~~~~~ ~~~~~ ~~~~~ ~~~~~

海豚兒嗰排就有條停不了的burger癮，返工日子也走去美食廣場嘆番個即叫即燒漢煲配雙層菠蘿當午餐。



小聲說：去完兩星期遊輪，磅數上也沒有太大起落，但就在回來後的一個月，天氣凍胃口就特別好，月巴咗好多呀，而且情況到執筆之時仍未有好轉。等天氣回暖些，要加把勁踢走脂肪至得！

同場加映：套張小姐一句：『世上最遙遠的距離，不是生與死的距離，不是天各一方，而是我就站在』。。。個掣面前，但俾堆雪阻住咗，行唔到埋去，襟唔到個制，要企喺度慢慢等交通燈轉燈過馬路，硬食-3x℃嘅凍風，哈哈！