之前在"農曆新年有感"談到海豚兒外家，這篇也簡單地談談夫家的農曆新年假期吧！
話説Mr. Dolphin爸爸，Mr. Dolphin媽媽，和Mr. Dolphin家姐已嚷着想去看北極光很多很多年了，不知道從那兒來的消息，今年的北極光特别漂亮(?!)，所以他們早已決定今年成行去看北極光。
原本他們的計劃是約八、九月出發到加拿大最最最北部的黃刀市看北極光，原因嘛，最北部=最"Q"凍，當然希望在暖天時候出發。來到一月份時，不知那裡吹來的"風"，總之就是有人告訴Mr. Dolphin 的家人二月份的北極光最漂亮(!)，就是説他們要在一年中最凍的月份前往加拿大最寒冷的城市看北極光。^^"
心水清的妳/你不難發現海豚兒一直以第三身訴説這旅程，原因實在太簡單不過，Mr. Dolphin 和海豚兒真的不願意冰天雪地去這麼冷又這麼原始(=落後)的地方，凍病了的話，Mr. Dolphin回來還要硬着頭皮去上班，這樣苦了自己又何必呢！
還好，他們在四日三夜的極光旅程中，每個晚上也看到美麗的極光，總算不枉此行啊!
遺憾是。。。Mr. Dolphin媽媽在農曆年跟她居住在香港的兄長拜年過後便失去聯絡，不幸地，他離世了，是那種沒有病痛，沒有先兆就悄悄離開了的情況。對於超級痛鍚家人的Mr.Dolphin 媽媽來説，真的很傷痛呀！先有十月母親因病離開了，事隔四個多月就輪到兄長離世。唉！Mr. Dolphin 媽媽和Mr. Dolphin 爸爸現已回港處理後事了，希望事情順順利利，長輩一路好走，最緊要是兩老健健康康、平平安安！
海豚兒也明白生命無常，唯有盡力讓自己每天也過得愉快，不竟更難過的事亦會經過，何不以感恩的心快樂過每一天！ :)
sorry to hear that. hope you and your family are fine.
回覆刪除謝謝Samwei, 老公和我的確感到很意外，最傷心應該是奶奶和她的妹妹，希望事情早點辦妥吧!
刪除海豚兒:
回覆刪除~Mr. Dolphin一家都幾緊密聯系, 真係連去旅行, 親戚個邊發生咗咩事, Mr. Dolphin 都全部知道晒!!! 但真係最害怕聽到啲意外消息!!
嘻嘻！全靠科技進步，一家人都有唔同嘅whatsapp chat group 嚟聯絡，所以發現家人幾日都無在線就懷疑有問題。而且話哂係奶奶嘅哥哥，所以一有消息，家人都會盡快通知大家。
刪除係呀，呢D消息真係令人措手不及，好在奶奶返到香港都有Mr. Dolphin家姐睇住，我哋都無咁擔心。
係架, 生命無常, 所以有機會真係要好好愛鍚親愛的家人呀!
回覆刪除不過... 俾著我都唔會冒寒去睇北極光。可能我唔會個d好恨睇o既人啦, 唔睇我真係唔覺得有損失 :p
係呀，最緊要唔好比自己後悔或"愛得太遲"。
刪除我都係咁嘅話，有得睇就係bonus,但唔會喺咁凍嘅日子去囉，尤其如果身體唔好，又凍又坐飛機又時差加埋，真係好易會病架！
其實無先兆無病痛突然離開，都可算福氣，尤其係我朋友最近經歷咗非常痛苦嘅方式離開之後....
回覆刪除完全認同妳嘅講法，咁樣離世雖然令身邊嘅人好難接受，但對當事人嚟講就走得無咁辛苦。所以我都好怕聽到家/友人患癌，因為條路真係好難行，無論自身或者身邊嘅人都好難受。
刪除Sorry for your loss.
回覆刪除I do like the fact that your MIL didn't "force" you guys to come along to see the northern lights.
謝謝妳！ :)
刪除其實奶奶好想我哋去，亦都問過好幾次，不過呢...佢個仔係呢方面un"逼"able 架！XD
問候一下你的家人。
回覆刪除Btw 朋友去了黃刀，d相真的超靚。
謝謝愚太！
刪除我都睇過家人嘅相真係好靚，不過見到個環境同埋佢哋連影相都無表---->正確嚟講係凍到硬哂所以無表情，我就真係怕怕啊！^^"
人越大越覺得健康同身邊的人好重要，真的要好好珍惜
回覆刪除係吖，諗返細細個寫生日咭賀語諗都唔諗就會寫"身體健康”，嗰時只係一個習慣，依家每次祝人身體健康都係出自真心，而且每次見舊朋友都份外珍惜。我哋都"大個女"咗，識諗咗啦，哈哈！
刪除