2019年2月20日星期三

2018聖誕 Day 15。最終回~主子「有福氣」

這天一早起來。。。



去自助餐廳嘆埋最後早餐。。。



就離開Southampton碼頭啦。。。




雖然Mr. Dolphin爸爸媽媽的航班在這天正午一時起飛,而海豚兒和Mr. Dolphin的航班則在晚上六時離開,但為免有任何差錯,我們四依然是一起到倫敦機場辦理登機手續,確保Mr. Dolphin爸爸媽媽能順利登機,而Mr. Dolphin亦已預先安排車接我們四去機場。

去到機場,排完隊一(打印行李帶)、就排隊二(寄運行李)、然後再排隊三(過安全檢查),終於成功去到Terminal 2候機大樓。



送畢Mr. Dolphin爸爸媽媽,我倆襯時間尚早,跟著工作人員前往Terminal 5濕平咯,嘻嘻!



在Terminal 5見到Harry Potter店只快速影張相便繼續行了。



敗了小量東西,我倆回到Terminal 2後,就隨意入間餐廳去嘆個late lunch。



Mr. Dolphin的大蝦意粉是意想不到的好吃呀,海豚兒選的長通粉味道就較為清淡。



而兩杯熱飲感覺就像吃甜品多一點,海豚兒滿喜歡Tiramisu味飲品,但主子就不太欣賞他點的古力咖啡飲品,嫌cream太過多啦。



食完午餐,我倆就去lounge休息下、同食下茶點。



到登機時間,我倆就乖乖去排隊。目測這班航機是由加航提供但同時有九班(!!!)不同航空公司的合用班次,乘客人數非常多,還好Mr. Dolphin去年曾經出差工幹,飛行里數級別比海豚兒高,所以我倆就襯他有優先登機服務著他先帶手提行李上機找個位置放好行李啦!好不容易海豚兒上到機一直向機尾走卻見不到主子,這時候主子就在後面叫停海豚兒,原來因為航班爆滿,主子被升級到傳說中設有按摩功能座椅的商務艙呀,海豚兒就乖乖的啍著「不要去羨慕 不要去妒忌」,一個人坐返自己原先個位囉。。。






特別一提,又原來現在商務艙的廁格內是有窗的啊,會唔會有人掛住睇風景瞄唔準架,嘻嘻!




就這樣,兩星期日對夜對朝夕相對之旅就此結束。

自言自語:在Mr. Dolphin這個高度重視「一家人」的家庭中,因為沒有血緣關系,新抱的地位從來是有別於其他家庭成員,海豚兒是明白的,沒打算要討好誰,從來只因為另一半,知道他最重視家人,所以也會努力配合著,因為反過來,另一半也會捱義氣陪海豚兒頂海豚兒的「極品」家人。這次旅行,Mr. Dolphin家姐未能同行,對於Mr. Dolphin爸爸媽媽來說,是牽掛亦是遺憾,因此亦不曾盡慶。對海豚兒和Mr. Dolphin來説,該做的都做了,其他的就不去想不要管了。

20 則留言:

  1. 長途機有得坐商務位真係好好多<3 .
    「不要去羨慕 不要去妒忌」, hahahaa, TRY HARD, kekekeke.

    回覆刪除
    回覆
    1. 唔計服務同食物,空間感大啲、空氣又流通啲,都舒服好多呀!

      哈哈,唔易,不過我情願佢坐得舒舒服服休息夠,最緊要唔好病,佢唔病,我地就可以街照出、甜品照食,我就安樂。

      刪除
  2. 點解海豚先生無讓個位俾你?定係讓過你唔要?

    回覆刪除
    回覆
    1. 係後者呀!因為係佢個status令到佢有得upgrade,所以我點都唔會坐,而且佢坐得舒服、休息夠,對我都係百利而無一害。

      刪除
  3. 唔理咁多,下次係咪一定要海豚先生一齊訂埋商務機票XXXD

    回覆刪除
    回覆
    1. 我都想呀,可惜心有餘“錢”不足,真金白銀買機票嘅話,我一定唔捨得買商務呀。;P

      刪除
  4. 回覆
    1. 為咗方便亦為咗唔想大家暈機浪,我地好多時都會因應需要而分開坐架。:)

      刪除
  5. 長途機商務位真係令人口水流!
    俾著我,應該一人坐半程囉~

    世事都來無法盡如人意,旅行都係
    留底開心的回憶就好,其他的好快就忘記佢!

    回覆刪除
    回覆
    1. 其實我最好奇係有按摩功能嘅座位,但又覺得週圍嘅乘客望住,如果叫主子起身比我坐低試下又實在太樣衰,所以都無咁做。

      多謝妳!坦白講,出錢出力出假期及時間精神安排呢個旅行都係想兩老開心下,不過都無計啦,大家嘅睇法唔同,而且我未做過父母,或者有啲野係我永遠唔會明。

      刪除
  6. 那兩杯真係一D都唔似熱飲!好幸運的Mr. Dolphin,btw妳倆夫妻也很有愛,能做到愛屋及烏是件美事!!

    回覆刪除
    回覆
    1. 係呀,每杯得一丁點係流質可以飲用,其次都係cream咋,但味道其實唔錯嘅。

      哈哈,多謝妳誇獎,大家都係唔想另一半太難做,何況我地算好彩呀,親人同我地都唔係居住喺同一個城市,好多事情已較易解決。

      刪除
  7. 啍著「不要去羨慕 不要去妒忌」- 好眼光~
    咁咪成程機都自己一個人囉..肥人會覺得好悶架...
    不過..Mr. Dolphin個商務餐又真係好正咁WOR!

    回覆刪除
    回覆
    1. 係喎,忠粉一定留意到呢句歌詞,叻叻!:)

      我簡中都有去騷擾下Mr. Dolphin架,例如去洗手間前會擺低個手袋叫佢幫我看住,佢又會黎“寒舍”探下我,係會有少少悶,不過8個鐘機程,都算快過。佢都話呢個飛機餐幾好食,而且我懷疑佢專登叫lamb chops引我,明明佢平時好少食呢個嘛。

      刪除
    2. 你應該走去食左佢份lamb chops ma...hahaa

      刪除
    3. 可是人家吃完後才告訴我呢=_=

      刪除
  8. Mr 自己食哂D大蝦?
    我無咁大膽想升到商務,比個PE 位我已經滿足了。哈哈!

    回覆刪除
    回覆
    1. 哈哈,心水清呀妳!我食蝦頭、佢食蝦身。

      其實我同佢都好surprised會升佢上商務架,因為班機其實有premium economy,換句話講,佢係被跳升。

      刪除
  9. 回覆
    1. 都有少少悶啦,不過又唔算太慘,佢有得升級,可以坐得舒服啲同休息下,都係好嘅!

      唯一係又有怪事發生喺我身上,我隔離嗰位乘客見我唔食飛機餐,到派小食時佢主動攞埋我嗰份。^^"

      刪除