星期四下班後，海豚兒懶得煮飯，便和主子在外開餐，估唔到叉燒幾得，又點了海豚兒喜歡的牛脷酥炸兩，正！
星期五放工襯happy hour優惠。。。
我倆又去Cactus Club Cafe食好西。
到星期六，行完街街，就順便在商場內的The Cheesecake Factory開餐。
一轉眼又到星期四，放工去打完流感疫苗又再懶得煮飯，於是就去了台式店食簡餐。
到星期五晚，Mr. Dolphin提議食叻沙，味道不錯，不過海豚兒可能對某些香料有敏感，明明叻沙一點也不辣，但晚餐後腸胃總是嗱住嗱住。
好在到星期六瞓醒又精精神神，今次就去Joey's嘆下happy hour。
再之後的星期五晚上，海豚兒忽然想食法式食物便襯放工後和Mr. Dolphin去了一間法式小館食晚飯，可惜我倆也不太欣賞呢，尤其是生牛肉他他內藏著勁多生洋蔥，海豚兒真心怕怕呀！^^”
食咗餐咁嘅，到週末當然要溝淡佢啦，一於嘆返個菠蘿油同八天堂嘅焦糖布丁，好味呀！
而其實食物平貴從來也不是重點，同朋友一樣，最重要是啱口型！
1／ 你會煮飯咩？
回覆刪除2／ 加拿大的冬天很長？所以咁遲打流感針？
3／我未聽過有牛脷酥炸兩，大鄉里！
雖然煮得頗難食，但一星期都會煮4至5晚，都維持咗十幾年啦，哈哈，係咪好意外呢，我指主子食咁多年都仲未反面！
刪除呢度冬天真係幾長，有時4月都仲會落雪，其實我枝流感針係10月尾打，算好早啦。
如果妳黎，我同妳去食吖。我仲記得妳以前講過想試度嘅soft shell crab burger，可惜超好食嗰間早幾個月前執咗呢！
除咗個法國餐，樣樣都好正喎
回覆刪除對對對，真係除咗法國餐，其他都好得，小聲說，尤其係菠蘿油呀！:)
刪除我都想問，點解咁遲至打流感針？仲要去完旅行先打？香港韓國流感都好勁架喎。
回覆刪除十月尾打，喺呢度黎講算好早架啦，比著我以前個醫生，佢唔會俾我咁早打添呀，因長者、長期病患優先。
刪除我以為呢度嘅疫苗對亞洲流感無效添。^^”
每年流感疫苗係全球性架。
刪除哎呀，等我舊年去cruise前仲諗咗好耐打定唔打添，其實我十幾年無打啦，不過今年起會打返。
刪除第一間果間港式茶餐廳看來不錯喎,炸兩脆嗎?
回覆刪除係呀，呢間店喺多倫多有好幾間分店，食物水準算ok架！因為個炸兩係用牛脷酥作餡，無油炸鬼咁脆，但都有少少脆嘅。
刪除"沉船王", hahahhaa, 好耐冇聽這個名詞啦。
回覆刪除炸兩ok嗎?
哈哈，除咗沉船，仲有“明燈”，好在呢個term暫時無我份。
刪除牛脷酥炸兩我鍾意呀，逢親鹹鹹甜嘅食物我都啱。
你令我想起我今次返去無食過喇沙 T-T
回覆刪除唉呀，不過今個秋天返香港係失預算啲，不過大家都知咩事，唔緊要啦，下次返去再食返。。。同埋呢，勤啲返，習慣番香港啲菌，下次返去又無咁易水肚不服。:)
刪除沉船王笑C禾喇！呢篇有好多亞洲美食喇！
回覆刪除差不多每次都沉船，沉到我地都唔好意思，哈哈！
刪除係呀，嗰排算食得多亞洲食物之餘而又有記得影相。
肥人都以為海豚兒你係唔煮飯架..hahaha
回覆刪除投票係平日黎架?
我估因為洋蔥殺菌, 所以放多d落生牛肉度..haha
唔煮“飯”係真嘅，但會煮瓜菜囉，哈哈！
刪除係呀，呢度投票一般係喺平日，但如果當日唔方便亦可以預早投票，政府會有安排。
都可能係，但我真係頂唔順陣強烈生洋蔥“除”呢，而且仲要切成粒粒咁，想挑出黎都有困難，好似韓式嘅咪好囉，一條條容易挑走。:)
我仲記得Cactus Club Cafe的雲吞同蘋果批，好懷念呢～
回覆刪除不過咁多美食中，最岩胃口都係港式菠蘿油，好正！好味！
Cactus Club同埋佢其他同品牌餐廳嘅質素真係幾好，第時一定有機會重溫。：)
刪除我今日又去咗食菠蘿油呀，仲好好彩食到個超高質嘅添，至於奶茶，就真係要襯人在香港，飲多幾杯啦！