不一樣的Friday Night

多倫多地方比較大，有時候就算想吃一些看似簡單的食物，也會因為"唔就腳"而不會選擇在平日的晚上去吃，最主要是不願意開一程車花一個多小時在公路上塞車，情願留待週末才大吃大喝。不過嘛，凡事總有例外，就如剛過去的星期五，因為Mr. Dolphin 有一天假期，而咁啱，海豚兒收到Nike員工專門店的優惠----->就像上次Adidas員工專門店一様，在限定日子憑門卷可到這些平時只限員工幫襯的專門店以優惠價格購物。於是海豚兒便游説Mr. Dolphin在星期五下午獨自去潮聖，避免同人逼。。。不過最後都係買唔成波鞋，只係買咗頂帽仔o乍。之後等海豚兒放工便搭車再轉地鐵會合Mr. Dolphin，再一起吃個晚飯。

這天我倆去了一間韓國人經營的壽司店 ~ Gai Sushi，對於這兒食物水準，無論賣相和味道我倆也很滿意，有人對於這兒的飯後“甜品”。。。益力多更加是愛不惜手，在老婆的手機未吃已先行開啟飲用，既然好味成咁，海豚兒就將自己嗰樽都豪埋比你啦，wakaka! XD

其實海豚兒選擇這店子是為了方便翻兜之前介紹過的甜品舖，嚟過兩次之後，今次一坐低心急的海豚兒就先叫了一個古古力味心太軟，古力味濃，流心程度不是細水長流那種，而是濃濃厚厚的，不過吃到底看見有灘油漬，可能下次都係叫返綠茶味安全D，因為好似無咁油，而且Mr. Dolphin 很喜歡伴吃綠茶心太軟的紅豆啦！

至於流心芒果凍布丁真係好流啦，佢嘅流心程度簡直可以用澎湃嚟形容，不過海豚兒就嫌佢得好少芒果肉，下次都係食返芒果腸粉啱嘴型多D！

而Mr. Dolphin 就專登揀綠茶河粉配紅豆，墊底還有細細粒無餡湯圓，Mr. Dolphin 對此品大讚，好明顯有人好鍾意食呢度嘅綠茶紅豆甜品，所以就算海豚兒無叫綠茶心太軟，他都叫返個綠茶河粉嚟食。對於此品Mr. Dolphin 非常喜歡，不過海豚兒就覺得河粉口感有D怪，好似食緊發泡膠咁囉！^^"

順便補貼第二次嚟試過嘅焗西米布甸配芋頭粒，味道也不錯，不過如果有蓮蓉餡，我倆一定食得更開心。

其實可以喺星期五晚食到D平時食唔到嘅餐廳，我倆已經好好好開心啦。快樂有時候真係可以好簡單，只要能夠同喜歡嘅人分享食物，閒話家常，於願足矣！