2014年8月3日星期日

海上航行 + 回程日 ~ 北歐遊輪 Day 12 & 13

Day 12 - 海上航行

這是船程的最後一天/夜,一早起來Mr. Dolphin和海豚兒先去Blu餐廳嘆個靚早餐,包括在枱前預備的muesli, 奄列, 茄汁豆, 水波蛋, 煙三文魚,及沒上鏡的迷你古古力牛角酥。


等吃的時候,坐隔離枱的瑞士老夫婦和我們"搭訕", 期間老太太問海豚兒是否從菲律賓來,海豚兒感覺到頭頂有隻烏鴉飛過、額角冒汗,心想"有無曬到黑成咁呀!" 冷眼旁觀的Mr. Dolphin還拋下一句"咦!咁我咪即係簡。而。清。"  >_<



午餐沒有影,至於船上的最後晚餐,依然沒有令我們失望,我們吃了。。。



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Day 13 - Amsterdam, Netherlands

晨早起來怱怱吃過早餐後,我們五人便按船公司預先安排的時間離開。由於Mr. Dolphin的爸爸、媽媽和家姐會在Amsterdam多留下三天,而Mr. Dolphin和海豚兒則會在這天黃昏坐飛機離開,所以上岸後,我們先打的到家人下塌的酒店放底行李,便到處逛逛。

重回Rijksmuseum, 海豚兒和這個趣怪噴泉一起影相相,大家有否看到海豚兒向大家揮手呢?


行完街街,我們便到附近的咖啡店(右下方的相相)吃了一般般的古古力蛋糕,及從相相看不出來,卻十萬分好吃的荷蘭班戟(Dutch pancakes),這個內藏蘋果肉的班戟外脆內軟,香口非常,好吃到不得了啊!還有Mr. Dolphin家姐讚口不絕的熱古古力,而海豚兒則繼續飲cappacinno。



吃過午餐後,Mr. Dolphin和海豚兒便要和家人道別,我倆先回去他們的酒店取行李,然後便乘車到機場。

海豚兒在上機前一日已經在網上check in,來到機場只需要把資料輸入在電腦中,將印有航機資料的行李膠貼接連到行李上再放入圖中這個甚有太空feel的輸送機就完成了!


入閘後,貪心+為食的海豚兒抵受不了誘惑,買了繼續好好味道的迷你荷蘭班戟吃,鬼馬的廚師還擺好姿勢著海豚兒拍照呢! 有機會的話,大家也要試試啊!


平時海豚兒甚少在機上影相相,但因為這飛機餐包裝實在太美了,而且還有著荷蘭特色,所以便拍張照片留個紀念,至於味道,海豚兒只記得芝士超香滑可口,其他就不清楚啦,因為海豚兒正忙著吃月巴美、可口的煙三文魚,這個臨上機前買的煙三文魚實在超棒,鮮美的程度讓海豚兒以為自己在吃新鮮魚生呢!




這"越游越北之旅"就這樣結束了,海豚兒會在下一篇跟大家分享一些關於這次行程的二、三事。

24 則留言:

  1. 回覆
    1. 近幾年呢邊好興食wild salmon嘅魚生或煙三文魚,選擇比普通嘅還要多,但我口味比較平民,覺得佢唔夠肥美。而啱口味嘅通常都係end up買咗Norway出品! ^^"

      刪除
  2. 個瑞士遊客以為亞洲人都係一個樣, 但通常都係估日本人、馬來人之類, 好少估我們係賓賓~ 咁搞笑~~
    行程最後一日都咁多美食~~ 飛機餐竟有煙三文魚, 好味呀~~

    回覆刪除
    回覆
    1. 最離奇嘅係我唔算好黑,不過都唔係第一次比人以為係菲律賓人! 可能我嘅賣相似卦?! >_<

      嘻嘻!其實係我寫得唔清楚,啱啱更新咗,個煙三文魚係上機前買架!

      刪除
  3. 我慣哂喇,喺香港連賓人都問我係咪賓人,攪到而家如果有人問我係咪XX人,我會反問乜我唔似賓人咩?

    原來荷蘭check-in都咁自動化,俾呢度仲先進喎。

    回覆刪除
    回覆
    1. LOL! 又一共通點啦! 之前都提過,我喺羅省住嘅時候都被菲菲問過我係咪鄉里呀!

      個check in真係勁型,不過呢···都有好些人唔識用,但又貪新鮮,唔排搵工作人員幫嗰行,攪到條人龍越來越長。;p

      刪除
  4. 回覆
    1. 我自己都估唔到原來自己咁有菲菲嘅"氣質"!

      刪除
  5. 賓賓?係咪個幾日旅行曬黑左呀?
    每日都食得咁豐富,有冇肥左呀?

    回覆刪除
    回覆
    1. 嘻嘻! 我估黑極都無歡樂今宵個Maria咁黑卦,仲要明明Mr. Dolphin係黑過我家嘛! >_<

      可能又病病地,而且每日都行好多路啦,所以都無重到! ✌️

      刪除
  6. There are so many times that Chinese told me I don't look Chinese.

    I don't get it!

    回覆刪除
    回覆
    1. That's cos people tend to stereotype groups of people who do not appear similar to them. When they say you don't look Chinese, it only means you don't look like them which I suppose it isn't a bad thing ;)

      刪除
  7. 船上㗎食物好吸引呀!
    個"太空艙"行李輸送機好型喎!

    回覆刪除
    回覆
    1. 船上食物勝在多選擇,梗會搵到啱食嘅款式!:D

      我都係第一次見咁有型嘅運送行李方式,真係大開眼界呀!

      刪除
  8. 太空鎗輸送帶好型呀!
    終於都去左旅行啦,真係好想同埋一齊去,哈哈

    回覆刪除
    回覆
    1. 大鄉里出城,我見到個輸送機嘅時候狂影相,身邊D乘客當我怪人,差D影番我轉頭呀!

      去啦,去啦!一家四口去旅行,實好開心架!

      刪除
  9. 我去亞洲邊度(大陸除外),都有人誤認我係當地人,我都慣哂喇。

    回覆刪除
    回覆
    1. 嘻嘻!咁妳可索性都幾高喎!

      但我明明係好"港女"feel"𠺢嘛! >_<

      刪除
  10. Wow!望都望得出個煙三文魚好鮮美!!!!!!!!!

    回覆刪除
    回覆
    1. 係正到我望番張相相都仲好想好想食囉! :D

      刪除
  11. 一口一粒迷你荷蘭班戟又幾得意喎!!

    回覆刪除
    回覆
    1. 我就係完全被張海報嘅細細粒班戟吸引咗去買啦!

      刪除
  12. 噴泉中真係搵唔到妳呀, haha

    btw, 我一睇杯熱朱古力已經覺得好正, 仲有dutch的pancake又係極品, 我都好想去食下飲下呢

    回覆刪除
    回覆
    1. 嘻嘻!可能因為我嗰日著套灰灰地色嘅衫,企埋去個噴泉到,好似有保護色咁!;p

      最衰我勁咳,無試到古古力,不過個pancake真係超級無敵勁得,有機會一定要試啊!

      刪除