海豚兒和Mr. Dolphin有一位很"不一樣"的朋友，和她聊天每每也有許多得著，她的豁達實在是非常難得，對待親人和朋友更是義無反顧的好，亦難怪她先後也有朋友請她陪她們走最後一程。。。這位朋友近年也沒有駕車，海豚兒和Mr. Dolphin襯聖誕前的一個週末接朋友去吃個寫意午餐。
用餐地點是跟隨朋友建議，無獨有偶，以前和Mr. Dolphin也嚐過這兒的Sunday Brunch，水準也很高呢!
這餐廳在湖邊，冬天時，有許多人在這兒的室外溜冰場玩樂，這就是寫意的冬日加拿大人週末啦!
海豚兒這個朋友有一個雀仔胃，許多時候和她用膳，我倆也會分吃一個餐，這次也不例外。
我倆分享了煙三文魚三文治、薯條配凱撒沙律，而Mr. Dolphin則選了炸魚漢堡包，兩款食物也很好吃，尤其是Mr. Dolphin的炸魚漢堡包，實在比麥當勞的魚柳包強多了啊!
一場來到，又怎能錯過甜品呢，只可惜朋友不愛甜，Mr. Dolphin又吃得飽飽的，只能勉強和海豚兒分吃一個甜點，於是海豚兒便選了綠茶白古古力蛋糕配黑芝麻雪糕，想不到這個甜點相當好吃，到最後海豚兒連碟底的白古古力醬也不放過，連隻碟都"刮"得乾乾淨淨。:D
最後當然少不了熱辣辣一的cappacinno來作終結。
大家傾下講下就過了差不多三個鐘，朋友的老公也來到接朋友去下場咯!
餐廳外面的環境好正呀, 食物又吸引, 最開心係有隻好的飯腳! ;)
回覆刪除呢間餐廳環境同氣氛都好掂，所以都有好多人喺度攪bridal shower或者wedding reception，見到個個扮到靚靚咁，好開心架!
刪除係呀! 所以我都好珍惜呢個朋友架!
Look like an awesome place to be esp in the summer.
回覆刪除都係架，夏天時，個Sunday Brunch仲會將部分食物放到戶外，而客人又可以揀坐室內或室外，感覺好寫意。同埋每年最後一個ribfest都係喺呢間餐廳旁邊舉行，好多人、好熱鬧呢!
刪除人生難得有知己呢！
回覆刪除呢個真係一個好值得珍惜嘅朋友，佢好識得以別人角度去睇和感受事物，唔會比壓力人，更難得係佢同我和老公都啱嘴形，所以特別好傾。
刪除呢間餐廳唔錯喎，環境又好，食物賣相唔錯
回覆刪除"部她最後一程"？
呢間餐廳嘅環境真係好舒服，尤其一望出去就對住個湖景，樓底又高，一坐低就唔願走lu!
刪除係呀，呢位朋友曾經有好朋友得知自己有病後，請這位朋友陪伴行完人生最後一段路，能夠陪朋友走到最後，所付出嘅真係一D都唔簡單架!
海豚兒:
回覆刪除~你同海豚先生有共同朋友!! 我覺依方面, 唔係對對夫妻都會有.
~你哋真係唔介意渣車周圍去食.
~而家多倫多, 真係越來越多榴冰場玩!!
我都知我算好彩，因為無論老公或朋友都好錫我同對我好好，所以喺我老公同我嘅朋友認識後，大家都會彼此接納，感恩呢!
刪除嘻嘻! 呢間餐廳就近朋友屋企，咁我哋既然都去接佢，然後去餐廳都好方便嘅!
我都覺得多倫多嘅室外留冰場越來越普遍，大部份市政府外都有一個，我都有諗過去下，但外於"技術差"，所以一直都未敢去。^^"
我自己覺得與好友共聚比食物好吾好味更重要!
回覆刪除人越大越難搵真心的好朋友, 而你所講搵到一個陪自己最後一程的朋友實在難得.
同意呀! 而且無論食物好食與否，都會因為有好友共享而變得不一樣。
刪除呢個朋友肯為佢嘅朋友付出咁多，陪佢嘅朋友走完人生最後一程真係一D都唔易，其實當中所經歷嘅辛酸、壓力亦都好大，所以真係好難得佢都唔介意，絕對係為朋友為到底嘅典範!