早前海豚兒睇大台嘅"Sunday 靚聲王"。。。一個悶到Mr. Dolphin 反艇的舊歌節目，不過呢，海豚兒就覺得有好多舊歌都好好聽，包括Mr. Dolphin 難以想像海豚兒竟然會識唱禪院鐘聲嘅副歌部分，就連天涯孤客都識唱，嚇到Mr. Dolphin怪叫! 咁當然呢個節目都有較為大路又好聽嘅歌啦，例如: 明星、問我、為妳鍾情、只怕不再遇上、假如、最愛是誰、那天再重聚、偶遇、初戀、輪流轉、婚紗背後、從今以後、倆忘煙水裡、荳芽夢等等等等, 都是聽出耳油的好歌啊。
其中有一集，三位女星獻唱高山青，即是阿里山的姑娘呢，海豚兒便把以下的相片whatsapp給海豚家姐，然後問她記得嗎？她説“當然記得。” 知道嗎? 這首歌對海豚兒來説，實在是畢。生。難。忘。!
海豚家姐比海豚兒大六歲有多，成長之後當然不覺六年差距大，但在童年時，當海豚兒入讀小一，海豚家姐就已經是中學生，這個年齡距離令到小時候的海豚兒總是心甘情願被海豚家姐老點的！^^"
雖然海豚兒和Mr. Dolphin 沒有孩子，我倆也認同孩子間年齡差距較細是比較好一點，就像Mr. Dolphin 跟他的家姐年紀只相差一年多，他們小時候確是比較啱玩，甚至長大後的思想和價值觀也比較接近。
又説遠了，話説當年仍在念小學的海豚家姐有一天返到屋企要同海豚兒玩角色扮演，其實這情況時常發生，通常都係玩下煮飯仔或扮下醫生病人咁，不過當天她突然戚起條筋，要扮演學校課外活動的舞蹈老師，海豚兒則扮演跳舞學生，要按海豚家姐的安排跟着這首高山青的音樂來跳舞咯！
你以為有這麽簡單嗎？海豚家姐認真到要勞煩海豚媽媽做道具架！海豚媽媽把"啷啷"一個一個用針線連到彈弓橡筋上，然後再跟據海豚兒的手腕、腳踝尺碼把這四條"啷啷"帶縫合起來讓海豚兒配帶，然後再加個搖鼓來跳舞，依家睇番張相，海豚兒簡直覺得自己係喺青山偷走出嚟咁癲，還好，海豚家姐選的是高山青而不是熱情的沙漠，否則造型可能會更爆。
唔信？今日賣大包，比張童年照你"見識"下！
為保障青山病童人身安全----->廢事比人見wok打wok，相片經過特别處理！:P
懷舊完啦! "匆匆的當天，太快已消逝，童年時就如此飄過~~~"
高山青真係未聽過, 係咪鄧麗君唱架? 佢個代的歌我只識「我只在乎你」、「月亮代表我的心」幾首咋!
回覆刪除不過妳張童年照照真係好得意, 個菇菇頭令我諗起妹妹呀 :p
其實我都唔知係邊位歌聲唱，只記得呢首歌來自台灣同埋屋企有呢餅錄音帶o乍！;P
刪除些些！不過Chloe妹妹比我得意好多，我細個個樣好呆架，唔係得人鍾意類型呢！
估唔到妳會睇Sunday 靚聲王喎，其實我都識唱禪院鐘聲架，wahaha...
回覆刪除妳家姐咁搞笑既，妳地依家仲有冇講番呢件事呀?
哈哈！今次真係妳估我唔到之餘我都估妳唔到喎！我記得呢首歌係細個時睇大台D慈善節目聽得多而識架！
刪除有呀！除咗呢件事，仲有好多添架，例如佢話我知菊花茶加可樂糖會爆炸，而我又會信喎！^^"
菊花茶加可樂糖會爆炸>>>wahaha...好好笑丫
刪除最蠢係我信之餘仲走去試。。。:(
刪除哈哈，我年紀大，你講嗰啲歌我全部都識唱........可能更舊嘅我都識，反為依家嘅歌，我可能一首都唔識。
回覆刪除個節目仲有介紹六、七十年代嘅歌架，不過我最鍾意依然係八十年代嘅歌。其實妳話..."年紀大，D歌全部識唱"...我覺得呢D歌經典嘛，識唱係代表識貨，但個節目將一D九十年代嘅歌都翻唱，我至醒覺原來九十年代已經係廿多年前嘅事，喺我心目中，好似係幾年前之嘛！;P
刪除呢個節目我睇左幾集，鍾意杜麗莎果一集，我鍾意佢。
回覆刪除杜麗莎上咗去兩集(第四、第八集)，如果妳鍾意佢，唔好miss喎！;)
刪除我鍾意懷念張國榮同黄霑嗰兩隻，而黄霑嗰集就即係第四集啦，哈哈！
My sister is 8 years older than me, and I was her personal maid!
回覆刪除Lol! I was told to call my sister "master" when I was little but she mistakenly told me to call her "monster" instead XD
刪除講名可能我唔會識, 但聽到可能會識, 因為我媽成日都聽舊歌, 麗莎我都識唱呀!
回覆刪除妳同媽媽係唔係好close, 成日陪佢嘅呢!
刪除其實我好鍾意聽舊歌架，尤其係八十年代嘅舊歌，我覺得幾時聽都咁啱feel!