2019年2月14日星期四

2018聖誕 Day 13 & 14。海上暢“游” (超長氣文)

沒有岸上的日子,瞓到咁上下就爬起身陪Mr. Dolphin爸爸媽媽吃午飯。





食飽飽四圍行下,睇下之前在晚宴夜影嘅相,唉!和預期一樣,大部分照片都慘不忍睹呀!然後又再去食下午茶。見到兩碟下午茶嘅分別嘛? 健康啲嗰個搽果沾食英式鬆餅,心靈上更健康嗰個搽厚切clotted cream食英式鬆餅。;D




為減少罪惡感,無聊的我倆食完抖下、消化下就玩步行上落樓梯,行到上氣唔接下氣時,Mr. Dolphin爸爸突然在迎面出現,好奇的望著我倆,而我倆初時完全不察覺,還以為Mr. Dolphin爸爸是路人甲呢。^^”

玩到咁上下就返房hea下,之後就裝身準備參加第三個晚宴夜啦。



晚宴夜食物依然不錯,不過來到第三個亦即是最後一個晚宴夜,我們四亦已經沒有花太多心機打扮及拍照啦,食飽再去吹下水,輕輕鬆鬆又過了一天。




~~~~~~~~~~~~~~~~~~~~~~~~

一覺瞓到天光,來到最後一天的海上暢遊(at sea day)日,海豚兒特意早點起床執拾行李。。。其實也不過是早一小時罷了,哈哈!然後我們四再次出動去主餐廳吃午飯,好讓Mr. Dolphin母子嘆下意粉。



不過食完主菜連甜品也沒點,海豚兒和Mr. Dolphin就急急腳離開,為的是幫Mr. Dolphin爸爸媽媽做24小時前網上check in航班及揀位置。



其實呢,海豚兒真的好怕好怕幫兩老辦事時出錯或有差池,壓力好大,尤其是次來回倫敦、溫哥華機票因直航跟轉機價錢差距太遠,最終選了要轉機的航班給兩老。所以當Mr. Dolphin媽媽提議跟我倆一起到圖書館*上網,順便學揀航班座位也被海豚兒惋拒了。。。

*船上是用衛星上網,最低收費為每30分鐘$15美元,可以選擇在房間用自己的配備上網、在設有蘋果配備的電腦室、或圖書館用pc上網。因訊號強弱、打印服務、及對pc操控較熟悉等各種原因,我倆決定穩打穩扎在圖書館進行網上check in,完成後可以把登機證一拼列印出來。對老人家來說,有登機證揸手,感覺會實在一點。

目測圖書館內最少有六部電腦,但當中只有一部連系到打印機,所以我倆也特意提早一點到來排隊使用。可打印的電腦就是下圖對正玻璃窗入面那部啦。



長話短說,就在我倆登入電腦之時,有一對中年夫婦進來,男的坐在海豚兒前方隔著玻璃窗不停回頭望著海豚兒、女的則站在海豚兒後方近距離排隊,然後不段發出不耐煩的滋擾聲音,海豚兒明白他們的需要不過亦沒多加理會,只覺得他們無品,女的站在海豚兒正後方,而當海豚兒去到要輸入Mr. Dolphin爸爸媽媽護照資料版面時,當時附近又沒有員工在場,海豚兒唯有叫Mr. Dolphin站到海豚兒後面,不要讓其他人看到護照資料。不幸地,網上check in出現固障,海豚兒試了幾次亦未能成功,這時候,吃完午餐的Mr. Dolphin爸爸媽媽也在海豚兒面前出現及了解check in情況,唉,當時海豚兒的壓力真的大到一個點。試了16分鐘後(每次登出,電腦都會顯示上網時間),海豚兒終於成功替兩老劃位及check in,但卻未能把登機證列印出來,打算晚上再戰。這時候,那位中年婦人指著海豚兒剛用完的電腦,語帶不善的說跟海豚兒說「我想你知道這是唯一一部可打印的電腦...blah blah blah」坦白說,海豚兒不單是先到達圖書館,同時亦只佔著電腦16分鐘而不是60分鐘,又有何不妥吖!

怪人及無品的人相信大家也遇不少,但我倆後來發現這對中年夫婦奇就奇在:

1) 跟Mr. Dolphin爸爸媽媽明明是同機離開,即中年婦對海豚兒登入的加航版面及嘗試做的事情也不感陌生啦,既然大家都是為check in航班和打印登機證而來,她又何必對海豚兒廢噏呢!

2) 晚飯後,他倆竟然守在圖書館門口等我倆經過然後想問Mr. Dolphin問題。。。咁Mr. Dolphin梗當然唔so佢地啦,儍的嗎!當住Mr. Dolphin面前鬧完海豚兒仲當無件事咁問「可唔可以問你一條問題」,Mr. Dolphin“say no”之餘,海豚兒心諗,你咪問咗囉... ...至於他們想問乜,我倆估計中年夫婦同樣遇上網上check in固障,所以想跟我倆“商量”。

3) 都說我倆登入中途連Mr. Dolphin爸爸媽媽也出現了嘛,所以也被中年夫婦點了相,之後幾次跟這對中年夫婦碰面,中年婦也熱情地跟Mr. Dolphin媽媽打招呼,最搞笑是Mr. Dolphin媽媽不善於認人,第二天早上還儍更更跟對方打招呼。

Check in不成功當然要去食野平衡下心理啦,Mr. Dolphin和海豚兒便到自助餐廳填肚去咯。



之後經過大堂,剛好遇上船友合唱團表演...從相相中大概也可推測船友的人均年齡吧,哈哈!八卦的海豚兒又停下來看一陣,一另轉頭就見坐下來的Mr. Dolphin悶到恰著咗ZZZzzz。XD



