很久以前跟大家提及過海豚兒的其中一位室友，至今仍未能跟她聯絡上(唉)!
雖然如此，海豚兒最近卻有緣能和另一位曾一起在温哥華生活的室友在多倫多重聚呢。:)
這位室友小時候隨家人從香港移民到多倫多，幾年後舉家搬到温哥華生活，到升讀大學時，她又再一次回到多倫多這個她很喜歡的地方居住，直至畢業後，工作了一段日子，她又回到温哥華了，就是在這機緣巧合下，海豚兒和她在團契中認識，繼而展開了我倆兩房一廳式的同居生活，直至她後來決定回流香港發展。有時候，海豚兒會覺得除了異性相吸之外，連與室友遇上也有這情況。不懂亦不愛下廚的海豚兒總是跟愛煮食的室友連上，而她們的另一共通點，就是同樣愛煲中藥。。。這個嘛，海豚兒就真的怕怕啦! ^^"
坦白説，「相見好同住難」這句老話真的沒錯啊。當年我倆在生活上也有過些磨擦，特別是海豚兒的性格也不是"順得人"，而且對家居環境好似有OCD咁，即係好似Sleeping with the Enemy女主角個老公咁呢，難得室友也頂得順，我倆到最後也是好聚好散，其實亦算難得啦!
多得電郵和面書，這麽多年來，我倆一直亦有保持聯絡，只是自從她回到香港不久後，海豚兒也搬到多倫多生活，直至她後來再次搬回温哥華定居，我倆也無緣碰面，難得她和女兒今次藉着丈夫到多倫多工幹而一起過來探望家人友好一星期，我倆才有機會一聚呢！雖知道海豚兒每次回温哥華也沒有太多時間見朋友，因為大部份時間也是和家人一起渡過嘛，所以當她在面書跟海豚兒約見面時，海豚兒實在是很高興啊！不竟，我倆亦已經有十五年沒有見過面啦！。。。又原來時間真的過得好快、好快啊!
當年，我倆也因為跟家人沒法同住而要自己找地方住，可幸是她現在跟父母關係比從前好多了，感恩！看見她和丈夫、女兒一起同來，臉上掛滿幸福的笑容，海豚兒也很替她高興啊！
題外話，她的女兒長得超級漂亮，活像一個洋娃娃，最有趣的是女兒比媽媽長得更像混血兒，而其實海豚兒的這位室友只剩下約八份一的混血兒血統，想不到來到女兒這一代，卻又這麼强勁起來！記得她從前告訴過海豚兒，她小時候一家人在茶餐廳用餐，是全靠在香港念書的她和哥哥點餐，因為父母都不太懂得看中文。當時海豚兒覺得很"正"，因為細細個已經可以點自己喜歡吃的食物，這個嘛，簡直是每個小朋友的夢想呢！
我倆亦已經有十五年沒有見過面啦！<--- I feel so old, I graduated from college 14 years ago.
