淆底的約會

二月第一個星期六，瞓到日上三竿，起床後第一餐已經是下午三點，一個字，爽!  

懶底的我倆當然想一餐過搞掂，索性去食西餐，豐富啲嘛！ 不過食完都係唔多夠飽，後來再食啲垃圾食物，但就無影相。




之後一日的下午，和兩位友人約了出來吹下水，傾下女生心事，輕輕鬆鬆又過了一個愉快週末。 



~~~~~ ~~~~~ ~~~~~ ~~~~~ ~~~~~ 

海豚兒的現任老細好好人，得他批準，海豚兒在農曆新年大年初一額外放了一天假。 

餓了很多個月想食一盅兩件，年初一朝早九時許，襯茶樓開市時段唔洗等位，海豚兒就仆到咁去嘆個一人前早茶，叫到滿枱食物，結果當然是打包的比即時享用的更多啦，不過當晚就可以慳返唔洗煮飯，又「懶」係當自己好勁，識得年年有餘咁，嘻嘻!  




食完早餐on居居無乜野好做，又走去商場逛下，竟然比海豚兒見到一個奇景。。。自開店以來，海豚兒第一次見到無人龍嘅Canada Goose店呀，影低佢先！ 



旁邊嘅Nordstrom百貨公司也湊熱鬧來一點豬年佈置，但點解要係穿唐裝衫嘅三隻小豬呢。


~~~~~ ~~~~~ ~~~~~ ~~~~~ ~~~~~ 

又到週末，不嗜酒的海豚兒和Mr. Dolphin貪得意又學人去下happy hour，叫了兩杯汽水，再點了平價餐，當下午茶咁食，都幾抵食！印象中這間餐廳以前無happy hour平價餐牌架，睇黎都係競爭大，生意難做呢! 


~~~~~ ~~~~~ ~~~~~ ~~~~~ ~~~~~ 

來到情人節，得到慣常幫襯買熱飲的店員小姐給海豚兒特別拉的心心拉花，sweet！


 
這個情人節，海豚兒和Mr. Dolphin沒有什麼特別節目，只簡簡單單去“飯堂”食壽司，然後再去嘆碗糖水加腸粉就返歸休息啦。 




寫到呢度，夠竟有咩約會咁淆底呢？

是咁約，某人第二天下午要去做個牙齒小手術呀，所以十級淆底。。。還好，一切順利，遲下再去覆診，希望成功啦！