到下午茶時段就最後衝次,食多最後一轉「英式菠蘿油」,然後就返房休息下。



臨去晚飯前就再去圖書館,又遇上那對中年夫婦,從他們跟員工的對話,大致猜到他們還未辦妥網上check in,而我們嘛,今次就幫自己check in但就未成功打印登機證,點都好,跟住就輕輕鬆鬆照去享受船上的最後晚餐咯!






吃飽飽就再試下打印登機證,最終都搞掂。臨返入房前見到許多船友已經把行李搬到門外等員工運送上岸,然後第二朝早在碼頭取回行李。



這晚真的需要早點休息,因為之後一日又要早起、又會忙足一天。

20 則留言:

  1. 比我食咗咁多餐西餐,一定掛住啲唐餐,嘻嘻

    回覆刪除
    回覆
    1. 除咗掛住杯港式奶茶外,每日食西餐我又ok喎,反而叫我每日食小炒我就一定唔慣。^^”

      刪除
  2. 其實大家出來玩,有D禮貌,大家將就下就天下太平,唔知點解有D人就係這樣撩是鬥非。

    回覆刪除
    回覆
    1. 妳都知我外型上幾"高大威猛"架啦,其實我覺得佢有啲恃老賣老、大恰細成份囉,又或者如果我係滿頭白髮嘅婆婆,我估佢態度都會好啲。

      刪除
  3. 其實呢...果醬都要落好多糖架呢...
    係老家, 俾慢D錢都會俾人反眼架

    回覆刪除
    回覆
    1. 某人愛甜但又怕肥膩嘛。

      係呀,我成日都話喺香港搞refund快過呢度俾錢呀!

      刪除
  4. 真係講你都唔信。search "norwegian epic crash into san juan dock" AND "norwegian epic power loss in atlantic
    Ocean" 這就是我的第一次遊輪之旅!!!

    回覆刪除
    回覆
    1. 我跟妳提到嘅揾咗黎睇呀。。。停電改航程已經夠慘,最驚係船上衛生情況受影響嘛,點知仲要撞埋,雖然話無影響船嘅運作,但真係玩都玩得唔安心,希望妳已經平安返到屋企,之後亦無因為呢個旅程要搞好多麻煩手續啦(例如保險)。

      刪除
  5. 心靈上健康更重要㗎,哈哈哈!clotted cream clotted cream clotted cream XD .

    回覆刪除
    回覆
    1. 全中!食得唔盡興,之後後悔就仲唔抵!不過講真,我都係時候戒下口,唔可以再食咁多butter呀。

      刪除
  6. 兩老壓力再加怪人兩老壓力,真係要不吐不快呀
    不過都多得妳的分享,先知道船上原來唔係隨時連WiFi,難怪去的都係老人家多,後生一族真係未必慣呀
    Anyway咁大壓力下,心靈健康真係好重要~
    我都落去整碗餐蛋麵先 XD

    回覆刪除
    回覆
    1. 當時壓力真係非常大,俾人噴到一面灰仲要解釋俾家人聽點解搞唔掂,而其實我地都無答案架。^^”

      係呀,船上上網用satellite所以價錢唔多親民,主子買咗當地(歐洲)data sim card,有時條船雖然喺海面行緊,偶爾都會成功連線。

      好在餐蛋麵唔啱我引我唔到啫,嘻嘻。;P

      刪除
  7. 我覺得你好叻,在壓力下仍順利完成重任XXD

    回覆刪除
    回覆
    1. 多謝你誇獎!好在有主子喺度頂下,至少同家人溝通都易啲。。。其實呢,當日拍板去呢個旅行後,我嗰晚已經緊張到成晚瞓唔到覺。^^”

      刪除
  8. 真是冇品的人!Mr. Dolphin做得好啊!

    回覆刪除
    回覆
    1. 對呀,好在佢撐我咋,其實嗰晚情況好搞笑,Mr. Dolphin四目交投時知道對方想同佢講野故意別個頭,我行佢後面又跟住咁做,我99行我後面又再跟住我咁做,好似玩咁!

      刪除
  9. 中年夫婦可能以為係一件好簡單既事但你都要搞成16分鐘..點知到自己用時就知味道!
    你好叻呀, 咁大壓力都能夠完成check in!

    回覆刪除
    回覆
    1. 我覺得中年婦人係有啲怪,因為我地後來聽到圖書館員工不斷解釋上網線路無問題,係加航版面嘅問題...唉,呢啲情況,佢又想個船上員工又非IT專才做到啲乜吖。

      多謝誇獎,我一啲都唔叻,只係事關重大唔敢放棄咋,嘻嘻!

      刪除
    2. 我都明面對6299係會壓力大D既...我明架, 我真係明架..hahaa

      刪除
    3. 小聲說:雖然大家都係喺加拿大生活,但同佢地住得唔近(5小時飛程及3小時時差),都只係一年一度嘅相聚,我算好好彩呢,如果唔係,壓力會更大呀。

      刪除