回覆刪除One of my college roommates now live in Taiwan, and her non-Chinese kids speak perfect Chinese. I lost contact with the other roommate :(
妳唔老唔老！只係諗返轉頭會覺得時間過得好快遮！:) 不過我覺得幾得意嘅係室友同我都記得大家有15年無見面, 感覺好似大家都有記掛對方。
刪除有其中一個有聯絡都已經好叻啦，尤其大學年代嘅室友，雖然失去聯絡，至少唔係反面，我朋友哥哥試過喺佢驗到有乙型肝炎就好心話比室友知，點知個室友誇張到隻字不留，半夜靜靜雞就搬走咗。>_<
我只是租出過一間房比一個中國住，都算試過同室生涯。 那租客早出晚歸，所以溝通不多。
回覆刪除以前我會諗下做包租婆架，不過人越大就越需要私人空間，亦都好怕有太多"what if"嘅可能性，所以依家就諗都唔會諗啦！
刪除我覺得妳個室友走寶囉，應該多D留喺屋企，咁至有機會食到妳煮嘅嘢嘛！:P
我早前都見番廿幾年冇見的同學，感覺好特別呢
回覆刪除同意妳講相見好同住難，莫講話朋友，自己家人都係，我做女時同媽媽住，大家關係反而冇依家咁好tim
不過人大大下發覺同朋友好好都未必係一件好事，有時「雙敬如賓」反而仲好
妳朋友個老公係咪外國人嚟㗎？
我覺得感覺好似身置"平行時空"咁！望住眼前人，個腦會不停loop重前片段。。。嘻嘻！其實係咪見番舊情人呢。:P
刪除無論家人、伴侣、朋友，都真係需要時間磨合，一齊生活真係一D都唔容易，就算我老公同屋企人都算close,都覺得離開父母生活咁多年，依家好難想像再一齊住吖！生活上有多一D嘅空間，關係可能更親密。
我都覺得自己越大就越會同朋友「雙敬如賓」, 不竟同小時候唔同，除咗家人就係返學嘅朋友，朋友對我依然重要但唔再係"全部"，對我來説，這是我的自我保護程式，唔知妳係咪都係咁呢！
最奇嘅咪就係我朋友嘅老公都係100%中國人囉！
其實由細到大朋友係我心目中係好重要起位，佢地會控制我情緒，有時覺得好辛苦，我唔想再咁，所以要學識自我保護，咁樣會令自己開心D
刪除其實我以前都會好似妳咁架，而且仲好著緊朋友放我係咩嘢位置，好在有個好友"點"醒咗我，令我明白有時候對人家付出不應期望有相等嘅回報，無期望、無失望，而喺無期望下得到嘅就係bonus, 就更值得珍惜! :)
刪除我正在學習當中:p
刪除祝大家都揾到個靚位 ~ 最佳位置！
刪除我今週一都同F1的班主任再聚, 事隔成廿年, 感覺真係好特別!
回覆刪除細個時真係唔知唔明緣分, 人越大越覺得人與人的相處好奇妙, 真係要好好珍惜呀
我估甜魔媽媽讀書時一定係品學兼優嘅模範生，老師眼中嘅好學生，所以班主任對妳印象都特別深刻。:)
刪除對呀，小時候比較黑白分明，喜歡就喜歡，不喜歡就不喜歡，不會考慮被安排和隔離位坐嘅同學仔究竟有無緣份，人大了，失去過才會學懂珍惜，所以好似我依家返親香港都係最著緊見知己好友。
你可以同室友再聚, 咁多年都有好的關係, 很難得呀~~
回覆刪除真係幾有興趣見吓你室友個女的樣子~ 可能第時會見到她去選港姐呀~~
係呀! 我曾經以為我哋緣盡，都有失落過，所以當佢嚟多倫多主重約見面，我真係好"滾動"架。
刪除嘻嘻! 室友女兒真係好可愛，眼大大，輪廓分明，好有混血兒feel架，我估佢大個都一定好靚女遮! 如果有機會，我比佢張相妳睇吖!
海豚兒:
回覆刪除~原來你有宗教信仰, 同這個roommate 係團契識
~我當年, 同住roommate, 大家都是經濟問題, 先會找室友分住地方, 講真大家目的相同, 通常大家都明白!! 但溝通就好少!!
~不過, 見返自己以前識嘅朋友, 個感覺係真係特別啲!! 大家仲keep 住,係緣份!! 好好珍惜
其實我同室友都係覺得兩個人一齊住可以慳皮D，而且好彩地同呢個室友都幾close，可能因為我哋有共同嘅教會朋友，仲會一齊出街，一齊玩，唔會悶！而且兩個女生走埋一齊，扮靚、戀愛、家庭呢D話題，仲長講長有添！
刪除人越大真係會越掛住以前嘅人和事。細個聽D大人"想當年"，講真，當時覺得好鬼老土^^", 但唔知幾時開始，我都變得好鍾意懷舊，能够同舊朋友見面，感覺真係好親切！
那室友嫁的是外國人定是華人？你說她女兒更像mix?
回覆刪除奇就奇在室友老公係100%華人，只係室友嘅父和母各自有大概1/4非華人血統，朋友間都唔一定睇得出室友係mix, 反而睇室友女兒就一睇就會睇得出。:)
刪除