海豚兒一直是個默默支持Harry Potter 的粉絲，曾經，海豚兒會抱着那七册書重覆翻看，更試過襯Mr. Dolphin在非洲上班假期時，千里尋夫(無咁誇張!)，只是相約到巴黎、倫敦旅行見面，並一起在倫敦戲院看Harry Potter電影版大結局！那次"劃位"看戲還勾起了海豚兒在香港看電影時的回憶，在北美洲生活久了，慣了這兒只要付費入場，然後便隨意找個座位的做法，差點遺忘了在香港生活時的點滴。
自從書本跟電影也曲終人散後，海豚兒一直也想把整套電影系列買回來，只是又嫌貴(都說海豚兒慳家嘛)，又嫌市面上的禮盒套裝牛龜咁大盒超阻地方(海豚兒最怕雜物，最喜歡家徒四壁的感覺)，更重要是海豚兒是個百分百的懶人，口說想買東西但卻從不努力去把想要的東西找回來，其實這惰性跟自己的成長也不無關係，因為海豚兒的母親和家姐也是勤力型，從少海豚兒已經慣了飯來張口的生活模式。^^"
又説遠了，其實海豚兒真的好喜歡這份禮物，一個小巧的盒子內藏着這一套八隻影碟，而又無需花費太多，實在是十個讚啊！
題外話: 不知何時能夠重遊倫敦，吃下午茶之餘更可以去參觀Harry Potter 錄影廠房之旅呢，會是2016又或是2017嗎？
妳真係好迷喎，我一張都未睇過:p
回覆刪除其實我好遲先開始睇書，喺我睇第一套電影時仲未睇過書，差D悶到"男刂"櫈，不過自從睇過書之後，就真係鍾意到不得了！
刪除Harry Potter迷揮揮手！如果我去倫敦，我都可能會去片場睇睇，你有無計劃去Florida Universal Studio會HP theme park？我去過第一期，都幾過癮架。
回覆刪除Yeah!! 揮揮手Harry Potter 之友!! :)
刪除我都有去到第一期，好鍾意嗰種一幕幕場景“活現眼前”嘅感覺，雖然個Harry Potter嘅ride我麻麻地，因為玩完真係堅暈，不過我都好想去埋新嘅Diagon Alley，但希望等佢唔好咁忙先去，可以享受多D。
原來你聖誕節前來過英國。
回覆刪除我聖誕節前無去到英國呀，只係收咗Harry Potter 嘅dvds禮物。:) 如果我嚟倫敦而妳又有時間，我實會揾妳架！
刪除其實我有諗過今年嚟，但因為BA今年改制，我想盡快用哂手上Avios換partners嘅機票，所以今年嚟唔成囉！
因為海豚兒的母親和家姐也是勤力型，從少海豚兒已經慣了飯來張口的生活模式 <-- you must have a happy childhood!
回覆刪除海豚兒最怕雜物，最喜歡家徒四壁的感覺 <-- my husband and my kids are all hoarders, and we have useless things all over house. It's driving me nuts!
哈哈！其實只要唔怕由朝到晚比兩位管家日哦夜哦，都真係幾爽，幾開心，因為堅係咩都唔駛諗就有人安排好哂，連買咩嘢衫，用咩嘢書包都唔駛我理。:D
刪除哎吔，比着我係妳都癲，1對3喎，摩打手都做唔切啦！其實我唔儲嘢都係因為家姐同媽媽都好鍾意整齊，而我只要唔製造"垃圾"，就自然有人幫我執埋嘢，所以我嘅懶真係被訓練出嚟架！XD
海豚兒:
回覆刪除~咁你近排, 可以煲下蝶啦!!
Harry Potter嘅碟喺一月就煲到爛哂lu! ;P
刪除不過我其實長期都係煲碟發燒友，最近煲緊港視，真係好睇過大台好多囉，豈碼就算D演員唔出聲，睇表情我大概都明佢哋想表達D咩，唔駛下下靠估嘛。;)
很合你心意的禮物~~ 我都好鍾意睇Harry Potter架, 戲同書都全部睇哂~~
回覆刪除Yeah!! 又多個鍾意Harry Potter嘅朋友仔啦! 我啱啱發現原來LA嘅環球影城遲D都會開Harry Potter主題公園，希望佢快D開埋去新加坡，咁亞洲嘅朋友仔就可以方便D去啦!
刪除