一覺瞓到十點，十一時離開酒店就直接去明洞車站坐機場巴士前往機場咯！
去到機場才下午一時，距離開始辦理check in時間尚有兩個多小時，不過航空公司職員也免為其難幫我倆辦手續。;P
成功check in後，我倆立刻過安檢及海關，然後就去免稅店行下，順便把剩下的韓元盡量散貨。
該買
幸運地這次選了Asiana Airlines的貴賓室，這兒地方大，設施也齊備，除了用餐酒水設施、休息及沐浴地方，連按摩椅也有呢！
雖然食物選擇不算多，但味道很不錯，包括炸雞及形狀很獨特的菇菇，哈哈！
一場來到，Mr. Dolphin更嘆返個辛辣杯麵呢！
食飽又休息夠，我倆就去準備上機啦。途中見到古裝人出巡影下。
見到Line Friends店又影下。
去到登機押口等了一會就上機啦！
抱歉這程機海豚兒又再度暈機浪。。。
所以對於吃喝，實在是一點興趣也沒有，下面的飛機餐就只有主子有享用過了。最令自己沮喪是已經故意多付一些錢，希望坐得舒適一點，還是暈浪了，仲嚇怕了海豚兒，短期內也不願坐長途飛機。^^"
總括來說，海豚兒和Mr. Dolphin的首爾初體驗也滿正面，不過嘛，由多倫多直航飛首爾機程是14小時，只是比回港15小時短1小時機程，感覺上真的很遙遠，還望將來再回港的話，有機會會順道遊啦，但當然，日本依然會是我倆的首選啦，哈哈！:)
有無係免稅店掃護膚品，上次我兩個好姊妹掃咗好多，比外面仲平，佢哋R 到啲Sample，我攞晒返紐約做手信，哈哈
回覆刪除我之前喺首爾一直無留意護膚品價錢，但喺機場時心血來潮想買mask...點知就踏上不歸路啦，哈哈！
刪除係啦，我見好多blog友都係買同送嘅都同樣多，但可能我本身買得唔算多，又唔覺有好多贈品。^^”
我有同出巡嘅新娘子拍照，妳當然唔會似我咁無聊，哈哈哈。
回覆刪除原來係新娘子裝扮，唉呀，我仲以為係古裝人打扮添^^”，哈哈！我唔敢行埋去合照呀，可能都關系我其實唔知發生緊咩事啦。
刪除佢地好熱情㗎，見我拍照叫我同佢地一齊影，連DD都叫埋佢入去，哈哈哈。
刪除其實咁樣好好呀，等遊客對韓國人同韓國文化有個好印象！
刪除不該買的是什麼呢~?Hahaaaa
回覆刪除只是短一小時~? 但明明香港飛首爾都要4小時以上喎...14小時..肥人都覺得個心離一離呀!
就係當我諗住只買一set產品，結果會買咗幾sets出黎，只能說佢地嘅消售技能真係好高，哈哈。
刪除咪就係囉，所以我無諗過原來多倫多飛首爾咁遠架。。。因為知道飛東京13個鐘，我最初以為都係12、13個鐘度。
可能好好用呢...好用到你要回購..hahaa~
刪除下次再飛日本, 玩完先返多倫多..hahaa
咁就大鑊鳥，回來後，諗都唔敢諗飛長途呀，哈哈!
刪除我都想呢，睇黎要努力儲mileage至可以成行。
咁早去機場？真係可以再玩半日先出發啊。
回覆刪除另外，首爾一航嘅餐廳大部份係未離境喺departure hall二樓。過咗immigration得啲類似food court嘅(都係二樓)。
自己知自己事，就係唔想日頭咁頻撲，玩到又攰又出汗，影響到喺機上會容易唔舒服(頸肩位過勞壓住神經線再坐得耐同坐得唔舒服，我就好易暈浪)，但最終都係暈浪收場。^^”
刪除入閘前我地唔記得先去揾食，入到去喺2樓隔住玻璃見到另一面有食肆但又行唔到過去，都估餐廳係喺外面，不過見唔到food court^^”，可惜呢，因為我都有想再食下韓式野至走架。
估唔到要坐咁耐
回覆刪除點解人地D古裝打扮咁企理, 有D地方嘅就甩頭甩髻
係囉，我以為應該同飛東京差不多(13hrs去、12hrs返)，原來係再遠啲。
刪除哈哈，真係要睇下個人有幾尊重自己國家文化，坦白講，我覺得機場呢班古裝人好認真！
坐十幾個鐘我都唔係好掂:P
回覆刪除好彩可以去lounge食下嘢,時間快啲過^^
我今次都覺得好辛苦，真係有啲驚咗坐長途機，應該短期內都唔會plan長途旅行。^^”
刪除係呀，個lounge真係幾正，而且可能因為Asiana始終係地頭蟲關系，地方大設施又齊備，喺入面hea都hea得舒適啲。
我的最大極限就是來回香港倫敦，12小時左右，不過我食得瞓得，OK架！
回覆刪除原來倫敦飛香港需時等同多倫多飛東京喎。後生啲時我都係食得瞓得架，坐幾耐轉幾多次機都唔覺得係一回事，依家就算10個鐘都覺辛苦。
刪除無陰公，搞到暈機浪，好在回程有Mr Dolphin在身邊，感覺點都好少少～
回覆刪除又原來首爾機場無咩好食 (已經忘記哂啦)，我一定要餵飽兩隻餓底，先出發去機場先得
好在嘅係我有食到妳俾我嘅安眠藥，後來終於瞓咗陣就真，Mr. Dolphin不知幾好瞓，唔知我暈浪。^^”
刪除聽blog友講，首爾機場係有得食架，只係我喺外面時miss咗，入到去又揾唔到，不過打定底至去機場都唔係壞事，始終市內選擇會多好多。
Oh poor you. I am afraid of long haul flight too. But I am afraid of the turbulances.
回覆刪除其實真係幾橙，最樣衰嗰part我都未敢喺度同大家分享。^^”
刪除主子同妳情況近似，都係好怕有turbulence。
古裝人出巡咁抵死！暈機浪咗幾耐啊陰公！
回覆刪除係呀，樓上blog友話原來係出巡嘅新娘，我呢，完全未睇過韓劇，所以一見到傳統服飾就以為係古裝人，哈哈！
刪除唉，今次暈浪真係嚇怕我呀(驚)。